دلعهن عالي المستوى

[محمد بن عمار]

السلام عليكم ...
صباح ومساء الخير .
ترى ماعندي عذر غياب
علشان كذا ساكت . هههه
معكم هالمشاركة الجديدة


دلعهن عالي المستوى

الهوى والمحبة والدلع والجمال = والقلوب الرهيفه .! ماتخاون سوى
راعي القلب الأخضر لو تكلّف وشال = شال ثنتين منهن كان قلبه قوى
بس انا شايل ٍ قلبي حمول ٍ ثقال = أربع ٍ فوق الأربع ، لين ذاب وذوى
جور فرقا عشيري والتوجد ليال = وحرقة البعد في قلب ٍ جزع وإنكوى
لوابااحصي همومي وأضرب ابهن مثال = ماهقيت إن قافي يشمل المحتوى
كنت أنا في طريقي ماشي ٍ بالعدال = مترك ٍ كل ذيب ٍ فوق رجمه عوى
لين واجهت رعبوب ٍ شبيه الغزال = لين العود غض ٍ عقلها ما استوى
يوم لدت بطرف ٍ زاهي الإكتحال = وسلهمت رمشها اللي للمحاجر زوى
وجيدها اللي مداريته بطرحه وشال = مثل عنق الوضيحي لا إنثنت إلتوى
بصفحة الخد مرسوم ٍ من الذوق خال = وابيض اللولو اللي للثنايا حوى
والشفايف بها ينبوع عذب ٍ زلال = راعي الغي عمره لو شرب مارتوى
قلت يا ريم صبري ، بالمعاناة طال = ما تشوفين حالي بالعذاب إنطوى
أسهرالليل ودمعي من على الخد سال = وآتعبّر وراسي من ونيني خوى
وآهني الذي عمره ..! تمنى ، ونال = مرة ٍ في حياته ،، أدرك اللي نوى
لضامرات البطون ، ومترفات الدلال = فى التغنّج دلعهن عالي المستوى
بس ياليت ! ما تنفع ، على كل حال = التمني تجني ! والسلامه ، دواء

فيض ودي

أخوكم / محمد بن عمار

[عبدالله مذكر العقيلي]

رائعه من شاعر رائع

صح لسانك

ولله درك

دمت متميز

تحيتي

[عبدالعزيز البليهد]

صح لسانك ولاهنت

عذوبه ولااروع

ولو ماشفت الصوره الي بتوقيعك لي كلام ثاني ربي يسعدك

الله يحفظه ويخليك له

[النهج المختلف]

الشاعر الرائع محمد بن عمار صح السانك ، ،

قصيدة جزلة من شاعر جزل ومتمكن ، ،

شعور رائع يترجم احساس عذب وراقي ، ،

ووصف عالي الجوده ، ،

لاهنت والله يعطيك العافية ، ،

تحياتي وتقديري ، ،

[عبير الورد]

صـــح لســـاااااانك وسلم بنانك
سلمت ولاهنت ولاهان منطوقك الراقي

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
ودام ابداعك
تحيتي ومودتي

[منيع]

ياسلام عليك ياابن عمار غبت وجبت
تحياتي وتقديري

[زهرة اللوتس]

صح لسانك
ولاهنت
جزله من جزل
تحية طيبه

[حمود السكراني]

قصيدة سبك وحبك وقاف نادر سلمت وسلم بوحك