![]() |
رقم المشاركة : 1 | ||
|
هو محمد بن عبد الله العوني ـ شاعر علم ـ ولد العوني في بريده حوالي سنة 1261هـ ، ولم يكن من عائلة مشهورة بل كان والده يعمل بالبناء ، ولكن نبوغه بالشعر بوأه مكانة كبيرة لم يكن يحلم بها فعرفه الناس وأصبح له شأن كبير بينهم ، عاش محمد العوني في الفترة ما بين سقوط الدولة السعودية الثانية و عاصر قيام الدولة السعودية الثالثة على يد موحد الجزيرة الملك عبدالعزيز بن عبدالرحمن آل سعود .. طيّب الله ثراه .. كان كغيره من الشعراء يتكسّب بالشعر فيزور الأمراء والشيوخ في مجالسهم ليمدحهم و ليأخذ أعطياتهم ...
قل داركم من عقبكـم تنـدب الثـرا=تبكـي علـى الماضيـن واعزتالـها لعبوا بـها الأجنـاب لا رحم حيكـم=والبيـض بالبلـدان شتـت لحالـها شيبانكم تضـرب على غيـر موجـب=من عقب كبـر الجاه تنتـف سبالـها أولاد علـي اليـوم ذا وقـت نفعكـم=لا رحـم أبو نفـسٍ تتاجـر بمالـها أولا علـي أن الليـالـي قصيــرة=ولا للفتـى غيـر الثنـا من نـواها أولاد علـي اليـوم ما هـو بباكـر=قوموا بعـزم الليث ماضـي أفعالـها وقد كان العوني بقصيدته تلك ذكياً لدرجة غير معقولة فقد ذكر ضمن القصيدة كل الشيوخ والأمراء الذي سوف يمر ((بنو عقيل)) فى ديارهم فى طريق عودتهم من الشام إلى القصيم وبالغ في مدحه لهم فأمن خط سيرهم وضمن أن أحدا لن يعترض طريقهم بالعودة وبالفعل عادوا وحاربوا ابن رشيد بالقصيم تميز العوني بالشعر السياسي حتى أصبح الشاعر وحيد عصره بهذا اللون الذي كانت له مقدرة عجيبة على صياغته بشكل حماسي يلهب النفوس ويقلب الموازين ، ويعاب عليه أنه متقلب بالاتجاهات الفكرية والانتماءات السياسية فتارة مع هؤلاء وتارة أخرى مع أولئك ولم يكن يستقر في فكر واحد ولو لم يكن كذلك لما انتهى به الأمر إلى السجن حيث سجنه المغفور له الملك عبدالعزيز آل سعود ليكفي الناس شره فلم يكن يحل في مكان إلاّ وحلت به الفتنة حتى يرحل فسجنه الملك عبدالعزيز وتوفي بعد خروج من السجن بأيام قلائل سنة 1342هـ عن عمر يفوق الثمانين عام عرف العوني كشاعر سياسي من الدرجة الأولى وقد أدخل هذا الغرض إلى الشعر النبطي وفرضه على الناس من خلال إبداعاته غير المحدودة وليس معنى ذلك أنه لم ينظم في غير هذا الغرض بل كان العوني متمكنا في كل معنى يتطرق له بشعره كقوله من قصيده له
حل الرحيـل وجـل بالقلـب ولـوال=تذكيـر توكيـر التفـاكـير والقيـل مما جرى قلب الخطا بالحشـا جـال=من واهجٍ يزفـر كما زفـر سجيـل تمـايـزت كل الكـواكب بالأكمـال=تبين لبـدري علـى داجلـي الليـل وأنا وقلبـي بيـن نوجـات وأمثـال=مـن بيننـا تقفـي وتقبـل تعـاليل أنهى وهو ينهى ولا أدري من الضال=ولا أدري من اللي عقب العدل والميل وكان العوني في شعره يذكر أنه من قبيلة (( شمر )) ويؤكد ذلك بقوله
