لكل من ينتمي الى قبيلة ( عتيبه) ولكل من يكن لهذه القبيلة الاحترام والتقدير

هذه القصيدة للشاعر المعروف كديميس السحيمي

رفع بلال الصوت و أطرّب للأسمـاع=ومصلي الفرض انتهـى مـن قيامـه
وردت هواجيسي على فكـري اتبـاع=والحلم علم يسـوق معـه الجهامـه
لين إن نور الشمس بيّن لـه إشعـاع=في خايـعٍ يزهـى العقـال العمامـه
وازهر خضار العشب واستبشر القـاع=بمواصلة وبـل الحيـا مـن غمامـه
و هب النسيم و فاح هيـلٍ و نعنـاع=يوم ءعرضت لي من زهتها اللثامـه
ثم طوحت بالشال مـا حولهـا قنـاع=قلت استحي و الـرد منهـا إبتسامـه
قالت عفيفة لا تقـول الحيـا ضـاع=و ابي بتوصيفـك لـي تحـط شامـه
و الدلـة الرسـلان مثعابهـا فــاع=لونـه خضـابٍ فـي يديهـا علامـه
مني على الهيـلا و أكـرر بالإجمـاع=سـلام مثـل النـور يجلـي ظلامـه
و كل القبايل و النعـم حـق ينـذاع=من يبهـت الأجـواد يلقـا الملامـه
لكن عتيبـه عزوتـي تفـرق ابـواع=يزهى الفخر يوم اعتلوا لـه سنامـه
العزوة اللي في اللقاء ذكرهـم شـاع=عزوة فخر ما هيـب عـزوة ندامـه
يشهد لهم نجد المسمى بـا لاخضـاع=دارٍ محيـم عتيـبـه اروت حيـامـه
يوم القبايـل بيـن غـازي و فـزاع=نِرجِح موازيـن الوغـى و احتدامـه
فيه المزاين مـاش شـاري و بيـاع=و العمر ما يحسب لعجـل انصرامـه
ورث الجـدود مزبنـة كـل مرتـاع=كعّامـة العايـل بـشـدّه و قـامـة
أوسومهن تكفي لهنّ الصعـب طـاع=وسم اطرف عتيبـي مثابـة حسامـه
يرهب و يثني عزم من طال لـه بـاع=ويرجع خليّ ايدين مـا ادرك مرامـه
ومن جاء يبهن غصب نشبع به جياع=و من فكه الله مـا طمـع بالسلامـة
ما قلتـه منافـق و لا نيـب طمـاع=و امدح صغير القـوم قبـل الزعامـة
وليا مدحت شيوخ ما فيهـم ءرعـاع=ءجبال في المرسـى و للعـز هامـه
و اليوم سلم و دار في عز الأوضـاع=حكم السعود و شـرع ربـي نظامـه
و للخيـر صنّاعـه و للشـر صنّـاع=ولا كـل زارع زرع يضمـن صرامـه
ومن يعدل الميزان بالمـد و الصـاع=المـال مـا يخلـط حلالـه حرامـه
عاقل بشر ما كل أمر معـه ينصـاع=و تستوعب المقصد عقـول الفهامـه
ولا كل مركب في البحر سار بشـراع=ولا كل ضيف مسابـقٍ لـه عرامـه
وما كل جيل لسابق اجيـال مطـواع=الا بشرع(ن) بيـن ركـن و مقامـه
ولا كل(ن)أمشي له شبر لو مشى ذراع=و من لا سعى بالحـق قـل احترامـه

[الطائر المهاجر]

وعليكم السلام يالعتيبي
الفطاحلة لكل القبائل والقصائد الخاصة بقبيلة معينة
تنشر في موقع القبيلة، والمدح والفخر بالقبيلة امر محمود
اذا لم يتجاوز الواقع فقولتك
يشهـد لهـم نجـد المسمـى بـا لاخضـاع=دارٍ مـحـيــم عـتيبه اروت حـيامه
كلام ما له سند في تاريخ نجد، فنجد بأهلهامن حضر وبوادي ،واذا سيطرت عتيبة
على بعض مناطقه فلا يمكن التعميم، فلقحطان صولاتها ولحرب ولمطير...الخ
وقعات تنتقل من مكان إلى آخر.
ثانيا للنشر لدينا في الهمس لابد من الإسم الصريح
ثالثا عند تنسيق القصيدة لاتنسى تحط علامة = بين الشطرين ويكونن في مستوى واحد
تحياتي الطيبة

الشاعر الدكتور/ عثمان العبدالله

اشكرك على مرورك العطر وتوجهاتك والمنتدى منور بوجزدك يادكتور وانا اتقبل توجيهاتك بروح رياضية واي توجيه انا تحت امرك

ودمت............. بالف صحة وعافية



تلميذك / شبل الهيلا ....

[ابو زياد]

صح لسانك
ونعم بك وبقبيلتك

[منيع]

حياك الله اخي الكريم شبل الهيلا
ابيات رائعه
والنعم فيك وفي قبيلة عتيبة
تحياتي

الاخ الشاعر / ابو زياد


أشكرك على مرورك العطر

ودمت ..................... بخير

الشاعر المتألق / منيع

اشكرك على مرورك العطر

ودمت .............................. ......... بخير

[الخنساء]

صح لسانك اخي الشاعر شبل
لاهان راسك قصيدة رائعة
والنعم والله
سلمت وسلم شعرك
دمت بخير

الاخت الشاعرة المتألقه / الخنساء

أشكرك على مرورك العطر ولاتحرمينا من جديدك

ودمت.......................... .................... بخير

[الصريح العتيبي]

الاخ/شبل الهيلاء---------------------سلمه الله
صح لسانك واعتلى شانك وهذه الابيات لاتفي عتيبه حقهم والنعم في كافه القبايل
تقبل مروري ودمت بخير