الشــــــاعر الكبير عبدالرحمن البواردي

[عبدالعزيز-]

مساء الخير للجميع ارجو على المعنين والمهتمين بالتراث والشعر الشعبي بشكل عام من لديه قصيده او بيت شعر لشاعرنا عبدالرحمن البواردي ان لا يبخل علينا ويضيفها لنا بصراحه تامه علم من اعلام الشعر الشعبي او من لديه اى معرفه بهالشعر اتمنى ان يثرينا عنه حقيقه يطري بيت شعر له من قصيده مانى حافظها يقول البيت 0 سلام للى ريقه احلا من حليب النوق \ اللى لامنى شربته عن جميع الزاد يهجانى

[الطائر المهاجر]

هذا ما وجدته عن الشاعر المذكور في قوقل

سلام الله على اللي كن ريقه حليب النوق=الى منه شربته عن جميع الزاد يهجاني
عسى ربه يفكه من تواعيس البلا والعوق=واسال الله له بالعافيه لو كان موحاني
تكاشف نور خده مثل ما يكشف لميع بروق=الى منه كشف روض سناه بغر الامزاني
ينسف قذله من فوق عنق زاهي الطوق=والى منه بدا بالهرج زاد الويل واحزاني
الا ياعون الله كن خلي مامشا بالسوق=ولا كنا تواجهنا وحييته وحياني
الا وينتي ماونها ولا مخلوق=عسى من لا مني في ونتي يجيه ما جاني

للشاعر عبد الرحمن البواردي

[الطائر المهاجر]

الا ياعون الله كن خلي مامشـا بالسـوق
يبدو ان هذا الشطر به خطأ في النقل حيث مفروض
الا ياعونة الله .................

[الطائر المهاجر]

ووجدت ايضا
السلام عليكم ورحمة الله وبركاته
أما بعد...
الأمير الشاعر عبدالرحمن البواردي من مشاهير بني زيد وأعلامهم، وأحببت أن أختار من قصائده هذه القصيدة لاشتهارها بين الناس وعدم معرفتهم بقائلها ، حتى أن البعض يدرج فيها بلدته ويظن السامع بأن القائل من نفس البلدة ، وأكثر ما يأتي التغيير في قوله: "عساك يا الروضة تسيلين":

حمام ياللي بـا لبساتيـن=يلعب طرب والهم ما جاه
هو معجبك قرع الدمامين=أو معجبك عـلال حنـاه
أو معجبك حضر مقيمين=هل القصور اللـي مبنـاه
أو معجبـه بـدو مقفيـن=يرعون براق نثـر مـاه
ذبحتني يا بـو عكاكيـن=يـا خالـط ورده بحنـاه
ذبحتني واهلـي مقيميـن=واهلك ضعنهم ما لحقنـاه
عساك يالروضة تسيليـن=والسيل يملي لي ركايـاه
حيثك مقر دو يعج العيـن=محبوب انا ما شفت حلياه
يالعين هـودي لا تلجيـن=صيري صبوره يا المشقاه

[داعي الشوق]

يعطيك العافية يا دكتور

معلومات قيّمة عن شاعر كبير

و يعطيك العافية يا عبدالعزيز

مع التحية و التقدير

،،،،،،،،،،

[الطائر المهاجر]