على بني عمـي سنـادي عن الميـل=نطاحـت الكـايد كبـار الوهـايـل أقفـوا كما مـزنٍ ثقيـل المخاييـل=من زاعـج الغربى حدر له شعايـل شمـر مقابيـس المنـايا هل الخيـل=عصـم الروايـا مقحميـن الدبايـل هم حاصلـي لا كحلـن المحاصيـل=غوش الجبل خزنى غلاميـن حايـل ولما سجن (( العوني )) تحول شعره إلى المدح والحكم والنصائح نظراً ليأسه من الحياة السياسية بعد أن فشل في تحقيق ما كان يصبوا إليه بشعره . . . ومن داخل السجن وجه القصائد بالمدح طالباً الرحمة لعله يخرج من السجن فلم يقبل أحد من ممدوحيه الوساطة له وفى آخر أيامه نظم قصيدته المشهورة والتي عرفت فيها بعد بـ(( توبة العوني )) وفيها توجه إلى الخالق جل شأنه تائباً راجياً عفوه ورضاه . . . وبعد إتمامه للقصيدة صدر أمر العفو عنه فخرج من السجن إلا أنه لم يعش بعد خروجه إلا شهور قلائل فقد وهن وأنهكه السجن فتوفي أما قصيدة (( التوبة )) فمنها هذه الأبيات
يا فـارج الشـدة بضيـق المجالـي=أفـرج لعبـدك يـا منجـى دخيلـه وانظر بعينـك يا با لفـراج حالـي=فـردٍ غريـبٍ ولامسـاعـي قليلـه وحيـد مالي غيـر ظـلك ظلالـي=ذليـل مالـي غيـر عـزك وسيلـه لا خـوان لا عمّـان لا من خوالـي=ولا صديـقٍ بـالـوزا نشتكـي لـه قضيت من المخلوق محـدن بدالـي=إلاّ أنـت ياللـي ما تخلـي عمليـه عادون كل المخلوق شـرق وشمالـي=ولا بقـا غيـر ذرى نلتجــي لـه أطلبـك تقبـل توبتـى عن خمالـي=وأطلبـك عنى كـل كـرب تزيلـه أفرج لمن بالحبـس دونـه رحالـي=وأبـواب وإقفـالٍ وحصـنٍ طويلـه فـي وسـط دبـابٍ وحيـدٍ لحالـي=أظلـم ولا أدرى وش نهـاره وليلـه ومن القصائد النادرة له
أنا لي هـرجـةٍ مـع طـول حـسّـي = وانـا لـي هــرجــةٍ رمــسٍ خـفـيّـه وانـا لي مـشـيـةٍ فـوق الـرفـاع = وانا لـي مـشـيــةٍ وادي الـثـنــيّـه وانا ان رافقت عقرب صرت عقرب = وانـا ان رافـقـت حـيّـه صرت حـيّـه وانا ان رافـقـت طـيّب صرت طـيّب = وانـا ان رافـقـت نـذلٍ صـرت زيّــه وانا ابذل مالي من دون عرضي = والآزم دون مــن يـلــزم خــويّــه وانا لي هـرجـةٍ من دون ربـعـي =تـعـيـش بـها الرفـاقـه والـبـقــيّـه نهايته : يجدر الذكر أن للعوني نهاية كانت قاسية و مؤلمة ، فقد أخذ يحرض العقيلات بعد إستتباب الحكم لعبدالعزيز بن سعود لكي يثوروا عليه .. فما كان من الملك عبدالعزيز إلا أن أمر بالقبض عليه وأرسله لإبن جلوي عامله على الإحساء الذي قام بسجنه في بئر مظلمة لعدة سنوات فقد فيها بصره .. و قد قال العوني و هو في البئر قصيدة مشهورة سميّت بتوبة العوني قالها يسترحم الملك عبدالعزيز بن سعود و يطلب منه أن يأمر بفك سجنه .. و كذلك كان الأمر إلا أن القدر لم يمهل العوني .. ففاضت روحه إلى بارئها بعد أيام قليلة من خروجه .. |
||
![]() |
![]() |
