بكيتكـ...!

رفيعة الشان · 04-02-2009, 07:31 PM

:

:

:

:

بكيتك من الفرقا وانا دمع عيني حار=سلامٍ على الشرهة ولاآخر على المنقود
يقولون من طينة محنّة وقلب كبار=لاوالله من طينة عذاب وجفا وصدود
يادوب اتحمل جمرةٍ من جحيم النار=تلحّق عليه باختها اللي براس العود
خذيت الهوى طيش وعبث حُب واستهتار=على قولة البدوان عيب وعليه شهود
تبريت مني والوفا فيك طير وطار=عساك آخر العنقود منت اول العنقود
مخليني اعجوبة زمن في طريق المارّ=مضحّك بي العاقل مشمّت بي المقرود
لاني داخل الصورة ولابخارج الاطار=حبيبك وانا غايب عدوك وانا موجود...!
ومعك مابعد عدّيت عمري من الاعمار=مخليه ريشه بين اصابع هبوب النود
تذكّر ولك بالذكر مالك من الاسفار=تذكر وخلّ الذاكرة بالزمان تعود
تذكّر يومنّ احدود وصلك ثلاث امتار=تخطيتها ماكن ذيك الحدود حدود
وصلتك وقمت بواجبك قبل سابع جار=اخفي عليك سدود وابني عليك سدود
سدودن تبي تبنى والاخرى تبي تنهار=من ابدع تصاوير الله الخالق المعبود
احس اني ابحر فالسفينة مع البحار=وانا اقول يالبّا هذيك الوساع السود
اغازل حَوَرْها وابدع لرمشها تذكار=واثمن هداياها وهي ما وراها فود
تذكّر وانا وياك في لمة السمار=تقول البرا مردود اقول البرا مردود
تحديت فيك الشاعر اللي من الشعار=بعد ماتقول اسمه تذكر علامة قود
توارت نجومه يوم لدّت لي الانظار=طلع في عيون الناس ماهوب ذاك الزود
تذكر يومنك جيتني يا غريب الدار=ابشّر بشوفك كني ابشّر بمولود
فتحت الك صدري ياحبيبي زرار زرار=هذا بيتك وبيت امك وبيت ابوك العود
وتحتلني وتحطني دولة استعماار=وانا فالسعودية تحت راية ابن سعوود

:

:

:

مدغم ابو شيبه

الأموره · 04-02-2009, 07:33 PM

محجوووووووووووووووووووووووز

نجم الإبداع · 04-02-2009, 07:37 PM

الله الله

نقل رائع

لاهنتي

وتقديري

عالي مستواها · 04-02-2009, 08:14 PM

رفيعة الشأن

روعة أختيارك تزيد من روعة القصيد

اختيار رااااااااااااااااااااااااااااا اااائع

وصح لسان قايلها أبدع

ويعطيك ألف عافيه على هذا النقل الموفق

تقبلي مروري