عبْرة وِداع

[سهيل الشمري]

آآآخِرْ لِقا مابين عيني وعينه = عبْرة وِداع ٍ خطّته دمْعتيني
تخالطتْ والقلب فضّحْ دِفينه = وياويل قلبي من فِضايِحْ دِفيني
باس ليميني واطْوقتْني يمينه = واشْحُوب خِدّانه سكنْ راحتيني
واغلا دِفى حسّيته بكلْمتينه = يبهْ تراي احتاج للدّعْوتيني
دعْوتْك وِيّا من تراجفْ يِدينه=نبْع العطا سكّانة المقْلتيني
أمّي عسى الرحمن يِطْوِلْ سِنينه = ولا يفْجعنْ به روح روحي وعِيني
منْ بعْدها جضّ الخفوق بونينه = والبُعْد ولّعْ نار بينه وبيني
أرْسل ماسِجْ وِداع ٍ لوالدينه = ياويل قلبي وين خالد وويني

[عمر ال شيبي]

صح لسانك يا جميل القاف وحسنه
تحية غلا وتقدير لحرفك الراقي

[ماجد الراشد الهيري]

صح لسانك اخوي سهيل مصافحه طيبه ماشاء الله عليك
لاهنت

[منيع]

اكثر من رائعة ومعبرة
تحياتي لكم

[الطائر المهاجر]

لا حول ولا قوة إلا بالله
وش هالوداع ، مهوب واضح
تراي تلخبطت بين آخر لقاء
وباس اليمين واحتاج للدعوتيني
ثم البعد
انشاء الله يكون مسافر لطلب العلم او غيره وله رجعه
وهذا لايعتبر آخر لقاء

صح لسانك
ولا هنت
تحياتي

[حنان الكون]

صح لسانكـ وفكركـ

رائع وجزل

تحيتي لكـ

[داعي الشوق]

الله يعينك و يصبرك يا سهيل

و يطمن بالك ،،

وصح لساانك مدد

ولاهنت

[الطامي]

الشمري
صح السانك ملايين
رائعة جدا
لاهنت اخي

[صعبة المنال]

صح لسانك
جزلة ووافية

صعووووب

[عبير الورد]

المشاركة الأصلية كتبت بواسطة سهيل الشمري

آآآخِرْ لِقا مابين عيني وعينه = عبْرة وِداع ٍ خطّته دمْعتيني
تخالطتْ والقلب فضّحْ دِفينه = وياويل قلبي من فِضايِحْ دِفيني
باس ليميني واطْوقتْني يمينه = واشْحُوب خِدّانه سكنْ راحتيني
واغلا دِفى حسّيته بكلْمتينه = يبهْ تراي احتاج للدّعْوتيني
دعْوتْك وِيّا من تراجفْ يِدينه=نبْع العطا سكّانة المقْلتيني
أمّي عسى الرحمن يِطْوِلْ سِنينه = ولا يفْجعنْ به روح روحي وعِيني
منْ بعْدها جضّ الخفوق بونينه = والبُعْد ولّعْ نار بينه وبيني
أرْسل ماسِجْ وِداع ٍ لوالدينه = ياويل قلبي وين خالد وويني

الله الله

صح لسااااانك ملايين


سلمت وسلم منطوقك الجزل

ربي يعطيك العافية