رقم المشاركة : 2 | ||
|
خلوج تجذ القلب بتلا عوالها=تكسر بعبرات تحطم سلالها
تهيض مفجوع الضمير بحسها=الى طوحت حسه تزايد هجالها له قلت أنا يا ناق كفى عن البكا=لا تبحثين النفس عما جرى لها لا تفجعين البال بالله هودى=ولى خلوج خبث البين بالها تبكين فرقا بكرة شدة العرب=ضاعت يمين البوش والا شمالها تجيك يا ناق الخطا أو تجينها=وان كان ضاعت لك بديل بدالها لكن أنا اليوم ما تنعد مصاوبى=ولا علتي تبرا ولا ينشكى لها فلو البكا يا ناق عنى يحلها=بكيت بيض أيامها مع ليالها ولو البكا يا ناق يرجع لغايب=بكيت لين العين ييبس ثمالها وابكى على الا ثنين ما ذعذع الهوا=مدى الدهر لين النفس تلحق زوالها وابكى على ما صاب نفسى وما جرى=وابكى على فتخان الايدي زلالها وابكى على دار ربينا بربعها=معلوم خشم الرعن من شمالها ومن شرق طعسين الأرخم تحدها=بين اللوى والسر ما اطيب سهالها دار بنجد جنة كان قبل ذا=ومن صكته غبر الليلى عنا لها وصفه من الخفرات بيضا عفيفه=يفوق كل البيض باهر جما لها حسودها يغضى الى مر حولها=من خوف عيال تربوا بجالها حى امنا واحلو مطعوم درها=غدتنا وربتنا وحنا عيالها بزور بنا ما مثلها يكرم الضنا=وصول بنا لكن نسينا وصالها تلقى علينا الجوخ والشال فوقنا=وهي عاريه تبكى ولا احد بكى لها ولا أحد جزع من صيحته يوم سبلت=ولا أحد نشد من بعد ذواش جرى لها قلت آه واويلاه يا خيبة الرجا=كيف أمنا تهضم وحنا قبالها يا طارش من فوق سراقة الوطا=هميم الى سارت ذعرها ظلا لها حابل ثمان اسنين ما مس خلفها=ولا بركت للشيل جملة حمالها الى بدالي لازم قلت شدها=واضبط عن الفزات مقضب حبالها ولا نعتنى بالخرج ماذي بحزته=شل قربة واجعل زهابك عدالها فالى شلت خذلى بالرسن قدر ساعه=أبلغك في دق المسايل جلا لها والى ختمته بالسلام فحثها=من دار (ابو جابر) سقى الغيث جالها اوصيك يا مرسال بالسير والسرى=واحذرك نوم الليل عينك ينالها الى سرتها عشر وخمس مغرب=مرواحك (الشام ) منها منا لها والى جيت (سوق العصر ) ياتيك غلمه=تخثع بزينات البريسم انعالها يقولون لك ياصاح عطنا علومك=بلدان نجد عقبنا وش جرى لها قل كل بلدان القصيم وغيرها=عن الخوف زاموا دون جاله رجالها مير داركم من عقبكم تندب الثرى=تبكى على الماضين واعزتا لها لعبوا بها الاجناب لا رحم حيكم=والبيض بالبلدان شتت لجالها شيا بكم تضرب على غير موجب=من عقب كبر الجاه تنتف سبا لها أولاد على اليوم ذا وقت نفعكم=لا رحم أبو نفس تتاجر بما لها أولاد على ان الليالى قصيرة=ولا للفتى غير الثنا من نوالها أولاد على اليوم ما هوب باكر=قومو بعزم الليث ماضي فعالها لا تتبعون الهون والعجز والعسى=او ربما او ليت يعتب سوالها جود ورجا يا نا س ما هيب عندكم=هذيك ما لحقو هل القول جا لها وذى قالة ما ينطحه كود نا در=اولاد على من بكم قال انا لها ترى مركب الاخطار هو مصعد العلى=ولا يدرك المقصود غير احتما لها وترى بالسيوف المال والعز والبقا=والجنه الخضرا بخضرة ا ظلالها قومو براى الله واقضوا ديونكم=أنتم هل القالات ما أنتم رذالها |
