العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات خارجيه

إضافة رد
 
أدوات الموضوع
قديم 04-12-2010, 08:28 PM   رقم المشاركة : 1
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي مقتطفات محاوره من كبار الشعراء ..


مقتطفات محاوره من شعراء كبار رحمهم الله ارجو ان تحوز على ذائقتكم

...

الجبرتي قائلاً للمسعودي رحمهم الله :
أنته سوات الحيّه اللي وازيه في بطن غـور=ترقد بغير فراش - مير انحاش ياحوت البحر

رد عبد الله المسعودي :
انته كما السيّاره اللي عاكست خط المـرور=يسوقها الحشّاش - مير انحاش ياحوت البحر

×××××



وقال محمد ابن تويم
ترى هذي الديره يسمّونها ام سباع=وفيها سباعٍ تاكل الذيب سرحاني

ورد المسعودي الله يرحمه
انا جيتها في الصيف ماجيت في المرباع=وش تقول جيت السبع و السبع ماجاني




محمد بن جرشان البقمي :
مادام ابن عواد بالملعبة حاضر وموجود=خيل خيالٍ يصبح الصبح سامرةٍ بروقـه

الرد من صياف :
مادام ابن عواد موجود ضلع طويق ممدود=يوجعك لو يطيح فوقك ولو تطيـح فوقـه



وقال عبدالله المسعودي رحمة الله عليه
ماني بجيب الفصاحه غير عند الفصيح "=" امشي مع الناس واعطيهـا قوانينهـا

مطلق الثبيتي الله يرحمه..
بعض المعاني تعنيني وانا مستريح "=" وام الموازين لا تصغي موازينها


قال محمد بن تويم..
ابنطح براسي راس مستور=واخليه ادق مـن الطحينـا

مستور. العصيمي...
الا يامحمد منت مجبور=تنبه قلـوب الغافلينـا




مستور العصيمي :
من قشر حضك يالحريبي ماتشوف الا بعين=والعين الاخرى من زمانٍ فات معمي نونها

صياف الحربي :
عيني لها نضره ونضرتها مشيبة الجنين=وانته عيونك يوم ترفعها تطيح اجفونها




مطلق الثبيتي

ياراعي الشله اللي عن عيال الخير معزوله=بعد سويتها فينا يبي لك حـرب وجهـادي

شليويح المطيري

انا لي شلةٍ في دربهـا ماهـي بمشلولـه=بعدها يالثبيتـي لاتحـرك كـورة النـادي


مطلق الثبيتي

ابوكم ماتسنع وامكم قشـرى ومهبولـه=ليا ميزتها من قشرها ماعـاد تـزدادي

شليويح المطيري
انا امي صاحيه وامك من الايام مشغوله=ولاتسمع كلام امك نهار تصيح وتنـادي



وقال سلطان الهاجري
الليل يامستور مادون الحلوق الا اليدين=لولاك ماطلعت سكينـي ولا حديتهـا

ورد مستور العصيمي
سكينك اللي قلتها دوّر لها كبشٍ سمين=ياليتها تشبعك من ذيل الطلي ياليتهـا



الـــــــزلامـــــــي
إتجه للغرب وأحـوال العـرب مستـوره =ماقـراه الغامـدي علـم بـه الزهرانـي

شليويح الـــمـــطـــيــــري
إتجه للغرب وإقر اللـي علـى السبـوره =ثـم دور للطبيـب مـداوي المرضانـي



محمد الـــســـنـــانـــي
هل الطايف عرب منهم تسلسل يوسف الحاجاج =نشرله في بلاد الرافدين ابيـات مشهـوره

الــــــزلامــــــي
طردنا يوسف الحجاج وانته تبغـي المنهـاج =بعد ساعه يبي يضحك عليك مشجع الكـوره




محمد الجبرتي :
وش عاد باقي ياعبد الله تهيض هات الأمثال=شريت إلك الموتر اللي ما شراه أبوي ليـه
أنا أشهد إني ربيتك لين صرت اليوم رجال=واليوم صرتوا رجال ولا لكم شرهه عليـه

الرد من ولده عبد الله محمد الجبرتي :
الله يخليك ليه ثـم أرد اريـال بريـال=لو كان ماني بمحصي كل ما سويت فيه
وأنته شريته لنفسك وإلا أنا ماغير جمال=بالصبح أوديك مكة والعصر يم الضبيه

***

هذه ايضا محاوره من اجمل المحاورات


الثبيتى,

عد همال السحاب اللى تحن رعودة=مرحبا فى حلة يكرم بها الظيفانى
شفت ابن جرشان فى دربة يطش شنودة=كل ماودة يحك الزند فا الصوانى

بن جرشان,

عد همال السحاب وحسبة معدودة=مرحبا ترحيبة يرضى بها الزعلانى
انت دايم كل علم باللسان ترودة=مير لاتخطى على السلطان يالسلطانى

