حلمٍ يعاودني مع رديات بين الزملاء

[الطائر المهاجر]

حلمٍ يعاودني ليالي عديده = يامفسر الاحلام قل لي عسى خير
اعيش وحدي وسط غابه مديده= ما اسمع إلا صوت غزلان او طير
حتى ظهرت حيّه كبيره عنيده = من وافته تبداه نظره و تخدير
ومن بعدها يصبح بيدها طريده= ينفذ اوامرها على كل تدبير
ومن يعترض تلسع وتدمي وريده= ويصير عبره يعتبر منّها الغير
حيّه اساساً من اراضي بعيده= لبست لباس يخدع الذيب وبعير
وقامت تفرق بين سعد وسعيده= وكلٍ بميسمها غدا له تعابير
حتى اصبحت مستحكمه ف البديده= والارض واللي تحتها من تباشير
ومن قرّبت فالخلق تصبح عبيده= ومن لامشى بطوعه يشوف التعازير
وفوق الافق نار ولو هي زهيده= ويمكن الى الغابه تصل دون تحذير
تحرق غصونٍ يابساتٍ عتيده = وتقضي على طيورٍ اليفه ودبابير
حاولت ابهرب والمخارج عديده= وقلت انتظر ارعى لبعض المطايير
لعل مزنٍ مع رياحٍ شديده = تغيّر من الاحوال لو لحظة عصير
هذا الحلم وين العقول السديده= اللي تفسر واضحات التفاسير

[بنت النور]

وفــوق الافــق نــار ولــو هــي زهـيـده
ويمكن الى الغابه تصل دون تحذير
تـحــرق غــصــونٍ يـابـســاتٍ عـتـيــده
وتقضـي علـى طيـورٍ اليفـه ودبابـيـر
حـاولــت ابـهــرب والـمـخـارج عــديــده
وقلت انتظـر ارعـى لبعـض المطاييـر
لــعـــل مـــــزنٍ مـــــع ريـــــاحٍ شـــديـــده
تغيّر من الاحـوال لـو لحظـة عصيـر
هــذا الحـلـم ويـــن الـعـقـول الـسـديـده
الـلــي تـفـســر واضــحــات التـفـاسـيـر







الله علييك ..
ابدااع .. وجماليه ابياااتك لاحدود لها
صح لسسانككك

[عاشقة السحاب]

لــعـــل مـــــزنٍ مـــــع ريـــــاحٍ شـــديـــده

تغيّر من الاحـوال لـو لحظـة عصيـر

اعصار ساندى جاب العيد

صح نبضك وفكرك

[الطامي]

اهلا بمن يطلب مفسر بريده = من عندنا التعبير ياتي بتفسير
لعل هالحيه يجيها مصيده = من عند رب البيت بالصبح وعصير
والله يحشر سمها في وريده = ويكسر لها الشوكه بشر بعد غير
ويزيد فيها اللي تشوفه عبيده = زلزال وامطار وحرق واعاصير
وتلهى بمشاكلها وتصبح بعيده = والله يكفي اهل الاسلام بالخير
والله يصلطها على هالعنيده = اللي على السُنه تسوق التكابير
وهي بعيده من الامور الحميده = غدت لنا شوكه مع الجنب وتسير
وتشب بين اهل العقول الزهيده = بعيد عنا ذكرها من ورى الدير
وياتي على الظالم امور شديده = نكتبها بالتاريخ من غير تزوير
ونسلا من اهل المكر واهل المكيده = اذكارهم بوادي جهنم زمهرير
ويعم خير الارض نعمة فريده = امن وامان وخير مافيه تكفير
ويحفظ لنا الاسلام فتره مديده= من كل شر وكل حاسد وشرير
واهل الخليج تعيش عيشه سعيده= الين اسرافيل ينفخ مع الزير
هاذي تعابر الحلوم النكيده = ياللي تبي تفسير سم التعابير

