سلامي على اللي مّرني ..بائعة الهوى

[الطائر المهاجر]

غناء الفنان فهد

سلامي على اللي مّرني ليـلة الاثنــين = ابو غرة شقرا على الخد ملويّـه
لقاني على الشـارع اسجّم مع الماشـين= توقف ، واشر ، قال ، لو تسمح شويّه
معي موتـر زينٍ شريته بقسط وديـن = ومن شاف شكلي قال بلحيل شخصيه
رمى لي التحيه ، قلت يامرحبـا الفـين= نظرني ونظرته ، مير ما فيه نديـّه
غريب على الحـاره يبي شارع الستـين= ونا صرت في ستين داهي ومطويّـه
معه سايق هـندي ، أبي يفهم التلقـين= يهـز برويسه مثل ديـكٍ بفجريّه
ولا فيه معلـوم ، ولو عدت له عشرين= فقالت تفضّـل دلنا ، قلت عينيّـه
خذوني معاهم ، وابتدا العزف والتلحـين= ولاني كما المصيـود لو فكت يديّـه
كشف غطوته والورد الاحمر على الخدين = برمشٍ ضربني شوط فالروح مكويّه
تبسم ، ولمْع الـدّر فـي بسمته عقديـن = حرق فاز قلبي فالمصابيح مطفيّـه
ابي شارع الستين واثري بلا تعيين = بعيد المحـاري دالهٍ في الغناويه
معـاد افتهم مذهول من برقها والـزين= واخيرا عرفت وقلت له اسلك الميّه
وصلنا الى الستين واثـر الملا نيمـين = أصرّت على الشاهي ونا صافي النيّه
وفي بيتها ، دشيت ، أبى أفهم التكـوين = ونا خايفٍ مدري عن اقدار مخفيّه
وجتني بلبسٍ يكشف الصـدر والساقين = تبي تكملة قتلي بساعات ورديّـه
تمالكت نفسي وابتـدا الشك والتخميـن = فمهما يكـن ما هيب بنتٍ محليّـه
طريقه جديدة في التكسب من الدلخيـن = ولو تتقن اللهجة وطبع الاصيليّـه
تصرّفت كني خبـلْ ابدفـع بلا تثميـن = أبي ليلة حمـرا ، ولكن بعد جيّـه
ابمشي إلى الصراف واسحب لها الفين = واكمل معاها الأنس في كل سريّه
وحطيت رجلي والهنيدي يتعتـع ، فيـن = على اقرب مريكز رحت في كل جديّه
وبلغت عنها ، وانتهى الامر في يومين = وكر كان خافي عن عيون النداويه

[صعبة المنال]

جزلة

سلمت وصح لسانك

صعووب

[نفحات حساسة]

صح الله لسانك..ولاهنت
القاء رائع ..يعطيك العافيه
تحياتى..

[الطائر المهاجر]

شكرا صعبه
على كريم المتابعه
لاهنتي
اطيب التحيه

[الطائر المهاجر]

شكرا نفخات
على كريم المتابعه
لاهنتي
اطيب التحيه

[منيع]

ههههههههههه
اثاري السالفة كذا وانت غشيم في الهوى ماداس
شكرا لك
تحياتي

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا
اطيب التحيه

[الطامي]

ذكريات ايام يادكتور
صح السانك
ولاهنت

[الطائر المهاجر]

شكرا الطامي
على كريم المتابعه
لاهنت
اطيب التحيه