ياليت الدمع له محبس

[ابو أنس]

للتواصل المحبب معكم وللوصول الى ذوائقكم الراقيه
أضع هذا النص

ياليت الدمع له محبس أصكه والحسود يموت=يموت من القهر مايعرف اللي داخل ضلوعي
ابجمع حزني وشوقي واباجمع فكري المشتوت=وابا اضحك في وجيه الناس واشرب مالح دموعي
ابي منهو يعايشني يقول اني انا المبخوت=ويتمنى يجي مثلي ولايدري عن صدوعي
اعيش بحزني لوحدي وذا همي وانا المشموت=اذا ما بحت بالسده غدا علمي مهو طوعي
اسامر صافي القمرا واناجي بعدها بالصوت=أجر آهاتي الحرّا واظن الصوت مسموعي
وأحاسب نفسي بنفسي واقول الحزن مابه فوت=يفوت العمر واحزان القلوب افراد وجموعي
احرك كل من حولي وانا في داخلي مبهوت=اخاف عيون تكشف داخلي والقلب مشلوعي

[حي الضمير]

شاعرنا الكبير ابوأنس سلامة قلبك من كل ضيق
واسعد الله قلبك
وابدعت حيل وأثرت يانجم
ومدد بلا عدد صح لسااااانك وفكرك

[حوريه]

شاعرنـا ســعــد

ماأروع حروفك,,,فيها الكثير من الأحاسيس الدافئه الراقية

وأن كانت مؤلمه ,,,فهي تلامس الشعور والأعماق

وتترجم الإحساس ...

صح قلبك مليووووم ..

لاهنت ولاهان مغليك يالغالي

دمت بكل خير
00000

[الطامي]

ابو انس
صح السانك
جزلة من جزل لافض فوك
شكرا لك

[الطائر المهاجر]

وش بلاك /كل عليه من زمانه واكف
صح لسانك وقلبك
ولا هان راسك
تحياتي

[بنت العز]

ابو انس هذا حال الدنيا يوم لك ويوم عليك
سلمت ولاهنت
تحياتي

[شعيل الزلامي]

وأحاسب نفسي بنفسي واقول الحزن مابه فوت=يفوت العمر واحزان القلوب افراد وجموعي


الاخ العزيز/ابو انس
صح لسانك مددد

[عيدالماجد]

الله مااروع ماكتبت صح لسانك شاعرنا ويعطيك العافيه

[منيع]

ابداع وتميز
بارك الله فيكم
تحياتي لكم

[ترانيم المطر]

صح لسانك وقلبك
ولا هان راسك
تحياتي