[منيع]

ياخطير
حلمك مزعج وابياتك مجلجلة

حلمك عجيب ورمعتي به فريده=الرويس يبحل به ولافيه تبرير
صرنارعاك الله امه بليده=وتكالبت عجم الدول باامة الخير
وهذا نتاج الغرب واللي يريده=واظن مايحتاج نعطي محاذير
الامرواضح والخبر بالجريده=على بعضناكننا سالم الزير
مادام ضيعناالامور الحميده=لاعادنبكي لابلتناالمقادير

تحياتي لكم

[ابو أنس]

الحلم ماهو حلم ليله مديده=الحلم ذا واقع ولااحتاج تفسير
مير البلا نرعاه نرقب جديده=وحنا نشوفه ينفث السم ويغير
ونسوّف اصبر كود يطلع مكيده=كود الخوارق عننا تقصر السير
يومن قتلنا الوهن صرنا عبيده=صرنا عبيد للملذات والخير
واصل البلافينا طريف وتليده=وفيناخداديم ن لها (الصّلّ) في الدير
أجندتن مكتوبتن بالمكيده=والاتها منهم ومنا بتسخير
وحنا نزيد الطين بلّه نزيده=بمداهنن والا بشجبٍ وتبرير

[سااامر]

الغابه اللي في ظلالك مشيده=ماهي بعيده كان فالعلم تفسير
والحيه اللي سمها ماتفيده=ماهي حقيقه غير أفه وتحذير
واللي بيدها قلتها شبه صيده=هذا حدا اللي ينقلون المقادير
دوم الحسد بين الذرى والحديده=ياكل مثل أكل الجراد المحاشير
هذا دليل انك من اهل العقيده=تحفظ كتاب الله ولاجاك تغيير
من الذي دايم دروبه مكيده=فالحلم قومه من هواة المسايير
الله واعلم كان صبنا الفريده=والا على ماقيل خير وتباشير

[الطيف المسافر]

المشاركة الأصلية كتبت بواسطة سااامر

هذا دليل انك من اهل العقيده=تحفظ كتاب الله ولاجاك تغيير
من الذي دايم دروبه مكيده=فالحلم قومه من هواة المسايير
الله واعلم كان صبنا الفريده=والا على ماقيل خير وتباشير

واللهم اجعله خير
راق لي جواب الشاعر اعلاه
وصح لسانك مشرفنا وجاد بيانك

[داعي الشوق]

الحيه اللي شفتها يالوليده =في حلم ليلك و انت بفراشك شخير
تفسيرها عندي و هذي اكيده =و الحلم ما يحتاج ايات تفسير
عندك كنوزٍ بالتوانك عديده =متراكمات و زاد فيها المعايير
يا كثر ما تدفن فلوس جديده= الين و اليورو و معها دنانير
تفسير حلمك جاك ياللي تريده = ولا عاد تبلشنا بكثر التفاكير

و صح لسااانك مدد

ولاهنت

[سااامر]

[QUOTE=داعي الشوق;1588109][center][size="5"][color="darkslateblue"][i]

الحيه اللي شفتها يالوليده
... في حلم ليلك و انت بفراشك شخير
تفسيرها عندي و هذي اكيده
... و الحلم ما يحتاج ايات تفسير
عندك كنوزٍ بالتوانك عديده
... متراكمات و زاد فيها المعايير
يا كثر ما تدفن فلوس جديده
... الين و اليورو و معها دنانير

------

صح الله لسانك على كل صيده=جبت الحقايق واضحات المعايير
انكان مايقدر يحسب رصيده=ترى الزكاة اوجب على كل تفسير
الداب وايا المال دايم عضيده=والغابه الخزنه لجمع الدنانير
عليك في تفسير داعي وفيده=الاقربون اولى وحنا مخاشير
داعي ترا دايم صلاته شهيده=ماقد ذكر بانه مع الصف الاخير