||
![]() |
![]() |
رقم المشاركة : 3 | ||
|
توبة العوني
يـــا الله يــاوالـي عــلـى كــل والــي=يـاخـيـر مـــن يـدعـا لـكـشف الـجـليله
الـمـالـك الـمـعـبود مـحـصـي الـرمـالي=الــكـون والـدنـيـا ومــابـه فـهـي لــه مـــا كـــان بـــه أول ومـاكـان تـالـي=مـلـكـه يـدَيّـر بــه عـلـى مـايـجي لــه يـمـضـي ويـقـضـي قـــادر ٍ مـايـبـالي=والـخـلق مــا تـفـعل بــلا أمــره فـعـيله مــالـه شــريـك جـــل فــوق مـتـعالي=عــلـمـه أحــــاط بـدقـهـتا والـجـلـيله اشــهـد فـــلا غــيـره إلـــه ِولالــي=ربٍّ ســـواه أخــشـاه وأرجـــي لـنـيـله يــاواحــد ٍ فـــوق الـسـمـوات عــالـي=مـــن سـطـوتـه كــل الـخـلايق ذلـيـله يــافــارج الــشـدة بـضـيـق الـحـوالـي=إفــــرج لــعـبـدك يـامـنـجي خـلـيـله وإنــظـر بـعـينك يـابـا الأفــراج حـالـي=فـــرد ٍ غــريـب والـمـصـاغي قـلـيـله وحــيـد مــالـي غــيـر ظـلـك ظـلالـي=ذلــيـل مــالـي غــيـر عــزك وسـيـله يــاراحـم إرحـــم شـيـبـتي وانـخـذالـي=يـاجـابـر أجــبـر عـثـرتـي والـفـشـيله وألـطـف ونـاظـر يـالـولي فــي سـؤالـي=لاتــواخـذن فـيـمـا مـضـا مــن فـعـيله لاأخـــوان لاعــمـان لامـــن خــوالـي=ولامـــن صــديـق ٍبــالـورى نـشـتـكيله لـــو كـــان مـايـجلى ســواء الله جـالـي=مــا شـفـت عـبـد ٍهـرجـته لــي جـمـيله تــقـطـعـت وذم الــعــرى والــمـدالـي=مــــن جـمـلـة الــخـلان والـمـسـتخيله وقـضـيت مــن الـمـخلوق مـاحـد بـقـالي=إلا أنـــت يــالـي مـــا يـخـلي عـمـيله عـادونـي كــل الـنـاس شــرق وشـمـالي=ولا بــقــا غــيـرك ذراً الـتـجـي لـــه شــافــون مــذلـول ٍ وحــيـد ٍ لـحـالـي=ولا لــي مــن الـفـزعات مـومـي شـلـيله وأنــــا بــعــون الله امــتـانٍ حـبـالـي=مـتـجـود ٍ بـحـبـال مـنـشـي الـمـخـيله لـــو كــان كــلٍّ لــه صـديـق امـوالـي=اقــــراب واخـــوان وعـــزوة قـبـيـله أنـــا لـــي الــلّـي زابــنـه مـايـسالي=جــزل الـعـطا مـبـري الـجـسوم الـعـليله الــيـا دعـــوا حـبـانـهم فـــز بـالـي=رفـعـت طـرفـي لــه وقـمـت اشـتكي لـه وإلــــى تــنــادوا بـيـنـهم لـلّـنـوالي=نــاديــت بـاسـمـك يـامـنـجي دخـيـلـه ومـــن لاذبــك مـاصـار بـالـضيق تـالـي=يـصـيـر الاول لـــو اعـظـامـه هـزيـله أنــــا دخــيـلـك يـاعـزيـز الـجـلالـي=حــاشـا كـــرم جــودك يـضـيع عـمـيله بــريـت مـــن غـيـرك بـحـالي ومـالـي=وزبـنـت أنــا بـحـماك عــن كــل