لقيت الليالي ما تساعد على الراحه(بالصوت)

[الطائر المهاجر]

لقيت الليالي ماتساعد على الراحه= كثير الهموم تزيد قلبه بلاضيها
ولو تبتسم تقلب على القلب وجراحه= بطعنات خرسا ما تلاقي مداويها
اويلاه من يدري القدر قبل يجتاحه= وياخذ حسابه كود يمنع بلاويها
ولكن هو المكتوب بالغيب والواحه= علينا قبوله لو نعيش بمآسيها
ولو طال بك همّك ترى الصبر مفتاحه= يجيك الفرج لحظات مانتاب محريها
تعلمت من وقتي بعمقه وضحضاحه= بأني مثل من بالمكاشيت هاويها
يطارد ورى الغزلان في البرّ والواحه= يبي صيدهن والنفس تتبع شهاويها
لقى نفسه المصيود في قمة افراحه= وهو ينظر الغزلان ترعى مفاليها
وغزالٍ تبسّم له وبالهرج مزّاحه= تهاديه مايهتم دامه يراعيها
تبي منه ينسى الهم يفرد لمسباحه= واذا من سلى تفرسه بانياب تخفيها
"خوينه" تخون اللي وثق دوم باصباحه= ونسى الليل ودموعٍ مع الحزن يبكيها
على من رحل في يوم ملفوف بوشاحه= عزيز وقريب بلحظةٍ كان خافيها
ولا حسّب حسابه ولا يوم مطياحه= يظنّه مخلّد لاهيٍ في غناويها
وقدامه اعماله وما كتب بالواحه= على قدر فعله تنتهي به خطاويها
فابونا نزل للأرض باسباب تفّاحه= أجل وش مصير اللي معاصيه يشريها
فلا تنخدع بالوقت تبحث عن ارباحه= على حساب دينك وانت تدري تواليها

[صعبة المنال]

صح لساااانك

جزلة

صعوووب

[نفحات حساسة]

صح الله لسانك يالشاعر
ولا عدمت
تحياتى..