الرديّة 2 × 1

[عادل العتيبي]

أعزائي رواد همس القوافي أعضاء وشعراء


سلام من الله عليكم ورحمة منه وبركاته


في احد الليالي الخاليه من الأصحاب والأقارب هاضت قريحتي وتمنيت شعر القلطه في ساعتها ولم اجد سوى قلبي لأتحاور معه


أليكم ما جرأ بيني وبين قلبي وانتم الحكم في هذه القلطه



الايام هذي أنا فاضي

والمثل يقول ( الفاضي يعمل قاضي ) يعني لا تشرهون ههههههههه



يقول قلبي :

يامرحبا في حلةٍ من دونها عوج الضلوع=القلطة أللي دمنا وعروقنا جمهورها
لكن قلي وش جرالك ياولد عصر الربوع=من بين بيبان المواجع وأرضها وقصورها

أنا :

دام البقا ياصاحبي يازين ياسمّح الطبوع=في وسط ربع(ن) خانمين وشورنا من شورها
لوّك فزعت بوقتها ماكان هليت الدموع=وأنته تغير موقعك وأصبحت في حنجورها

قلبي :

مالي ومال المسلم أللي ماعرفناله خشوع=والناس تفصلها المذاهب وتّعرف دستورها
أحسب حسابك ياولد منهو شبع لازم يجوع=والسالفه يبو محمد ماتطير طيورها

أنا :

الحمد لله ملتي ماهيّب من ملة يسوع=أصوم يوم(ن) قبلها ولا بعد عاشورها
وانا عشايه من سببكم ياولد فذّة قدوع=والناس لو تكذب تراني مامشيت بشورها

قلبي :

حشرتني في وسط كتله من عظام ومن دروع=والناس لو فيها بلا قلت البلا بصدورها
ولّعتلك شمعة غلا وأحرقت قلبي بالشموع=ياكيف تهوا الفاتنه وتطيح في خابورها

أنا :

ياصاحبي والفرق واضح بالسجود وبالركوع=والفرق مابين القلوب أحساسها وشعورها
أبيك تقنع مير عيا يندمج معك القنوع=من قبل تغرق بالبحر وتضيع وسط بحورها

قلبي :

شفت الجفا من صاحبك يالين سميته قطوع=والفرق مابين الأحبه صدقها وحضورها
الموج عالي والبحر غدار وعروقي تهوع=وترى السفينه سالمه لو سيّرت بابورها

أنا :

بالله قلي أنت من أيت بلد وأيات نوع=تطعن عباد الله ورمحك صاطي(ن) بنحورها
تراك تخطي بالحقيقه وانت رجال مخدوع=يومك تشوف أم الجمل حنت على مقهورها

قلبي :

انا تراني لا صطيت أطوّع أللي ما يطوع=أضم نفسي للرجال أللي طوال شبورها
وترا النخل لو مات لايمكن تميل أبه الجذوع=لو تنحني روس الجمال وينحنيلك زورها

أنا :

لو انت صاطي ما خذتك أم التغنج والميوع=يوم أنها جاتك تصيح وبينتلك جورها

أرحوا المعذر عن اكمال المحاورة لخصوصيتها البحته



شكرا للجميع

[الطائر المهاجر]

صح لسانك ولسان قلبك
بس ترانا في الشات ليليا فيه محاورات ورديات
اقترح يغير العنوان إلى : بيني وبين قلبي
خوفا لايجي واحد يشوف كلمة محاورة ويتقلها للمحاورة
لاهنت يالغالي
تحياتي الطيبة

[عذب القوافي]

الشاعر العذب / عادل العتيبي

صح لسانك وصح قلبك النابض

بهاكذا إبداع

وتمنينا نبحر معك في الغزل

لكن لخصوصية الموقف وقفنا

ت ق د ي ر ي

أبوابراهيم .

[الطامي]

عادل العتيبي
صح السانك ولاهنت يالغالي
ردية طيبه متداخلة بين قلب وصاحبه
الله عليها ابيات صخر طيبها من طيب صاحبها
شكرا لك

[مبارك أبوظهير]

ياسلام ياسلام




عادل العتيبي



رائعه جدا محاورتك مع قلبك .. تمنينا لو كانت طويله .. عشان بس نستمتع بالجمال



لاهنت لاهنت



تحياتي وإعجابي



مبارك

علي العتيبي

صح لسانك وصح قلبك

محاوره رائعه لاهنت

لك التحيه والشكر

[النهر الخالد]

هذا هو الشعر الحقيقي والذي يكمن مع الذات

لكي تسطرد مكامن الابداع في الحب داخل القلب

صح لسانك مدد بلا عدد

ممكن اسمها كلام الذات والقلب

من شاعر جميل اكن له الاحترام الوافر


شكرا لك وشكرا لقلبك الدافئ وطيب معدنك

تقبل مني تحياتي وتقديري لك

[عادل العتيبي]

أخواني الاعزاء


شرف لي مروركم


أثلج صدري هذا المرور الرائع والجميل


بيض الله وجيهكم جميعا

وصح ابدانكم


غمرتوني بروعه مروركم


شكرا للجميع

[عبدالله راشد الثويني]

الله عليك
ما أجمل الحوار مع الذات
كلمات رائعه تدل على مدى إتساع خيالك وتمكنك الشعري
تحيتي لشخصك الكريم
على أمل الالتقاء با المزيد من روائعك

[الخنساء]

صح لسانك اخي الشاعر عادل

لاهان راسك قصيدة رائعة

سلمت وسلم شعرك

دمت بخير