وله ايضا

أحـب الخضرمـن حيـث لـي صاحـب خضـر = وابـاهـي بزيـنـة جمـلـة البـيـض وامــاري
نطحنـي نهـار العيـد واحـدث معـي الـكـدر = ومن شوفتـه ياحمـود انـا ضاعـت ابصـاري
نطحـنـي ضـحـي العـيـد بمشـجـر خـضـر = يـتــل الـراديــف تـلــة الـحـصـن لـلـقــاري
ابـولــبــة عـــفـــرا كـــمـــا دارة الــقــمــر = الى شعشعت يسري على نورها الساري
ابــو غــرة تـوضـي وطــوق عـلـى النـحـر = وفــي نظمـهـا اللـولـو عـلــى دار مـــا دار
سقـى الله محـبـوب سقـانـي مــن الثـغـر = قراطـيـع مــن ريـقـه ولا احـــد بـهــا داري
يمشـي علـى الاقــدام مــن زايــد الـدجـر = ويـفـرح الــى دقــوا هــل الـفـن سـمـاري
ومحمـل غـرامـي دش فــي لـجـة البـحـر = يقـفـي ويقـبـل بـيــن الامـــواج سـمــاري
عـلامـه الــى مــن شافـنـي مقـبـل نـفــر = الىقـلـت قــول قــال مــا ابـيـع يـاشــاري
عـلـيـه المـشـجـر زاهـــي كـنــه الـزهــر = ويمشي على هونه ولا هـوب فـي كـاري
الا واشـقــا قـلـبـي مـــن الـولــف لاذكـــر = عشـيـر يــروف بـحـالـي الـيــوم ويـــداري
انــا انــلام لا طـريـت ثـوبـي مـــن الـقـهـر = و يـا حسرتـي مشيـت بيـن العـرب عـاري
انـا كيـف ابانسـى حبتـي لــه مــع النـحـر = وبـالـلـيـل انــــا وايــــاه بــــوزار نـيــبــاري
قـلـت المـواصـل قــال مانـيـب بــذا البـحـر = تبدلـت عــن خـبـرك ولا احــب ذا الـطـاري
انا افـرح الـى دشـوا هـل الغـوص للسفـر = وانـا افـرح الـى شالـوا هـل الفـن خمـاري

[الطائر المهاجر]

وله ايضا

مرحبـا بالخضـر سيـد الحضـر = بـو جبيـن كـمـا خــط الـهـلال
=يقمـر البـيـض لا مـنـه حـضـر
يــوم قـالـوا ورا خـلـك خـضـر = يحـسـبـون مــاهــو بـغـالــي
=قـرة العيـن شوفـات الخـضـر
لــو يـبـاهـي بـخــده للـقـمـر = غـاب نـور القمـر يـا همـلالـي
=لــو تبـيـن مــع القـمـر قـمــر
ياهـوى الـروح بيحـت الصـبـر = يابعدحـالـي وغـالـي حـلالـي
=انـت ياالـلـي تعاجـبـك خـمـر
ان مشى لابس الثوب الخضر = طاح ما فـي يـدي وا عزتالـي
=منك يـالا بـس الثـوب الخضـر
يوم انا وانت من خامس شهر = ما جفيتـك ولا بـان الجفـا لـي
=ماحصل منك يوم فـي العمـر

[الطائر المهاجر]

وله ايضا

يا حسايف على العود الخضـر = انكسر في يميـن اللـي حنـاه
انكسر جعـل مـن جـاب الخبـر = يقـطـع الله مــن الدنـيـا رجــاه
صاحبـي كنـه الظـبـي العـفـر = وعسى الله يرعـى مـن رعـاه
لا تـبــيــن بــخـــده لـلـقــمــر = غاب نور القمـر واظلـم سمـاه
وان تبين على الشمس وظهر = غابت الشمس غاطيهـا سنـاه

[محمد عبدالله البدراني]

الطائر المهاجر

سلمه الله


جهد جبار تشكر عليه ويضاف الى مجهوداتك القيمه لخدمة ادبنا الشعبي


بيض الله وجهك

ووطول الله عمرك يابو عبدالله


اشهد انك تستاهل بياض الوجه

وقدمة من الجهد والوقت مايستحق الثناء وسيبقى خالدا ان اشاءالله


هنا فيه شطر ناقص كلمه على ماأظن :
يحسبـون ماهـو بغـالـي


وصحته : يحسبون الخضر ماهو بغالي



وفقك الله ورعاك


تحيتي وتقديري

[عالي مستواها]

عبدالعزيز شكرا لك على تذكيرنا بشاعر كبير ويستحق الأشاده بشعره ،،،

ويعطيك العافيه الطائر على مجهودك والنقل الرائع لقصائد قمة في الروعه ،،،،

يعطيكم العافيه جميعا

لكم تقديري واحترامي،،