التبيتى,

انت لك بين القبايل خطة محدود=ياثمر ورد الهدا يادوش ياريحانى
لاتسير بالقدم فى سكة مسدودة=وانتة اعور عين مدرى من حدى العميانى

بن جرشان,

ماعلى خلاف مادام الثقة موجوه=واللة اعلم بالقلوب اسمع كلام السانى

الثبيتى,

الكلام اللى باجيبة حاضرين شهودة=اثر راعى حضن لا مسلم ولانصرانى
انت مدفاع من البارح غرق بارودة=زهبتة ثارت ومرت كلها دخانى

بن جرشان,

لاتجيب شهود من ظابط حرض وجنودة=والحذر تطرى حضن ياراعى الريعانى
مدفعى يقدح زنادة وانشد المنشودة=مير من يخطى طريقة قول لة غلطانى

الثبيتى,

من حفر قبر هلالى لين طلع عودة=يدخل القبر القديم ويلبس الاكفانى
من قرب للسمن حتى انة دهن عجرودة=يشربة ويروح مع غامد ومع زهرانى

ابن جرشان,

من حفر لة حفرة تكسر صلاب زنودة=وانت لاجيت الحسا قلنالك البحرانى
انت شايف بالعيون اللى يحرك عودة=مير تزعل لا شتمنا جدك القحطانى

الثبيتى,

ماعلى من اليتيم اليا لمست خدودة=الياتاما مالهم غير العصا من دانى
البعير اللى لقيت الشوك تحت بدوده=كيف تصبر تحت نقز الشوك وانت عمانى
ابن جرشان,

اكثر العربان مثلك فالبلد محسودة=وانت ظنى لو تموت بدون طق جنانى
والبعير اللى تقولة واردن ساموده=ماعلية ولابلش بمعالج الحشيانى

***

محمد بن جرشان البقمي والشاعر مطلق الثبيتي


وكذلك هذه المحاوره بين مطلق وصياف


قال مطلق:-
الحريبي ينفض اللحية ويطوي في معمه=طار عقلـه من شليويـح المطيري والزلامي
البعير اللي يشيل الحمل عود يرضع امه=بعد قالـوا شامخ النيبـان مردوم السنامـي



صياف:-

الحريبي يوم غنى حطكم في راس كمـه=ثم خلاكـم عجينـه كن مافيكـم عظامـي
الجمل يمشي عل الدرب وكلامك ما يهمه=من هديـره قمت من نومك وحرمت المنامي



مطلق :-

الزمان اللي ستـر حالك وحالي لاتذمـه=والحرم من دونه المسعـى وبيبان السلامي
انت داب كل ما حرك شدوقه سال سمـه=والله انا مانـذوق السم يا لداب التهامــي



صياف:-

انت ذيب تكره البارود لو انك تشمــه=ما تحب النور الابيض ما تحب الا الظلامي
الطعام اللي ليا شفته على صدرك تضمه =لا تقول انه حـلال ولا تقول انـه حرامـي



مطلق:-
علموا صياف لايتبع خفيف الظل عمـه =دام انـا وياه فالمذهـب وفالطرقـه ليامـي
قله انا ما نبااللي بننا نقال نمـــــه=بعد عـود بيعـة بين القبايـل ما يسامــي



صياف:-
انت اشوفك كل ما تسرح تضوي لك مطمه=تحسد المسلم على دينه ليا صلى وصامي
لا يزعلك الكلام اللي عسى ربي يتمــه=ثم بـده مستريـح بلا شـراب ولا طعامي



مطلق:-
كل شي في طريقك يابيض الشارب تخمه=لين ضيعت الفشـق والبندقيه والحزامــي
ان نثرت القش ياصياف ماتقدر تلمه =وان قربت من العرب ميسمك جوف النار حامي



صياف:-
لو بيتـركلـك على باب الخزينه رحت يمه=وان نظرلك نظرة حمراء تعديت النظامي
المسافر ما يطب البحر ليـن انه يطمــه=يذكر الله في بلد مكـه ويلبس له حرامـي



مطلق:-
انت مانت مستشار ولاانت ريس مجلس امه=انت غصن الحنظله مالك زهور ولا نوامي
جيت عند الحسو ضامي مير ماللحسو جمه=ماخبل اللي يحسب ان الحسو يروي كل
ضامي



صياف:-
لو يحطوك العرب ريس قضاء مافيك ذمه=يوم تضحك لي بسن ويوم تزعل من كلامي
لاتنـزلك الدروب العوج وانت براس قمـه=ثم لو اتمـوت ماقلنـا لعلـه للـرحامـي



