الطبيعة

[عبدالله السويلم]

السلام عليكم
هذي قصيده مسنده على واحد من الربع
امل ان تنال استحسانكم

دوك الطبيعه كيف ربي خلقها=طبيعة (ن) مامثلها من طبيعه
ناسٍ عطاها الله وناسن حرمها=وناسٍ رفعها الله وناسٍ وضيعه
يابومحمد سوق رجلك جهدها=واضرب بها ياصاحبي فالوسيعه
كب الدراهم لاتحسب عددها=لو موترك من زود فقرك تبيعه
قبل الدراهم لايبيدنك بدها=مهما تجمعهن تراهن وديعه
دور شرودٍ عنقها طول يدها=وعيونها حورٍ وسودٍ وسيعه
وصديرها يزهاه رزة نهدها=غض مثل غض الزهور الينيعه
عجل قبل نفسك يجيها وعدها=طيع الزمن مادام تقدر تطيعه

[حرف وشعر]

جميل هذا النص يا شاعر الابداع

[عبدالله السويلم]

الجميل مرورك الكريم اخوي محمدشكراً لك

[عبدالمحسن الرحمه]

صح الله السانك شاعرنا القدير عذبة تلك الحروف
الله يديم عليك الصحة والعافية

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[هترل]

هالله عليك يالشاعر العذب
صح لسانك ملياراات لافض فوك
نص جميل وشاعر مبدع ومميز لاهنت

تحياتي وتقديري

[منيع]

مبدع ورائع
شكرا لكم
تحياتي

[عبدالله السويلم]

صح بدنك عبدالمحسن

ومشكوووور على المرور


الله لايهينك


تحياتي

[عبدالله السويلم]

ابوعبدالله

صح بدنك وتشرفت بمرورك يالغالي


تحياتي لك

[عبدالله السويلم]

ابو احمد

صح بدنك


ومشكور على المرور والتعليق يالغالي


تحيااااتي لك