(البـارحه ما طبّـق الجفن بنعاس

[الطائر المهاجر]

(البـارحه ما طبّـق الجفن بنعاس = هـمٍّ يصـدّر به وهـمٍّ يجيبـه)
تبحـر بي الأفكار بشراع هوجاس = وأراجـع الـواقع لأمّـه كئيبه
نمشي بهذا الوقت ونباري الساس= نخضع بصمت لْنجمةٍ او صليبه
مطمع لراعين البقر نسل الانجاس = وكل اليهـود وكل نـذلٍ نعيبه
هـم يقتلوا فينـا ولا فيه من باس = ولـو بالخطا يقتل حديهم مصيبه
وهم يسرقو ثرواتنـا نفط والماس = وهم من أمر شارون يشعل لهيبه
يحتّل ، يقتل ، لا ضميرٍ ولا احساس= ما سلم منه الطفـل يرضع حليبه
ولا سلم منّه مقعـدٍ شـايب الراس = وحتى العجـايز والبنات النحيبه
وهم فرّقونا اصناف واشكال واجناس= وقمنـا نتناطح كننا في زريبه
كلٍ لهـم يقـرب ولا باس ينـداس = ويْدوس ربعه لاجل ياخذ نصيبه
احـدٍ بيـدّه واخر بهـرج هلاّس = وما يندرى من حرّكه في نبيبه
تهنـا وكلٍ صـار بالفكـر محتاس = يبكي ألم من واقـعٍ بان عيبه
باسباب ثـورٍ هيّجه كثر وسواس = قام يعثى في الخلق ظلم وغصيبه
وسواسه الإسلام علّـق به اجراس= يقول دين ارهاب يرضي صحيبه
الثـور لامن هـاج ما ميّز الناس = واللي بعيد عنه يسمع حنيبه
ان كان تهرب جاك مقبل بالامراس = وان كان تاقف فهم باللي نوي به
من دون فكرٍ نزرع الوقت بالياس= ومن دون دين الله فلا فيه هيبه
النـار تشعل نار والجهـل مقباس = والدم يرّث دمّ يجري شعيبه
ومن قال انا كسبان يبشر بالافلاس= فمن شقّ جيب الناس شقّو لجيبه

[الأموره]

صح لسانك ملايين ،،

سلم بوحك و دام نبضك ،،

الف شكر لك ،،

دمت برعاية الخالق ،،

[صعبة المنال]

سلمت وصح لسااانك

صعووب

[نفحات حساسة]

صح الله لسانك..ولاهنت
كلمات رائعه..تحياتى

[عبدالله السويلم]

صح لسانك يادكتور

ابيات رائعه

تحياتي لك

[بنت النور]

صح لسانك وعتلى شانك
بارك الله فيك
جميل ما قرأته
لاهنت تحياتي

[الطامي]

الطائر
صح السانك ملايين
مبدع بجميع حالتك قديما وحديثا
منك يبدء الشعر وبك يجود
لاهنت