العـذر المنطقي

[محمد بن عمار]

السلام عليكم ورحمة الله .
مدخل إلى بهو ذوائقكم ....

كلما شق البدر ، ستر الهجوع = قلت ذي محبوبتي جت لافيه
وش يفـيد اللي تحاشا للوقوع = بالحذر، وأقدام رجله ، حافية

وبطاقة عبور إلى الصفوف المتقدمة ...

إفردي لي جناح الشوق ودي أطير = لاني أول ولا آخر ، من تعلا ّ وطار
وإنثري عطرك لنسمات نفح العبير = عطرّيني وردي لروحي الإعتبار

وقت مستقطع على طلب القلب ...!

كلما قلت ، هذا يالغلا ، ما يصير = قال قلبي وش اللي شفت منها وصار

من هذه البوابة ......
يكون للتواصل بكم عنوان ، كما وللأذواق مقامات ،،
لايضاهيها إلاّ شموخكم الباسق وحضوركم المتألق
في عنان الكلمة ... مع



العـذر المنطقي

اظهري ياشمس حبي واشرقي = نوّري ليل ٍ ظلامه محتويني
بدّدي ، غيم ٍ يغلـّف ما بقي = من ضياء شمع المحبة ياضنيني
لا تغضّين العيون ، وتسرقي = برعشة الأهداب شوق ٍ مرتويني
طالعي دمعي بعيني يغرقي = يمطرالعبرات ، من وابل حنيني
ونبض قلبك في وريدي يخفقي = كـلما ، ضمّيت كفك ، في يميني
بالمشاعر ، يالحبيبة ، إرفقي = قبل ما يطري عليك ، توادعيني
يوم جاد الحظ ساعة نلتقي = أشعل الوجدان حب ٍ لك ، دفيني
إحترق غصن ٍ بجوفي مورقي = من لهيب الكف يوم تصافحيني
إتركي ناره بصدري تحرقي = وأنكوي ، من وهجها ، لا تنقذيني
كان قلبك من عذابي مشفقي = فراحتي للقلب ، يوم تعذبيني
ماسمعـتي بالمثل إن الشقي = باقي ٍ عمره على مر السنيني
تثبتين إن العواطف تفرقي = وكيف معنى التضحية للعاشقيني
لأجل مفهوم الحبايب يرتقي = لمستوى حب ٍ حصل بينك وبيني
وان هلي جوّ يسألونك فاصدقي = لا تقولين انتحر وش في يديني
أقنعيهم ! قولي عـذر ٍ منطقي = قبل مااموت بغرامه ، مات فيني

مودتي لتواصلكم
محمد بن عمار

[منيع]

ياسلام عليك
مبدع ورائع
وعوايدك التميز
تسلم
تحياتي لكم

[حي الضمير]

رائع واطربتنا شعر عذب
وابدعت حيل يابوعبدالعزيز وعوايدك
ومدد صح لسااانك يامميز

[عاشقة السحاب]

صح لسانك

رووعة احساس

[الطائر المهاجر]

صح لسانك ياقيس خنشليله
طيبه من شاعر كبير
لاهنت
تحياتي

[الطامي]

م بن عمار
صح السانك
ابداع متجدد مع العوده
لاهنت اخي

[داعي الشوق]

مات فيني .... الله الله يا بو عبدالعزيز

قصيده تستاهل صدر المكان

سلمت و سلمت اناملك و احساسك يا جريح القصيد

و صح لساانك مدد

مع تحياتي و سلامي لك

[بنت النور]

صح لسانك وفكرك
مليون × مليون ولاتكفي
لاهنت
مع اطيب تحياتي

[الحمزه]

كتبت فأبدعت ايها المبدع
صح لسانك ولا هنت
تحياتي الطيبة

[عبدالإله]

صح السانك
مـبدع انـت فــي احــرفــك

صورُ تجمعت ونسجت بابداع

لـِ روحك باقات الود امتارا