ماعند قلبي من هواكم مناعه

[نجم الإبداع]

ياصيد لاقيته على شوف ووداع=ماكان غير الشوف عندي طماعه
جاني نحيل القد والكف لماع =لمعت ذهب ماهو لعرض البضاعه
اهيف خفيف الردف للوصل ماطاع=عايش امل فالبعد شفت الفضاعه
لاقال حرف اتحس به حس ملتاع=واليا ابتسم بين الشفايا التماعه
كل المشاعر وقعت له بالاحماع=وش فيه مايقبل ولو ربع ساعه
لو جا تشافت داخلي كل الاوجاع=ولو جا لشاف خفوق زاد التياعه
ولو جا ليشر لي ويامر بالاصباع=ارضيه ثم اقول سمعا وطاعه
من ذاق طعم الحب ماتاب لو ضاع=قيس انكوى من حب ليلى ولاعه
وانا معك قلبي كما قيس منصاع =يرضيه شوفك بعد طول القطاعه
ياهاجري في شوفكم هيض ينزاع=ماعند قلبي من هواكم مناعه
وان كان مارديت روح الهوى شاع =والوجد معلن للغرام انصياعه
تموت وانا اموت ماسمعت اسماع=ولادرى عن حبنا اهل الاشاعه
ياحب سمسمني سرى فيك الابداع=لاتظلم اللي بعدك اليوم راعه
كني جميلك يابثينه ولي باع =والا وليدن لك بسن الرضاعه
قلبي صرخ لك كنه الطفل الى جاع=الين يفزع جري شيخ الجماعه
ياصيد اذا فالعمر مده ومرباع =ليتك ترد الروح لو ربع ساعه

[حرف وشعر]

أف أف أف شوهالجمال التصويري الرائع يابومحمد ،،

اطربتنى الحقيقة ،، يسلم البوح ياشيخ

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[داعي الشوق]

صح لسانك مليوون ولا يكفون يا بو محمد

و يسعد صباحك و صباح الشعر

كل بيت احلا من الثاني و انت احلاهم :d

ولاهنت يا نجم

[الطامي]

فلاح
صح السانك وابداعك
قلبك مرهف الله يعينك عليه
لاهنت

[منيع]

مبدع ورائع
تحياتي لكم

[سعيد عوده الحويطي]

صح لسانك ابو محمد صور شعريه رايعة وقصيدة غزليه من النوع الثقيل

[خالد محمود الفردي]

ياهاجري في شوفكم هيـض ينـزاع *** ماعنـد قلبـي مــن هـواكـم منـاعـه
وان كـان مارديـــــت روح الهـــــــــوى شــــــــاع *** والـوجـد معـلـن لـلـغـرام انصـيـاعـه

والله يكفي القصيدة هذين البيتين لتكون من أفضل القصائد رقي وجمال وفصاحة

لله درك أيها الشاعر الفحل فقد أمتعتنا بعذب شعرك ..

تقديري

[نجم الإبداع]

المشاركة الأصلية كتبت بواسطة حرف وشعر

أف أف أف شوهالجمال التصويري الرائع يابومحمد ،،

اطربتنى الحقيقة ،، يسلم البوح ياشيخ

ارحب يامحمد

وتسلم من كل شر

وشرف مرورك يكفي متصفحي شاعرنا

لاعدمتك

[ساهر الليل]

صح لسانك يانجم وسلم راسك

رائعه من روائعك المعهوده

جزله تستحق الاشاده

تحياتي لك يا شاعر