كلما حاولت ابفهم ويش يجري

[الطائر المهاجر]

قبل حوالي 300-400 سنه بدأ ما يسمى المستشرقون بالتوافد على الجزيرة العربيه
عاشوا بين القبائل ودخلوا كل القرى ، وعرفوا نقاط الضعف بين المذاهب والتي يمكن ان تفجر الحروب ، وكانوا عملاء للمخابرات البرطانيه ، جمعوا لها كل ما تحتاجه لترسم مع الغرب مخطط معاهدة سايكس بيكو، وهانحن الآن نشهد البدء بتنفيذ المخطط البديل
الشرق الأوسط الجديد

كلما حاولت ابفهم ويش يجري= من حوالينا بملعوب السياسه
من مخطط بالخفاء مرسوم بدري= من يهود وفرس من اهل الخساسه
ادرك اني فاهم وآقول مدري= خايف المصطاد في وحل النجاسه
لو رجعنا للورا وقتٍ وعصري= يوم ياتونا دبابيس العساسه
قالوا مستشرق يبي بالعلم يحري= وهو يجمع مايبي شان الدساسه
داخلٍ في كل قريه وكل شبري= ومدركٍ كل المذاهب في دراسه
وفاهم للناس بدوانٍ وحضري = لين ادرك للضعف باوسع لباسه
ادرك ان اليعربي بالعقل صفري= وبانفعالاته يضيّع للفراسه
حطوا التخطيط في منهاج قذري= فرقوهم تحكموهم في وناسه
وابتدا استعمار لكن غير جهري = من ورا الشطرنج يجني من غراسه
يحلبوا الثروات ماحسوا بذعري= ويعملوا في صمت في يسر وسلاسه
وبعد ما نجح المخطط دون حذري= ابتدوا التقسيم في خبث ونحاسه
شرقٍ اوسط منقسم سبعين كسري= بين فارس واليهود ابلا وجاسه
في دويلاتٍ صغيره دون ذكري= كل وحده تحتهم حكم وحراسه
بالعراق البدء عن خبثٍ ومكري= سهلوا لايران ما تبغى افتراسه
وواعدوها بالخليج بشكل مغري = فللعهود السابقه حفظ وقداسه
وصاحبوا الاخوان في تونس ومصري= لعلمهم بالأمر باعث للحساسه
يشجعوا ذا ضد هذا بكل صبري= لين يقبس بينهم عنف وجفاسه
ويسهل التقسيم ماشالوا لوزري= من جهل فيهم يظن بهم حماسه
منقذين السلم ما خلوا لذخري= والهدف مكشوف مايبغى حداسه
والعرب لاهين في مدٍ وجزي= شيعي وسني بحربٍ في شراسه
كل منهم شايفٍ ف النفس قمري= كامل بالدين من راسه لساسه
بيز بيدين المعادي دون يدري= مابهم حكمه ولا عقل وكياسه
دام ذي اوضاعهم فالكل سدري= والنهاية ما تبي ذهن ونطاسه
مقبل الأيام تشريد وقهري= فالعرب واحد بتعريف السياسه

[الخنساء]

صح لسانك مليوووووون ولايكفون

قصيدة جزلة من شاعر متمكن

تترجم الواقع والله يستر

سلمت ودام حرفك

[داعي الشوق]

( الله يرحمك يا صدام )

صح لسانك و اعتلا شانك

تصوير مفصل بدقه

و أبدعت في ذلك

ولاهنت

وصح لسانك

[سعيد عوده الحويطي]

الطائر المهاجر. لن اقول صح لسانك ولكني اقول لك شكرا على هذه المحاضره الرائعه في السياسة والتي تكلم عن واقع رهيب ربما كان يجهله الكثير من الناس ولكنه اليوم بدى يطل علينا بوجهه القبيح ويتجاهله الكثير اما لعدم التصديق به او لضروف المصالح المتقاطعة كما يسمونها ولاحول ولا قوة الابالله العلي العظيم شكرا على هذا الطرح الهادف والجريئ وتقبل تحياتي.

[القويفلي]

صح لسانك وفكرك
مليون × مليون ولاتكفي
لاهنت يالغالي
تحياتي واحترامي

[الـزلـزال]

الطائر المهاجر

نص مميز وهادف ومعبر عما يجيري
من شاعر متميز ورائع في كل مايقدمه لنا
مبدع في كل نصوصك الشعريه طائرنا
حلق بحروف شعرك فهي تروق لنا ونسعد بمعانقتها
صح لسانك ملايين ملايين
ولك فائق تحياتي وتقديري

[منيع]

اما فيهم رجل رشيد
شكرا لك ولحرفك الحكيم
تحياتي

[احمد الكثيري]

ابو عبدالله نص راائع وجميل بارك الله فيك
وسلم فكرك الراقي لقد امتعتنا بهذه الكلمات
بارك الله فيك

[الطاهر]

تعجز حروفي فى وصف روعة حروفك العذبة
صح لسانك وقلبك
ولاهان راسك
تحياتي الطيبه

[حي الضمير]

ويمكرون ويمكر الله والله خير الماكرين سبحانه

صح لسانك ابوعبدالله ابدعت حيل