مـيله مـــن شـــر خـلـقـك لايـذبـك ولالــي=غــيـرك مـــلاذ ٍ شـامـخ ٍ يـنـعني لــه يـــارب مــالـي غـيـر جــدواك والــي=وان كــــان خـلـيـتن فــلالـي عـقـيـله يــــا عــالـم ٍ بـالـمـخطية والـعـدالـي=تــشـوف مــالـي غـيـر عـدلـك وسـيـله فــــلا تـواخـذنـي بـمـاضـي افـعـالـي=يـــا سـاتـر الـعـورات مـضـفي جـمـيله لـــو كـــان ذنـبـي راجــح ٍ بـالـجبالي=عــفـوك عـظـيـم لـيـس ذنـبـي عـديـله أطـلـبـك تـقـبـل تـوبـتي عــن خـمـالي=وأطـلـبـك عــنـي كــل كــرب ٍ تـزيـله وأطـلـبـك تـغـفـرلي وتـصـلـح اعـمـالي=يــا مـزبـن الـخـايف إلــى بــاد حـيـله مـــــولاي لامــنــجـا ولا مـلـتـجـالي=إلا انــــت يــالـلـي مـايـذيـر نـزيـلـه يـافـزعـت الـمـظـلوم مـنـشـي الـخـيالي=يــا فــارج الـشـدات لــو هــي ثـقـيله أفـــرج لـمـن بـالـحبس دونــه رجـالـي=وابـــواب واقــفـال واحــصـون طـويـله فـــي وســط دبــاب ٍ غـريـب ٍ لـحـالي=أظــلــم ولادري وش نــهــاره ولــيـلـه مــتـروك مــالـي مـــن يــرد الـمـقالي=لاحـــد ٍ يـبـي قـولـي ولا أحــد يـشـيله ولا واحـــد ٍ غــيـرك عـلـيـه إتـكـالـي=إلا انـــت يـامـنـجي دريـــك الـدبـيـله مــــادام تـنـظـرلي وتـسـمـع مـقـالـي=مــاخـاب عــبـد ٍ يــدري انــك وكـيـله يــاسـامـع ٍ بـالـلـيل حـــس الـنـمـالي=وتـصـويـت يــونـس بـالـبحور الـطـويله الـمـاء وضــرب الـمـوج مـثـل الـجـبالي=فــوقــه أجـيـبـت دعــوتـه وتـهـلـيله يــامـصـرف الأيـــام هـــي والـيـالـي=فـــي قـولـتـه يــجـري الـقـلم بـتـعديله ادعـــوك بـاسـمـاك الـعـظـام الـجـزالي=وابــحـق مـاخـصيت لــك مــن فـضـيلة وابــحـق عـظـمـة قــدرتـك والـجـلالـي=وابــحـق نـــورك والـفـعـال الـجـمـيله وابـــحــق مــانـزلـتـه من اول وتــالــي=تـجـيـرني مـــن شــر خـلـقك طـويـله وتزيل كربات ٍ عيلنا ثقالي= تغطلست مالي سوا الله دليله آمـــن عـلـى قـلـب ٍ يـجـتول اجـتوالي=يـــا مـسـكـن الـروعـات سـكـن جـفـيله أســـرع عـلـيـنا يـــا قـريـب الـنـوالي=لا تــجـعـل الــشـده عـلـيـنا طـويـلـه يــافـارج الـكـربـة بـضـيـق الـحـوالـي=أومــــر لـعـبـدك بـالـفـرج وتـعـجـيله وإجـــل الأمـــور الـمـعـضله والـجـلالي=عـنـي وكــل عـبـد مـسـلمٍ يـنـدعي لــه وصـــلاة ربـــي عــد رمــل الـسـهالي=عــلــى نــبــي ٍ وضـــح الله دلـيـلـه صــفـوة قـريـش الـلـي مـشـى بـالـعدالي=نـبـيـنا الـمـعـصوم عـــن كــل مـيـله |
||
![]() |
![]() |
رقم المشاركة : 4 | ||
|
هذه قصيده لمحمد العبد الله العوني في معركه جراااااااااب
دار يا الي تحت سمر الهضاب =علها من مقاديرهم الوسوم
