الهنـــــوف المترفـــــة

[عادل بوبدر]

بسم الله ابدأ

أجمل ليالي العمر في وصـل الهـنوف المتـرفه=يسري غلاها في الحشى مسرى الشراره في الهشيم
في ليـلةٍ غـاب القـمر في ذمّـتي إنها منصفه=واثـنى عليّ بـدر البـدور النور في ليل العـتيم
منه التعـطّف في غـنــَج وأنا عليّ التكـلفه=وأعـطيه نفحـاتٍ تـداوي عـلّة القـلب السقيم
ذكـــرى.. تـباين عودك المـيّاس لين و هـفـهفه=يميل ميل الغـصن مع نـفح الهوا عند الصريم
أنا أشهد إنا مسرفـين وخـلق ربي مسرفه=يا الله تغـفر ما مضى لي يا غـفور ويا رحيم
يا فايق التوصيف يا زين ٍ عجزت أوصّــفه=يا ديمة ٍ يمطر غلاها لوّ ما في الجو غيم
فتحت لك باب المحبه وانت كلك معرفه=تعرف غلاك وعارفٍ سر الجديد من القديم
كل المشاعر تحت راياتك مشت متحالفه=تعلن ولاها من مفاهيم ٍ تغـذت في الصميم
دونك ينابيع الهوى والدلو بيدك وأغرفه=وإليا أرتويت إسق النديم اللي ورد عـدّ النديم
لا تعتذر والعذر يا سيد الغلا وين أصرفه ؟=وأنا على جال الرجى خـلّــتـني أشواقي مقيم
مانيب من ياتي على صدفه و يمكن تصدفه=أما دسَم وإلا سمَح من مَــدّة الكف الكريم
أنا ملازيم الوعد وإليا عطيته ما اخلفه=وآتي على دعوى حميم ٍ يرتجي شوف الحميم
خل الوصل يمسح مذاريف العيون الذارفه=ويعزز اركان القلوب اللي شجنها مستديم
يوم المعزه سيّـرت بعض البشر متوالفه=غصب ٍ على العذال والواشين وإبليس الرجيم
بعض القلوب تعيش في ديره وهي متخالفه=والحب يجمع ساكن الطايف بـ سكان القصيم

قلم عادل بوبدر

[الطائر المهاجر]

صح لسانك وقلبك
جزل ومتمكن
لاهنت
تحياتي وودي

[شاكـر محمـد]

الله الله مدهش ومبدع

أما
والحب يجمع ساكن الطائف بسكان القصيم!
فأقول لك الله

صح لسانك وقلبك وافي وجزل
لك تحيتي وتقديري

[عبدالله السويلم]

اسرفت ياعادل على نفسك وجبت المسرفه // عـــز الله انك جبتها يا بوبدر وســـط الصميم
انا اشهد انك شـــاعرٍ يبني بــلايا تكلفــــه // يبني ولكن لا بنى يبني على الشكل القديم


صح لساااانك


شاعر متمكن بدون مجامله


لافض فوك يابوبدر


ابدعت وامتعت


تحياتي لك

[الطامي]

عادل
صح السانك ملايين
رائعة جدا
لاهنت

[نجم الإبداع]

صح لسانك ياعادل

مصافحه طيبه

لاهنت

[عادل بوبدر]

المشاركة الأصلية كتبت بواسطة الطائر المهاجر

صح لسانك وقلبك
جزل ومتمكن
لاهنت
تحياتي وودي

ان اتاك المدح من كبير
فقل شكرا وكفى

[عادل بوبدر]

المشاركة الأصلية كتبت بواسطة شاكـر محمـد

الله الله مدهش ومبدع

أما
والحب يجمع ساكن الطائف بسكان القصيم!
فأقول لك الله

صح لسانك وقلبك وافي وجزل
لك تحيتي وتقديري

يا اخي تواضعك رائع وجميل
صح بدنك وكلك يا امير الشعر

تحياتي واحترامي

[عادل بوبدر]

المشاركة الأصلية كتبت بواسطة عبدالله السويلم

اسرفت ياعادل على نفسك وجبت المسرفه // عـــز الله انك جبتها يا بوبدر وســـط الصميم
انا اشهد انك شـــاعرٍ يبني بــلايا تكلفــــه // يبني ولكن لا بنى يبني على الشكل القديم


صح لساااانك


شاعر متمكن بدون مجامله


لافض فوك يابوبدر


ابدعت وامتعت


تحياتي لك

وبدون مجاملة مافاق القصيدة جمالا وجزالة الا ردك ياشعر
ابدعت وامتعت واتعبتنا ياخوي

اهلا ً هلا بك يالسويلم يا وسيع المعرفه
والله يجملنا مع اهل العرف والراي الحكيم

الطيب جيلانه بحر واللي سواتك يغرفه
راهي ولا تنتابه الشكّات بالقلب السليم

عادل

[غازي الفكر]

الله الله
صح لسانك وكلك راقي الحرف
كنت بين الآآه والاعجاب (متعجب)
ووجه العجب في جمال الحرف واهات مكانه
في واقع معايش للكثير.يصحى على احرفه
(اهات,امال, كرامة نفس, مواجيب, تصرفات ,اخلاص...)
على ضوء قراتي في احرف مبدع الجمال ..والذي صنع الجمال باسلوب متفرد
الابداع له عراب ..يستطيع به صاحبه المبدع خلق الكثير من الصور
لزرع الاعجات التواق كمحاصيل للقاري يرى فيها
روعة الكلمه وتوافق مكانها ..وتشغيل عجلة الفكر
تقديري واحترامي