غاشوا علينا مدّعين العروبه

[الطائر المهاجر]

غاشوا علينا مدّعين العروبه = وصاروا هل الديره وصرنا بها اجناب
مثل البعوض اليا لقى له رطوبه= فرّخ بها واصبح للامراض جلاّب
وان كنت طيّب ما حسبتَ حسوبه= ياصلك شرّه لو توخيت الاسباب
ودامه تعلق في الشياه الحلوبه = يلقى بها ما يبتغي درع وحجاب
يلسع على كيفه وتكثر ندوبه = في كل بيت له علامه على الباب
ابني وابنك نوّخ الفقر صوبه = ماله أمل يلقى عمل عند الانياب
محدٍ حماه ولا درى وش ينوبه= ولا حدٍ شعر بالذنب لو يكثر عتاب
ولا حدٍ عرف به لين تظهر ذنوبه= فالفقر ذل الرجل للعقل خلاّب
وهذي خفافيش الظلام اللعوبه = تمتص خير الدار تنظر له اسلاب
في كل دربٍ تلتقيها تجوبه = متكاتفه مع بعضها مثل الاطناب
ولا من وصلهم من حدنّه لتوبه= فالداب مهما يبتسم له فهو داب
ياسرع ما تلدغه جمله كذوبه= وتقرير "مايصلح" بتوقيع الاذناب
ولو هو رجل جدّي يحطوا عيوبه= يبون من يرجون من صحب واقراب
ما احدٍ يحاسبهم على كل حوبه = واللي معاهم في الجريمه له احزاب
ولا من شبع واحد وكبرت علوبه= يبدا غراب البين بالسب باسهاب

[منيع]

جزل ومبدع يادكتور
وللاسف لايزال الوضع بحاجة الى مراجعة اكثر واكثر
شكرا لك
تحياتي لكم

[الطامي]

صح السانك

ولاهنت

[داعي الشوق]

ابدعت واجزلت في معناك ياجزل

الله يحفظ البلاد والعباد منهم
وصح لسانك مدد

ودام ابداعك ياعود

[الطائر المهاجر]

شكرا منيع
على كريم المتابعه
لاهنت
تحياتي

[حرف وشعر]

اخي الشاعر المبدع الدكتور عثمان نص واقعي من اروع ما قرات مؤخرا صح بوحك ومنطوقك الجزل

[الطائر المهاجر]

شكرا اخي الطامي
على كريم المتابعه
لاهنت
تحياتي

[ضاامية الود]

السلام عليكم ورحمة الله
اخوي وستاذ الشعر
صح لسانك وبوحك
تحياتي وتقديري لك

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا حرف وشعر
على كريم المتابعه
لاهنت
تحياتي