وهــــــم

[احمد ناصر الوزان]

"وَهَم...كل المواعيد" القديمه...مَطمَعَة زهّاد=بَعَد سبر الخداع المنغمس في موحل اريافي
عرفت انّ النجوم ايدين...والقمرا بزوغ اصفاد=عرفت ان الدهر يومين:مقفي...في جسد لافي
خبرت اقلامي البريا...ملامح حزني المعتاد=خبرت آذان مسرى خيلها...معشوشب شفافي
خبرت "احمد" وسَنْع الحظ من بِدئ الوعي أنداد=خبرت الظل اصدق صاحب (ا)بتاريخ أطيافي
خبرت...ولا خبرت ان الدما ناتج جمع لِضماد=ولا يُستنتج (ا)من الثلج والمتلحّف...(ا)لحافي
على خبري يبل الما...على خبر اعلم الورّاد=الا كيف الحفا ينكر رمالٍ شالت الحافي
مِنَ اعتق حزن لآخر مزن لّوّح منجله...حصّاد=لِشَط...(ا)لْشرفه...(ا)لْكرسي...لِعِطر...(ا)لْغيم مصيافي
عبر جلَّ الحدود المعشبه في حضرة المرقاد=كبحْه الهم...أدّى له تحيه...قال له:كافي
مناصير الحصاد اجود...ولا تحتاج لاستنجاد=لك الله ما بقى بـ"القدس" غير الرمح واكتافي
"وَكَم علَّمتُهُ" يَجرا على من قد لفوا...أوغاد="فَلَمّا اشتدَّ ساعِدُهُ"حَلَت في عينه اطرافي
حبيبٍ...يشبه (ا)ثقابٍ زهى في مطلع الأعياد=على مرسى ضحى...باكي وداع الحالك الطافي
ربَت كل المداخن في كنف حضرة شتا "بغداد"=تمادت...واااااامثيل "المعتصم" يا ثوبي الظافي
يقولون العرب:"ما كنه اقفى المقفي اليا عاد"=وانا اقول:العرب ما عيَّنت خير (ا)بْمثل هافي
اجل وشلون "تكفا" تقبل (ا)هروبك يَ "ابن شدّاد"= فشيلة صرختي تشره على مسمعْك يَ سنافي
على مهْل "اشوَلَ الكفّين" ما به فود لوّه راد= غَبا...ذاك الصِّبا....يومه حبا يلحق نبا جافي
اجل يصدع جبين مرايتي...ويقول لي:رعّاد!!؟؟=واناجيبه على شط الرجا:اوصافي...اوصافي؟؟!!
واذا يرجع...اهلّيبه!!؟؟واقول:ان الحطام عتاد؟؟!!=وانسيني جفاف العمر يوم اليم مجدافي!!؟؟
يحز (ا)بخاطري نكتي شعر لحيَتْك يا "وَآد"=يفز بناظره الف احتمال...(ا)لظلمي انصافي
تسمّى يا هدير الما على كيف احتشار الزاد=خطرت (ا)فْ بال مشرافي...ولا بيّحْك مشرافي
أقاوم عنفوان الريق في حضرتك دون الواد=أَجابِه ماني (ا)بْآبه...لِنابَه موتي اللافي
إذاها بالمذله...لا ...هبيت ومنبعك ما فاد=يجف (ا)من القهر نبعك ولا يشربْك صفصافي

https://www.youtube.com

[الطائر المهاجر]

كتبت فأبدعت
صح لسانك ولا هنت
تحياتي الطيبة

[عبدالله السويلم]

هلابك اخوي احمد


وصح لسانكابدعت وامتعت
لافض فوك


تحياتي لك وكل عام وانت بخير

[منيع]

مبدع ورائع
شكرا لحضورك
وكل عام وانتم بخير
تحياتي

[داعي الشوق]

صح لسانك و طاب حالك يالشاعر

و هلا بك بين اهلك و ربعك و عيدك مبارك

مصافحه جزله من جزل

وصح لسانك مدد
ولاهنت

[محمدالحارثي]

صح لسانك ملالاين
كتبت فااحسنت
لاهنت

[يزيد الراجح]

جزل ورائع
وقصيدة صادقة المشاعر
صح لسانك ولاهان راسك
تحياتي

[الطامي]

الوزان
صح السانك ملايين
ابداع من شاعر مبدع
لاهنت

[الخنساء]

صح لسانك مليوووووووون

جزلة من شاعر جزل

سلمت ودام حرفك

[نجم الإبداع]

احمد الوزان

صح لسانك ياشاعر

تقديري