ذعذاع,,,

جهاد الشعلان · 21-02-2014, 02:53 AM

السلام عليكم ورحمة الله وبركاته

اقدم لكم هذه المتواضعة عسى أن تنول على إعجابكم والمعذرة على التقصير

من يطلب الماجود والجود ماجود=يقلط على حيلٍ ترادم شحمها
ومن يطلب الماجود والجود مجحود=يبطي ولا يلقى بدايد لحمها
وانا اشهد ان الفقْر في راس عبرود =لا جار بأهل الطيب يقطع نسمها
من يطلب العليا لها يرخص الخود=ومن يطلب الخفرات يجمع قيمها
وماذاب فهلَ الزين ياكود مقرود=صبٍّ يراعي عشقته ويخدمها
فالليل تضحك له وفالصبح ملهود=هذي حياته يوم ربي قسمها
وانا احمد الله عن هوى البيض مطرود=ماتاقت آذاني على هرج فمها
وماحدّني عن نومة الليل طارود=يوم ان بعض الناس تسري بألمها
ماهز راسي كود ذعذاعة النود=لازلّ برد الشبْط وإنكس علمها
وزان الربيع وصار ماعنْه منشود=وقامت هل البيداء تباري بهمها
واشعمت نارٍ عودها راكبٍ عود=وادنيت لي صفراء لحامي حممها
وشربت فنجالي على هون وركود=واسمع تغاريد الطيور ونغمها
مع رفقةٍ تمشي على ساس وعهود=لاهاجت الهيجاء تحذّف عممها
يوم ان راعي الدار كنّه على طود=متحرّجٍ يونس بنفسه كتمها
ناسٍ على بطن الحوي تافد اوفود=كنْها من الصدّات تشكي جذمها
وتم المقيل وعلّ ماقيل محمود=وعلى النبي بزكى صلاه نختمها

جهاد عبدالعزيز عبدالله الشعلان