مطلق:-
والله انك تعرف النقاش صواغ الازمـه=هات ياصياف خشمك كان تبغي له زمامـي
ماخبل اللي يرسلونك يالحريبي في مهمه=وانت في رجلك سلاسل وانت في راسك خطامي



صياف:-
ثوبك الابيض تغير يوم طولت الاكمـه=مير ليتك تصبغه بالسـدر وعروق البشامــي



بن شايق القحطاني ورشيد الزلامي


بن شايق
ياماعازيب الوفاء ونتم دعيتونـا وجينـا=قبل مردود البرا يا زين مـردود السلامـي
الزلامي شاعر(ن) شايب وله حق(ن) علينا=والحقيقه كل خلـق الله يحبـون الزلامـي


رشيد الزلامي
مرحبـا والله يحيكـم وحنـا حاظرينـا=وانتبه للكلمه اللي لاحـلال ولاحرامـي
اثر في قلبك محبه من زمـان ولادرينـا=شوفلك واحد سنينك يتجهبك شرق شامي

ابن شايق


الرجـال الطيبينـي يقـدرون الطيبينـا=خلنا نلعب ونكسب خبرتك خمسين عامي
لاتناظر فوق وتعـد الليالـي والسنينـا=الحرامي يحسب ان من قابله مثله حرامي

الزلامي

شد حيلك ودحـم الشعاربالجنـب المتينـا=والهدف في راس ظلع(ن)مايصيبه كل رامي
والله انا مالقينا صورتك في حـرب سينـا=مير هذا الوقت جبت البندقيـه والحزامـي


ابن شايق


عيت الشاره تطيح اليـا رميتوهـا رمينـا=الطمع بيني وبينك فالـردوف وفالسنامـي
ونت لك صوره على شاطي بحر هادي ومينا=لاتلحقنـا المـلام ولانلحـقـك المـلامـي

الزلامي


ودنا يسـرون ظيفـان الكرامـه مكرمينـا=ون بغيت اكوي كويت و ميسمي فالنار حامي
عقـب ذاك الوقـت اظنـا لانبيـك ولاتبنـا=رحت مرواح الغراب الـي تقفـاه العسامـي

ابن شايق


ان رضيتوا مازعلنا ون زعلتو مارضينا=لاتخلينا نشيل الروس ونقص العظامي
فيك ثنتينن سوا والثالثه وحده وفينـا=نحمد الله ظحكت الدنيا لنا والحظ قامي


الزلامي


ياعيال العود مادون الحلـوق الا اليدينـا=مير حنا يوم شفنا العود في خشمه عرامي
من قرارت نجد سقناكم وجيتـو مقبلينـا=مادرا جنب الحصاه الا تـردون السلامـي

ابن شايق

لونعد الفعل الاول كم خذيتوا كم خذينـا=ياحليمه جوك خلان الأشده والمسامـي
يوم حولنا عليكم من يسار ومن يمينـا=رحت من نجد العذيه يالحجازي والتهامي


الزلامي
شفت ذريت حليمه يوم جوكم سارحينا=ان حييت بغبنها ون مت مانته لارحامي
ان فعلتو شي في ذاك الزمان مسامحينا=انتبه هذا كلام المعركه ماهـو كلامـي


ابن شايق

دورو لشيخوكم وليـا نسيتـو مانسينـا=انت مانته حامين بيض الحباري والنعامي
ان خجلتو وستحيتوا ماخجلنا وستحينـا=اسمحو لي باتكلـم ياعزيين المقامي


الزلامي
الصحيح انا نسينا مـن حنـا فاقدينـا=تاخذ الراعي وناخذ فيه حامين الجهامي
ياله اغفر ذنبنا ان كان حنا مسرفينـا=والخطيه يوم عرظنا القحاطين المظامي


ابن شايق

كان شيخك راعين عندك شيوخك ظايعينا=انته صاحي بالسيع واحيان ياخذك المنامي

الزلامي

ياولد شايق ترى الله سامحك دنيا ودينا=ثايرن دمك من الماظي ومثلك مايلامي


مطلق الثبيتي


الزمان اللي ستر حالك وحالـي لاتذمـه=والحرم من دونه المسعى وبيبان السلامي
انت داب كل ما حرك شدوقه سال سمـه=والله انا مانذوق السم يا لـداب التهامـي


صياف:-


انت ذيب تكره البـارود لـو انـك تشمـه=ما تحب النور الابيض ما تحب الا الظلامي
الطعام اللي ليا شفته على صدرك تضمـه=لا تقول انه حلال ولا تقول انـه حرامـي

وسلاااااااااامتكم






توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 04-12-2010, 10:58 PM   رقم المشاركة : 2
البتار
مشارك






معلومات إضافية
  النقاط : 10
  الحالة :البتار غير متواجد حالياً

 

