اشوف إن البحر هايج

[الطائر المهاجر]

اشوف إن البحر هايج واشوف الجو زاد غبار = واشوف الليل وامواجه تغطّي مدخل الوادي
اصوّت من حنايا الصمت ابي لو يسمع البحّار = وناجي عمري الضايع يدوّر عيد ميلادي
لقيته يشتكي وقتٍ بجوره يعمي الأبصار = بلا روحٍ بدرب التيه ضاع الضعن والحادي
بغيت اصرخ اناديهم ولكن ما لقيت آثار = بقيت بحرقتي وحدي اغنّي الحزن انشادي
عرفت إن الزمن ماهو زماني فالزمن دوّار= تغيّر دونما ادري وانا مشغول باجدادي
مبادي كنت اتبعها غدت في الدرب كالصبّار= وكل اللي تعلمته نسخه الوقت بابرادي
ربع قرنٍ وانا عقلي يعبأ دونما اختار= اعلّم من هم الأخيار ومنهم شرّ الاضدادي
وفي لحظه رياح اتهب تعكس هادي التيّار= ابلحق غير ما امدى وتركني بالفكر غادي
مادام إنّ العلم بالصغر نقشٍ باصعب الأحجار= ترى مسحه يبي له وقت من تخطيط واعدادي
ويبي من يشرح اهدافه بوقتٍ واضح الأخطار= فمن لاتقدره سلّم عليه وخلّك البادي
ومن قال المطر ديمه جرفه السيل كالأشجار= ومن لا يعتبر بالغير يخسر كل الامجادي
وترى طيرٍ بلاجنحان مايقدر على المطيار= ولو ركّبْت له صنعه ولو تدعمه باسنادي
زمان الصمت لو تدري بقلبٍ فيه مثل النار= على شان الحبيبه خايفٍ صولات الاحقادي
سوا من عاديٍ واضح أو طيورٍ عليها دثار= من اللي برمجت للشر بالأهواء تنقادي
يبيها دوم في العالي تعدّى الشمس والأقمار= تعيش بحاضرٍ احلا وتبني مجد الاحفادي

[الأموره]

صح لسانك ملايين يالشاعر

سلم بوحك ،،

الف شكر لك

دمت برعاية الخالق

[صعبة المنال]

سلمت
وصح لسااااااااااااااانك

صعوووب

[نفحات حساسة]

صح الله لسسسسسسسانك ولا هنت يالطائر
ونستنى المزيد من الابداع..تقبل مرورى ولى عوده..

[الطائر المهاجر]

شكرا الأموره
على كريم المرور
تحياتي

[بنت النور]

ماشاء الله ابيات في قمة الروعه
صح لسانك وعتلى شانك
لاهنت
تقديري واحترامي

[منيع]

اشوف إن البحر هايج واشـوف الجـو زاد غبـار
واشــوف اللـيـل وامـواجـه تغـطّـي مـدخـل الـــوادي

هايج
صح السانك ابيات تحاكي الواقع
شكرا لك
تحياتي لكم

[الطامي]

صح السانك
ولاهنت

[الطائر المهاجر]

شكرا صعبه
على كريم المرور
تحياتي

[الطائر المهاجر]

شكرا نفحات
على كريم المرور
تحياتي