ديرة عزها الله بالشباب =خاضو المعركه تسعسن يوم ياانها رجز مثل الضباب =قام ضد على ضد يزوم شفت غوش اليمن تتلي عقاب =ورده للمنايا و السهوم حسهم كلاصواعق بالسحاب =في نهار تواقع به النجوم انتخى ملبس بايمن جراب =هو و طايح بعيدين العلوم و برجس للملاقا ما يهاب =اخو بهيشى الرحل للزوام وشفت مطني على الصفراء رعاب =ينفض السيف عن فوق القحوم كنه السبع يا شر النصاب =و شفت يمناه ما عليه هدوم و شفت هباس في وسط الجراب =العداء حط في جمعه ثلوم و شفت عـــراك يدلي كلاعقاب =ما ضرب في كفه ما يقوم و نداء يوم اللقاء حسبه رعاب =يشبع الطير ما يدلي يحوم روّج الدم بالقاع الرغاب =كنه السيل يا دلّى يعوم و انهزم ضدنا حدر الضباب =عقب رد النقا راح مهزوم و حوطوا لاتبي مع كل باب =و تهبو حلته غوش ِِِ قروم |
||
![]() |
![]() |
رقم المشاركة : 5 | ||
|
في مدح شيوخ المنتفق من آل سعدون خاصة الشيخ سعدون
دعونا برايه ثـم راي أبـو ثامـر=أبو كلمةٍ يافـي بهـا حيـن قالهـا
عرق الوفا بحر الندى مرهق العـدا=وان شبّت الهيجـا تعرفـه جمالهـا هيّج سباع الحرب بالبـر والبحـر=والشمس تشكي عجّ خيلـه ينالهـا ومصقّلات الهند تدعـي لـه البقـا=لولاه كان اصـدت بغمـده سلالهـا نشا مولعٍ بالحرب والضرب ما شكا=والخيل والعيـرات تشكـي هزالهـا من كثر ما مسّه على السير والسرا=ومن كثر ما خاضن مهامه سهالهـا قـوي بـاسٍ مـا يليـن لمعضلـه=والى ضكته صعبات الاحوال شالهـا شال الحمول الكايده يـوم جدعـت=وعفـىّ ظهـورٍ جدّعتهـا رجالهـا وعفُى مراعيهـا، وبـرّد ظهورهـا=وان جيدلت بالسيف عـدّل جدالهـا تذرّى به السرحان والنمـر والفهـد=ومن هيبته كلٍّ رقـد فـي ظلالهـا أقسمت بالكرسي وبالنور والضحـى=واشهد بسكّاب المطر مـن خيالهـا فلا جابت الخفرات سعدون أو مشى=مثاله على وجه الوطا مـن رجالهـا من مثل ابو ثامر إلى ضبضب القهر=والخيل زاد مـن البلنـزا جفالهـا؟ له هدّةٍ ما قيـل ابـا زيـد هدّهـا=ولا عنتر المشهور ما قيـل نالهـا على سابقٍ تعطي على مـا يريدهـا=وتكـره صناديـد القبايـل خيالهـا كيـف ان لطّـام العرانيـن فوقهـا=وغياهب السعـدون تتبـع مجالهـا شبيبيّـةٍ تـروي مقـادم حريبهـا=وذا من قديمٍ طبـع جدهـا وخالهـا إلى صاح بـالمنشا ساروا وسبّلـوا=وردوا كما سيلٍ حدر مـن جبالهـا منشا يرون المـوت بالعـزّ متّجـر=ومجاول الفرسـان غايـة سؤالهـا أويّ والله لابـةٍ تـرعـف القـنـا=وهم ذروة الدنيـا، وذروة افعالهـا إ لو هم شفيقينٍ على عـزّ شيخهـم=والى عزّ شيخ القوم عزّت ارذالهـا أبا انسف على بعض الشبيب ملامة=وتكرم عن شيـل الملامـة سبالهـا هم كيف عبدالله حمى الخيل وابنـه=ملحق قصيـرات السبايـا طوالهـا تركوا بنقيـان الصريـف ترودهـم=الضبعة العرجا وتنـدب عيالهـا ؟ وهم يزرعون العيش ما كن كارهـم=ويـلاه يـا عيـنٍ تزايـد همالهـا فلولا أبو ثامر بـرد حـرّ خاطـري=فرض سنة الشغموم وايتم اطفالهـا سنة مهلهـل مـع كليـبٍ خليصـه=فرضها أبو ثامـر وجـدّد سمالهـا ذبح بـعبدالله شيوخٍ ضحـى النقـا=مصابيح ظلما بالدجى ينعنـى لهـا ومن عقبهم ميّـة وسبعيـن لحيـة=عينه، ونفسه ما قضى عشر مالهـا وان عاش ابو ثامر وسانع له الهوى=كم خفرةٍ ترمى الغطا عـن جمالهـا تبكي قصايرهـا، وتبكـي حليلهـا=وتبكي مشافيقـه وترمـي دلالهـا |
||
![]() |
![]() |
رقم المشاركة : 6 | ||
|
زار في بداية حياته قصر برزان إبان سيطرة الأمير محمد بن رشيد على نجد و القضاء على الدولة السعودية الثانية .. وهناك جرى بينه وبين الأمير محمد العبدالله الرشيد تحدي ولكي يثبت محمد العوني شاعريته دعا شعراء إبن رشيد بأن يأتوا بقصيدة مهمّلة ( تنظم جميع كلماتها من حروف لا تحتوي على نقط ) وأعطاهم أسبوع ليأتوا بها ففشلوا .. فقال القصيدة المهمّلة التالية وكان له الجزاء الوافي والأعطيات الكثيرة :
هل الهلال وهـامــل الدمـع مدرار = لا هـل واهمل مـاطـره,كلهلل هـل
على مود مـلك الله ولا صـــــــــار = له,والمها مـاله, ولا رسـم ما كـل صور وصار الملح والدل والكــار = لا رام له حــال ولا المــال لـه حـل لو صاح صالح طالعه ساع ما دار = اود على صدره على المسـك عمّل سامح محمد لا رأى روس الاسطـار= وحسامـه الصـارم لراع الهوى سل ولا رد كود اهلا وسهلا لـه كـــرار = والحـلـم هـو .. والعلـم دلـه ولا دل اسـالـه و مـا درى الـود مــا صــار = و لا و لا لـه .. كــم دور لهـم عــل اول صدور مواصله والهوى صـار = لمـا الدهــــر رده عـلـى حالـه اوّل ما صح عله والرعـد مـا وسـم دار = والحـال حال الحول والحمل ما حل ولولا حلاها حلهـا روس الاكـــوار = مـا حـل له دل ولو هو .. حل ما دل عسا عسـى مـا كمل الدار .. للدار = عاد الرحا دوره على روس الاوحال وصلوا على طه عدد رمـل الاوعار = او ما كسـا سهـل الوطا للسما طل |
||
![]() |
![]() |
رقم المشاركة : 7 | ||
|
الف شكر علي هذه الروائع لهذا الفحل |
||
![]() |
![]() |
رقم المشاركة : 8 | ||
|
نقل متميز لكلمات تحوى من المعانى أروعها و أرقها |
||
![]() |
![]() |
رقم المشاركة : 9 | ||
|
جزاك الله كل الخير |
||
![]() |
![]() |
رقم المشاركة : 10 | ||
|
يعطيك العااافية |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 16 ( الأعضاء 0 والزوار 16) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قبيلة بني زيد | فارس بني تميم | القبائل بلدانها وشعرائها | 25 | 19-02-2014 06:33 PM |
قبيلة سبيع( الغلباء) | ليل | القبائل بلدانها وشعرائها | 24 | 09-12-2010 01:26 AM |
(لا تتركيني)القصة كاملة مدموجه | ذيب السنافي | منتدى الشعر والخواطر بالفصيح | 40 | 10-01-2009 10:32 PM |