نجم ذا الليله

[سعيد الصاعدي]

شفت منهو حط في قلبي اثر=زول والله غير عن كل الحظور
الفوارق غير عن كل البشر=من جبينه شع للعشاق نور
(نجم ذا الليله ) ومحي للسهر=حطنا مابين وصله والقبور
من غزاه العشق يبشر بالخطر=ويعرف ان الموت من حوله يدور
كنت اظنه حس فيني واعتبر=يوم هو بالرمش يلعب بالشعور
ابتلشت وقلت يالله الصبر=والهوى يحتاج له شخص صبور
ضاع حبل الحرص وحبال الحذر=وابتداء حبل الرجاء يعلن ظهور
قمت ارد الخوف وامنع للقهر=واخفي العبرات بقناع السرور
لاحكى في همس همس(ن) يختصر=بالتواضع زاد فعيوني غرور
احتظنت لموتتي منها صور= ذي حقايق ثابته من دون زور
ياضحايا العشق لي وجهة نظر= واعذروني كان في رايي قصور
عن( سعيد الصاعدي ) هاكم خبر=وسجلوها للاحبه في سطور
الصحيح الذل لعيال الفقر=قالها من عاش ليله في قصور

تحياتي للجميع
س / ص

[محمد بن عمار]

	السلام عليكم الاخ الفاضل / سعيد صح قلبك وفكرك ونبضك تحياتي لتواصلك المميز لاهان غاليك فديتك محمد بن عمار

[الطائر المهاجر]

كنت اظنه حـس فينـي واعتبـر=يوم هو بالرمش يلعـب بالشعـور
وشلون تبيه يحس فيك وانت تقول
من جبينـه شـع للعشـاق نـور
معناه انت من ضمن مجموعه من العشاق
عن( سعيد الصاعدي ) هاكم خبر=وسجلوها للاحبـه فـي سطـور
الصحيـح الـذل لعيـال الفـقـر=قالها من عاش ليله فـي قصـور
يعني اللي معه فلوس يصل للي في بالك ،

الصحيح الحب ذلل للبشر= ومن دخل بحر الهوى ماشاف نور

سلمت
وسلم قلبك
وصح لسانك
مبدع وجزل
لاهنت
تحياتي

[داعي الشوق]

يا سلام عليك يالشاعر سعيد

ابداع جميل

من شاعر مبدع و جزل

صح لساااانك مدد

مع تقديري لك

ولاهنت

***************

[عبدالله راشد الثويني]

شاعرنا الجزل / علي الصاعدي
ياحيّ هالطلـّـه ياعزوتي أبدعت وامتعت كعادتك صاحب اطلاله راقيـه
تسلم يمناك على ماخطت ولا عدمناك
تقبـّـل تحيتي

[منيع]

ياسلام عليك
ابداع وتميز
كل الشكر والتقدير لكم
تحياتي

[عبدالعزيز ابراهيم المنصور]

صح لسانك
سلمت ولاهنت
دمت بخير

[الـزلـزال]

سعيد الصاعدي

نص في قمة الجمال والروعه

من شاعر متميز ورائع في كل مايقدمه

مبدع دائمآ في كل حالاتك شاعرنا الراقي

سررت بمعانقة حروفك الراقيه المميزه

دمت بخير وسلام ودام لنا حرفك

صح لسانك ملايين ملايين

ولك فائق تحياتي وتقديري

[حرف وشعر]

عن( سعيد الصاعدي ) هاكم خبروسجلوها للاحبـه فـي سطـور


والنعم ياسعيد وكفو يالسنافي


امتعتنا بعذه الرائقه

[عدنان كريزم]

صح لسانك ولا هنت