افتراضي


لك الشكر
على ما فاض به قلمك
تحياتي







توقيع البتار
 
  رد مع اقتباس
قديم 05-12-2010, 09:57 AM   رقم المشاركة : 3
الحويطي
مشارك





معلومات إضافية
  النقاط : 10
  الحالة :الحويطي غير متواجد حالياً

 

افتراضي


وفقك الله
وسلمت اناملك
تحياتي وتقديري







توقيع الحويطي
 
  رد مع اقتباس
قديم 10-12-2010, 06:04 AM   رقم المشاركة : 4
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي


وفقك الباري
احسنت
شكري وامتناني







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 10-12-2010, 06:07 AM   رقم المشاركة : 5
نفحات حساسة
عصو شرف
 الصورة الرمزية نفحات حساسة





معلومات إضافية
  النقاط : 10
  الحالة :نفحات حساسة غير متواجد حالياً

 

افتراضي


شكراً لك
على جهودك الطيبه
تحياتي وتقديري







توقيع نفحات حساسة
 
  رد مع اقتباس
قديم 11-12-2010, 08:42 AM   رقم المشاركة : 6
حوريه
عضو شرف
 الصورة الرمزية حوريه






معلومات إضافية
  النقاط : 10
  الحالة :حوريه غير متواجد حالياً

 

افتراضي


كل الشكر والتقدير
على ما تقوم به
تحياتي







توقيع حوريه
 
تستطيع أن ترى الصورة بحجمها الطبيعي بعد الضغط عليها
  رد مع اقتباس
قديم 11-12-2010, 12:43 PM   رقم المشاركة : 7
ماجد الراشد الهيري
شاعر/





معلومات إضافية
  النقاط : 10
  الحالة :ماجد الراشد الهيري غير متواجد حالياً

 

افتراضي رد: مقتطفات محاوره من كبار الشعراء ..


تسلمين اختي حوريه على هذه المحاورات لكبار الشعراء الذين حفروا اسمهم
ولازلنا نتذكرهم ولن ننساهم







توقيع ماجد الراشد الهيري
 
  رد مع اقتباس
قديم 11-12-2010, 04:02 PM   رقم المشاركة : 8
عبدالعزيز العمار
شاعر/عضو شرف
 الصورة الرمزية عبدالعزيز العمار






معلومات إضافية
  النقاط : 10
  الحالة :عبدالعزيز العمار غير متواجد حالياً

 

افتراضي رد: مقتطفات محاوره من كبار الشعراء ..


بارك الله فيك يالحوووريه

مجهود رائع وتشكرين عليه

تحياتي







توقيع عبدالعزيز العمار
 
  رد مع اقتباس
قديم 11-12-2010, 04:12 PM   رقم المشاركة : 9
عبير الورد
شاعره/
 الصورة الرمزية عبير الورد





معلومات إضافية
  النقاط : 10
  الحالة :عبير الورد غير متواجد حالياً

 

افتراضي رد: مقتطفات محاوره من كبار الشعراء ..


ابدعتي في الانتقاء


تسلم اياديك حبيبتي

مجهود تشكرين عليه

لاعدمناك







توقيع عبير الورد
 
  رد مع اقتباس
قديم 13-12-2010, 09:22 AM   رقم المشاركة : 10
سالم منصر الجعيدي
شاعر





معلومات إضافية
  النقاط : 10
  الحالة :سالم منصر الجعيدي غير متواجد حالياً

 

افتراضي رد: مقتطفات محاوره من كبار الشعراء ..


عساك على القوه
الله لا يهينك ويعينك وينصر دينك ويرحم وآلدينك امين


صراحه من تمعن في هذي المحاوره التي جمعت صياف ومطلق الله يرحمهم جميع
ماهوب متابع غيرها فرق كبير بينها والباقيه
..........

البعير اللي يشيل الحمل عود يرضع امه=بعد قالـوا شامخ النيبـان مردوم السنامـي
انت مانت مستشار ولاانت ريس مجلس امه=انت غصن الحنظله مالك زهور ولا نوامي






توقيع سالم منصر الجعيدي
 الذيب الطرقي
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موقف الخليفة عمر بن عبدالعزيز من الشعراء ضعيان البدرانى منقول الأدب العربي 28 20-06-2011 08:00 AM
اضحك مع الشعراء: محاوره قديمه نجم الإبداع وسع صدرك 15 16-12-2010 06:50 AM
الشعر الحر ( لمن أراد ان يتعلم الشعر الحر ) مازن حجازي مرآة الأدب العربي 17 15-12-2010 11:58 AM
محاوره فكاهيه وتحدي القافيه الطائر المهاجر الشعر الفكاهي 334 19-10-2010 04:31 AM
التحدي بين الشعراء وغير الشعراء الطائر المهاجر وسع صدرك 44 20-05-2007 05:21 AM


الساعة الآن 01:21 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة