محاورة الخميس ظهرا3/4/08

[الطامي]

مرحبا عد ماهلت مزون السحايب = وعد مالاح بارقها ودندن رعدها(صنداح)
يامحمد ثلاث سنين وين انت غايب = حافظين الليالي مانسينا عددها(صنداح)
البقا بالرجال اللي تحل النشايب=والسوالف تسابق لك جهدها جهدها(قبلان)
من بغاني لقاني ياعطيب الضاريب =من يدور رجال العرف عنده وجدها(قبلان)
وصاحبك ياحمر العينين ماهوب تايب = لين ماتذبحه شعيله وتذبحه ولدها(صنداح)
سرها يالزلامي ثم حث الركايب=والاصيله تجيب الكاس من فعل يدها(قبلان)
بعد حطو على راسك طوال النصايب=ماتت الفتنه اللي توها في مهدها(قبلان)
والله أنامشينا بين برد ولهايب = حجتي واضحة لك يالرجل من سندها(صنداح)
وماوصلني خطر وانشك ويش انت جايب = وانت عينك يابن قبلان عالج رمدها(صنداح)
يازمان الفضايح يازمان العجايب=الحقيقه تشاف ومن عرفها جحدها(قبلان)
ماندور مدوح ولا ندور طلايب=مار من دور العليا لروحه وجدها(قبلان)
انت ياطاغيه فرقت شمل الحبايب = بنت ابو زيد الا شوفك تلمس نهدها(صنداح)
والنعم يامحمد فيك والفال طايب = وانت من قوم قاموس المعالي شهدها(صنداح)
كلها منك ياصنداح وانت السبايب=مالقيناك يوم النار يقدح زندها(قبلان)
ماعلى الطيبين خيار ياهل النجايب=مايبل الضوامي غير رجلٍ وردها (قبلان)
لو تطول السنين ولو تهب الهبايب = عندنا كاشف الارصاد قبلك رصدها(صنداح)
أن بغيتو رضا والا بغيتو غصايب=مايقوم بيوت العزه الا عمدها(قبلان)
الصلاه اقبلت والقاف يالربع شايب=خلها يالزلامي بيننا في وعدها (قبلان)

باقي لي بيتين

[الطامي]

قبلان
بيت واحد واضيف الأخير فقط

[الطائر المهاجر]

محاورة طيبة من شاعرين كبيرين
انا ايضا راجعت والظاهر اني اضفت البيت اللي نقص
أن بغيتـو رضـا والا بغيـتـو غصـايـب
مايقـوم بيـوت العـزه الا عمدها
صحة السنتكم
ولا هانت روسكم
ومشكور يامنصور على الجهد الرائع

[النهج المختلف]

الله يعطيهم العافية شعار على البداع لاهنتو

ويعطيك العافية ..منصور على النقل لاهنت

تحياتي للجميع

[داعي الشوق]

شعراء كبار

ومحــاوره ممتعه

تستحق المتـــــابعه

صح لســـان الجميع ،،،

[الطامي]

الطائر
شكرا لمروك
لاهنت

[الطامي]

فواز
شكرا لمروك
لاهنت

[الطامي]

داعي
شكرا لمرروك
لاهنت

[نجم الإبداع]

الله الله

صح لسانك ياصنداح
وصح لسان بن قبلان

شاعرين من العيار الثقيل

شكرا للنقل يالطامي

مودتي للجميع