قلبي الطـيب

[رزان الدوسري]

*

*


*


كلمتني نبرة فى الحشا تصهل صهيل
مثل وزن الريش اوهى مثل ثمن السنه

ماعهد قلبي قدم وطئها كل شي هيل
الحياة خضرى وكدرها لنا وجم احسنه

أتامل هاالفجر بنت ماتشبه مثيل
حبها ينضج وإيمانها من روزنه

وكان ذاك الليل ظل(ن)ٍ على قلبي ثقيل
غيمة(ن) تسحب مثاقيل وهم واشجنه

تعرفين الحب.. قلت اعرفه : قلبى نجيل
لكن الله اكرم القلب يومه حصنه

حب امي والاهل مع معاميل(ن) وليل
لا تناولت القلم صاح وجدي وارسنه

جيلنا كل(ن) على صاحبه ظلٍ(ن) ظليل
لاشكى واحد تجض الحصون والامكنه

قالت الله يا الحبيبه بعثني بالعميل
يسبق الخيال ويشق صدر الازمنه

قلت ربي طم هالقلب ما اريده عليل
كيف بتحمل ضعون الدهر يامحسه

العشق جمرة واجهل مراسيم وفتيل
كيف بقدر الجم الحب ثم(ن) اعـلنه

قلبي الطيب تعلم ولا كنه هبيل
لايعرف العشق ويجهل شعوروهيمنه

ومرت القدرة علىخافقي مثل الهشيل
حامله قدر الليالي عسى الله يهونه

الهوى انت الهوى لاهداك الله سبيل
ويش جابك ياثقل كاهلي ويامشينه

ابتعد عني ترى مابقى بالحيل حيل
لاطرب واقفت مزامير كانت ممكنه



رزان الدوسري

[الطائر المهاجر]

هلا والله والف تحية بالغالية رفيقة الدرب الشاعرة القديرة / رزان الدوسري
هذي والله الساعة المباركة
المحل محل اخوك ولا انتي ضيفه
مصافحة ولا أروع من شاعرة متمكنة طالما اتحفتنا بالعديد
من الدرر
لي عودة تستحقها
ارحبي يالغالية
تقبلي أطيب تحياتي
اظنك ما نسيتي الطائر المهاجر/ عثمان العبدالله
اللي وديته لمنتدى الوادي وتركتيه

[رزان الدوسري]

المشاركة الأصلية كتبت بواسطة المشرف العام

هلا والله والف تحية بالغالية رفيقة الدرب الشاعرة القديرة / رزان الدوسري
هذي والله الساعة المباركة
المحل محل اخوك ولا انتي ضيفه
مصافحة ولا أروع من شاعرة متمكنة طالما اتحفتنا بالعديد
من الدرر
لي عودة تستحقها
ارحبي يالغالية
تقبلي أطيب تحياتي
اظنك ما نسيتي الطائر المهاجر/ عثمان العبدالله
اللي وديته لمنتدى الوادي وتركتيه

حياك الله شاعري



الكبير والمميز والمبدع



عثمان العبدالله ( الطائر المهاجر)



ومن ينسى شاعر الثمانينات وكل الازمان



لك تقديري وامتناني

[الطائر المهاجر]

تراي عملت لك ترحيب في قسم الإستقبال
وارى مرورك على قسم " الدخول من هنا" لتتعرفي على الموقع
ومن فيه.
أطيب تحياتي
بس حلوه شاعر الثمانيات ، الظاهر العين طاحت بالطباعة وتقصدين العثمانيات

حياك الله الأخت رزان الدوسري

مصافحة ولا أروع

كلمات جدا جميلة صح لسانك على هذه الجزلة وأنا أخوك

[سناعيس]

الشاعره رزان الدوسري

مصافحة رائعه
صح لسانك على هذه المشاعر الجزله
وبانتظار الابداع القادم

تحياتي

[أم ريما]

صح لساااااااااااانك

الشاعره رزان

ابدعتي قصيده جميله يعطيك العااااافيه

تحياتي لك

[يزيد النمي]

الشاعرة رزان الدوسري

مصافحة اكثر من رائعة
صح لسانك مليون

[الخنساء]

قلبي الطيب تعلم ولا كنه هبيل
لايعرف العشق ويجهل شعوروهيمنه

ومرت القدرة علىخافقي مثل الهشيل
حامله قدر الليالي عسى الله يهونه

الهوى انت الهوى لاهداك الله سبيل
ويش جابك ياثقل كاهلي ويامشينه
صح لسانك اختي الشاعر ة رزان
رائعه تحمل معاني جميله
سلمت وسلم بوحك وشعرك
اجمل تحيه

[الريم]

الله الله


شاعرتنا القديره/رزان

جد ابدعتي مشا الله تبارك الله

صح لساااااااانك وسلمت يمينك على القصيده الاكثر منر اائعه

دووم يا ربي على هالروعه والابداع