اشوف الموت ياخذ كل غالي

[منيع]

من الابيات القديمة امل ان تحوز على رضاكم
[line]

اشوف الموت ياخذ كل غالي=بلاه البين يعرف من صفالي
يجي للي اوده دون غيره=تنقاهم من اخيار الرجالي
تعمد كل من تهواه روحي=يجدد لوعتي لامايسالي
فجعني باالاهل وياالرفاقة= ووراني النكد واعزتالي
وشوف اللاش مايقرب احدوده=يعمر بالزمن عمر الجبالي
تماهلهم وعجل بالحبايب=يغطيهم تحت قاع الرمالي
الايابين وشلي في حياتي=بعدهم عيشتي مالها مجالي
حرام ابقى عقبهم ماتجيني=وانااللي قلت ماابقى اصيرتالي
لوجهه الله ياهزام ترحم=حزين طال عهده باالليالي
اجل ياموت مالي في وجودي=الا ارجوك عجل برتحالي

[الطائر المهاجر]

وشوف اللاش مايقرب احدوده
يعمر بالزمن عمر الجبالـي

طبعا عنده أفضل المستشارين وأفضل ما تنتجه المعامل المتخصصه في الغرب
وفلوسه تخدمه ، لكن الفقير ، نقول هذا عمره اللي الله قدر له لو هو ابو 30 سنه
صح لسانك وفكرك
وغفر الله لأمواتنا وأمواتكم وتقبلهم في فردوسه الأعلا
لاهنت يالغالي
مع أطيب تحياتي

[عبدالرحمن الصباح]

صح السانك وعلا شانك والله يرحم امواتنا وامواتكم ويسكنهم الجنه تقبل ودي واحترامي اخوي الغالي

وطرح جديد من درر البوح هنا وإبداع التصور وانهزام البعد في
راحلة العذوبة وجمالهاا أخي الغالي ..

يالها من فاتنة اعجزت أن يكون لها وصيفة بماتحمل من السحر الحلال.
لاحرمنا سحر نثرك وابداع فنك اخي ...

تحياتي وتقديري

000 فـ صح بوحك دوما وابدا صح لسانك مدد بلا عدد
لك الود بلا حد
اخوك/سراب الرحل

[سناعيس]

الأخ منيع
رحم الله أموات المسلمين

وصح لسانك على هذه الرائعه والمعبره
والله لايهينك

تحياتي

[الخنساء]

صح لسانك اخي الشاعر منيع

لاهان راسك قصيدة راااائعة

سلمت وسلم شعرك

دمت بخير

[حمد العيد]

القدير/ منيع

قديم تحركت له المشاعر الرحمة للاموات جميعا

وسلمت على هذا النص المميز

ودي وتقديري

روض الغلااا

[يزيد النمي]

الله اكبر
الله عليك يامنيع
عز الله ان الشجى يبعث الشجى
صح لسانك ويسلم بنانك
ورحم الله أموات المسلمين

منيع


صح لسانك


قصيده اليمه جدا


رحم الله اموات المسلمين


كل الشكر


تحيااااااتي لكـ

[ابومياس]

الغالي منيع

اولا رحم الله جميع امواتنا واموات المسلمين 0

ولكل انسان عمر محدد لايتقدم ساعة ولا يتاخر

اذا حان الوقت لم يفرق بين طفل او شايب او شباب

ولكن كلما نرجوه ان الله يحسن خاتمتنا 0

صح لسانك يالغالي لاهنت


دمت بخير