رسام بدون لوحه

[محمد مطر المطرفي]

يامل قلبٍ صابه اليوم لوعات = تمكنن بالقلب وأدمن إجروحه
لوعات صابتني وحطت علامات = كأنهن رسام يرسم بلوحه
يظهر جمال الكون لأول بدايات = ويخفي إجروحٍ ساطيه وسط روحه
تناسق الألوان كنه كرامات = وإبداع يظهر فيه روعة طموحه
يرسم لك الدنيا إمزوح وسهالات = ويرسم لك الروح الطموح المزوحه
يرسم لك أشجار ٍ ظليلة ومظلات = رابط عليها العام أول إرجوحه
ويرسم عليها أطفال كله براءات = ويرسم شعاع الشمس بأول صبوحه
يرسم أمان المجتمع بالمجلات = أمن ٍ وأمان ٍ ما يبين جروحه
يرسم ملائكة السماء والمجرات = متواضعه بالارض تمشي بسموحه
وإهناك خلف الرسم خلف الستارات = خلف الشجر خلف الظلام وكلوحه
تلقى عذاب الصمت تلقى التفاهات = تلقى صراخ الجوع أعذب ملوحه
تلقى توافق بالتناقض هوالات = تلقى الحرامي يدعي بالنصوحه
تلقى الخزي والعار إسمه حضارات = تلقى التأخر بالتقدم إطروحه
تلقى سواد ٍ ابيض ٍ به خرافات = وتلقى حمار الدم عطر ٍ يفوحه
تلقى بشر تتبع دروب السفالات = أمارتٍ بالسو تبقى لحوحه
كملت أنا الرسمه وتممت الأبيات = إعلامنا بيدين قذره تشوحه

للأسف أن العلام العربي رسم لنا بعض الشخصيات على انهم هم
ملائكة الرحمه يمشون في أرض الله .
وهذا مشاهد في الكثير من القنوات الفضائيه للاسف .

لكن ...جميل أن تكون متعمق في تفكيرك عندما يكون الكل سطحي ..
.. والأجمل أنك تسلّك لهم" عندما لايجدون سواك من يفهم لهم ..
.. ممتع أن تكون منتبه لهم وسآكت .. عندما يحاولون تشتيت إنتباهك ..
.. والأمتع أنك تتظاهر بعدم الإنتباهـ .. وأنت في داخلك تضحك ..
.. شعور رائع أن تكون فاهم كل شيء عندما يستغبونك ..
.. والشعور الأروع أنك "تستغبي" وهم يصدقونك ....


ابو سلطان محمد مطر هزاع المطرفي

[الطائر المهاجر]

هلا بك ابو سلطان
قصيدة طيبه من راس طيب
صح لسانك
ولاهنت
تحياتي

[محمد مطر المطرفي]

بيض الله وجهك دكتور
توجيهاتك اثلجت صدري
شهاده اعتز بها
دمت بخير

[بنت النور]

صح لسانك وعتلى شانك
سلمــــت انامـــــــــــــلك
ابدعت بما سطرت من عذب الحروف
ربي لا يحرمنا من روعة جديدك
بانتظار قادمــــــك بشـــــــــــوق

[ساهر الليل]

قصيده رائعه بما حوت

صح لسانك ياشاعر

تقبل مروري وتقديري

[محمد بن عمار]

السلام عليكم
بداية موفقة من شاعر جميل
والقادم أجمل وأحلى بإذن الله
حياك مولاك أخوي المطرفي
وهلا بك مليون ولا يسدون

[داعي الشوق]

صح لسانك يا بو سلطان

و حياك الله بقصر الفطاحله بين ربعك و اهلك

حضور جزل و المعنى جزل

صح لسانك و طاب حالك

ولاهنت

[الراقي]

صح فكرك

صح بيانك

ودام حرفك ..

و صح السانكـ

[هترل]

حياك اخوي محمد يامرحبا الف
وصح لسانك واعتلا شانك
ابدعت يالشاعر لاهنت

تحياتي

[مشعل التريباني]

محمد مطر المطرفي
صح لسانك شاعر رائع وقصيده اروع
مبدع وممتع الله يطول عمرك يامحمد