دخول الوالده للمشفى ومنع الزياره عليها

[الطامي]

يادورٍ صعدته فيه غالي علينا حيل
وعقب امنعوني منه لاجيه وازوره

عسى ينفتح لي باب واجيه ثم ازيل
همومٍ على قلبٍ يجي منها اخطوره

همومٍ تزايمني وانا في تعب لآشيل
ولا كنها فدوه لمواطي الغلآ نوره

مالي طيب والمطلوب مني نهار وليل
طريق الحياه الصعب اسهل لهاعبوره

مانلحق جزاها والمقادير صح وميل
وازيد اجتهادي ونوب مانطري البوره

تفيض الدموع الاقالو لي ياويلك ويل
لاتخالف تعليمات الوزاره ودكتوره

دخِلْها مع باب الطواري ولا احد يعيل
ولا لك دخول ورح لبيتك ولا تزوره

٢٠٢٠/٥/١٢ م

[داعي الشوق]

الف سلامه لها وطهور ان شالله
المنع من شان صحتها بلاشك
وصح لسانك ابو محمد

سهالات الله يطمنك عليها بخير

وتطلع بالسلامه

[منيع]

سلامات وماتشوف شر والله يمن عليها بالصحة والعافية
وصح لسانك يابومحمد
تحياتي لكم

[الطائر المهاجر]

ما تشوف شر
وان شاء الله تقوم بالعافيه
اللهم انك تعلم الداء فأنزل عليها شفاء من عندك
تحياتي

[الطامي]

هلا بو سعد
صح بدنك
وعلى دعائك نئمن
ونقول اللهم امين
جزاك الله خير
ولاهنت

[الطامي]

منيع
صح بدنك
وعلى دعائك نئمن
ونقول اللهم امين
جزاك الله خير
ولاهنت

[الطامي]

دكتور
صح بدنك
وعلى دعائك نئمن
ونقول اللهم امين
جزاك الله خير
ولاهنت

[الطائر المهاجر]

ابو محمد
بشر عن الوالده عساها تشافت

[الطامي]

ولله الحمد
طيبه وطلعت لها ايام ثم اعدناها قبل كم يوم لمشفى كبار السن لوجود التهاب حاد في احد الرئتين
والان الحمد لله افضل واجد
كبعا نهيئلها ممرضه ثانيه متمرسه
لعل وعسى تطلع للمنزل ويتنابون عليها تحت اشرافنا عليهم

ربنا مايريكم مكرووه في من تحبون ولا اية مسلم

[الطائر المهاجر]

تسلم ولا تشوف شر
طهور ان شاء الله