بالعالم الثالث وما اكثر بلاويه

[الطائر المهاجر]

بالعالم الثالث وما اكثر بلاويه=احد فقير وآخر حيل متخوم
كلٍ وحظه لو عن الناس يخفيه= احد صحى حظه واحد غاطس بنوم
حظك اذا من نام ما احدٍ يصحيه= ياكود "واوٍ" قالطه عند مخدوم
واو قويه من حلالك بتشريه = او هو قريب لك يبي منك ملزوم
او واحد يبغاك بيز تداريه = وفي يوم تاصل مثل غيرك من القوم
تاصل بذل وراس لازم توطيه= ونفاق مكشوفٍ بمدحك على الدوم
ومادام تدري مركزك يوم تخليه= تبدا بسرق ونهب مايلحقك لوم
مثلك مثل ايات ثوب تلاقيه= يلبس ويفصخ قبل ماينتهي اليوم
وكانك عزيز النفس حر بمباديه= حظك اذا من نام كمل معه نوم
اقنع برزقك لو قليل حراويه= واضبط مصاريفك ولو كنت مغموم
تمد ساقك قد لحفٍ تغطيه = وخل المهايط والبذخ ماله لزوم
تعيش مرتاحٍ ولا شي يغثيه = بهدوء نفس لامشاكل ولاهموم

[منيع]

اقنع برزقك لو قليل حراويه= واضبط مصاريفك ولو كنت مغموم
تمد ساقك قد لحفٍ تغطيه = وخل المهايط والبذخ ماله لزوم
تعيش مرتاحٍ ولا شي يغثيه = بهدوء نفس لامشاكل ولاهموم

جزل ومبدع لاهنت يادكتور
تحياتي لكم

[الطامي]

صح السانك
وافيةوكافيه
لاهنت

[داعي الشوق]

صح لسانك وطاب حالك
الله يصلح الحال يا بوعبدالله

جزل بكل معانيك وقصيدة جزله

دمت بخير وصح لسانك مدد

[صنداح الزلامى]

صح لسانك واعتلا شانك مبدع كعادتك يابو عبدالله

[بنت النور]

صح لسانك واعتلى شأنك
ولاهنت
تحيتي واحترامي

[الطائر المهاجر]

شكرا منيع
على كريم المتابعه
لاهنت
تحياتي

[هترل]

العالم الثالث من اللي مسميه = من قبل تنشد عن طحاطيح ورخوم
منهو خرب بيته وهدم مبانيه = ومنهو لعب في حسبته بيوم معلوم
وضح لنا يالعود كب المشاريه = نبي على الموجز تفاصيل وعلوم

هههههه
صح لسانك يابو عبدالله
جزل ولا فيك حيله يالعود

ودي

[عبدالعزيز الرقابي]

ابيات جسدت الواقع الحي
صح لسانك يادكتور وعسى الله يعطيك الصحة والعافيه .. واشتقنا لحروفك الذهبية
حفظك الله

[الطائر المهاجر]

شكرا الطامي
على كريم المتابعه
لاهنت
تحياتي