حطوا بالروشن ثلاجه

الطائر المهاجر · 17-09-2007, 02:33 AM

حطوا بالروشن ثلاّجه/ للمحتاج وللمحتاجه = من علاّ في يوم ابراجه/ له فكره ماهي مخفيّه
يبغا به منظر ومرايه/ المن يعقد يوم حجاجه = يدوّر علثه ياصل غايه / بالصباح وبالعشيّه
مستودع يا كثر ادراجه/ يطبخ بفروخ الدجاجه = شيٍّ حيّ وشيٍّ ميّت / والباقي ماله هويّه
مادام إنّ القاضي راضي/ وهنا ما يدعو للحاجه= ومادام ابوها متغاضي/ فارجس ياحسين ابخفّيّه
من يعرف يضبط للمشيه/ ومن يجهل يشعل لسراجه= ينزل في قبوه بالرقيه/ واحياناً روحه أو جيّه
ومن يقوى يطلع للطايه/ومن يعجز يرجع ادراجه= واللي ماعنده ادرايه/ أطيب من عمّه ووخيّه
بالثلاجه ما يحتاجه/ من اخلاط ومن امشاجه = طاووس ياكبر اوداجه/ والاّ اضلاعٍ مشويّه
لحمة حاشي والاّ ضاني/ والاّ طبخات المهراجه = كلش يصلح للسواني/ لو قطع حبيله ورشيّه
ان أذّن ديك الظهريّه / قام الأعشى والصنّاجه = ينهى لفروضٍ ممليّه/ سجده في ركعه وتحيّه
لا شفته من قبل يصلّي/ يلمع من كثرة مكياجه= وإن عوّد ليّاك تهلّي/ ضايق صدره بالطاقيّه
شماغه يمسك في لعومه/ خايف من باب ومزلاجه = اقرب ما يسمع يالعومه/ منته كفوٍ للحنيّه
امر الله لو شق القربه / ما يصلح لمعة ديباجه = ابعد عن نفسه مكتربه / ميّت واخشى عيونه حيّه
"مانع خيّالٍ في الدكّه"/ ما يكسر كلمة حجّاحه = "وان صاح صياح من برّا" / يتهايق ما معه ابنيّه
"اليمنى فيها الفنجال"/ وباليسرى يدفع احراجه = واليا من صكه الجال / ضيّع ربعه والسريّه