(( حنا معك لو تروح ايمين وشمالي ))

[طلال العازمي]

السلام عليكم ورحمة الله وبركاته


بعد الغياب وبدون مقدمات

ياطير ياللي يرفرف في جناحينه = فوق المباني وواضح عندك الغالي
حنا لنا اسنين درب العشق طاوينا = ولا حسبت اني ابيوم أعيد موّالي
صدفه وياليتنا للدرب ما جينا = صدفه سريعه ولكن دوّخت بالي
يا سهلها كان دربٍ فيه مرّينا = ويا صعبها نظرةٍ فالكبد تجتالي
من يومها والضمير ايقول ... هو وينه ؟ = ومن يومها إلحاله اللي للغلا نالي
حتى أصبح القلب وعزومي مساجينه = والرجل تركض على جرّته طوّالي
اروح له بالشغل والشوق حادينا = مغير ابي شوفته شوفته تهنالي
و لا بان زوله ولدّت عيني ابعينه = انسى الشغل كله ... اعيونه هي اشغالي
ادور العلم و لا به علم ياتينا = مغير طيرٍ يرفرف بالسما عالي
لو ان علومك تباع ابسوق .. شارينا = واريّح القلب من همّي وغربالي
مير ان وصلك صعب والبعد ياشينه = ومن صدّتك ما وصل يا زين مرسالي
تعال وارحب ولا تبخل تماشينا = حنا معك لو تروح ايمين وشمالي
وإن جيت غالي وإذا قفّيت غالينا = مقدر أكذّب واقول إن رحت مو غالي

[داعي الشوق]

صح لسانك مليوون يا طلال

والحمدلله على السلامه

ولاهنت يالشاعر

ابداع جميل و جزل

صح لسانك مدد

مع التقدير لك

****************

[منيع]

افتيت قلبك وصدقك
انت جميل وروحك اجمل
شكرا لك ولمشاعرك الرائعة
تحياتي لك

[طلال العازمي]

المشاركة الأصلية كتبت بواسطة داعي الشوق

صح لسانك مليوون يا طلال

والحمدلله على السلامه

ولاهنت يالشاعر

ابداع جميل و جزل

صح لسانك مدد

مع التقدير لك

****************

صح بدنك ولا هنت على المرور الطيب

[هترل]

الشاعر الفاضل طلال العازمي
صح لسانك مدد
ابدعت وامتعت لاهنت
والحمد لله على السلامه
اهلا بعودتك


تحياتي

[فارس القوافي]

مرحبا بك ياطلال
ونعم وسبعة انعام

صح لسانك

لاهنت

يعطيك العافية

دمت بخير

[الطامي]

اهلا طلال
صح السانك
رائعة جدا
لاهنت اخي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[ابو أنس]

الفاضل طلال العازمي..............
صح لسان وماقصرت
الحمدلله على السلامه ومرحبا بعودتك
تحيتي وودي

[نجم الإبداع]

ارحب ياطلال

وصح لسانك على المصافحه الراقيه

لاهنت

تقبل مروري

وتقديري