الحظ الأقشر

[محمد بن عمار]

السلام عليكم /
ولكم موعد مع بن عمار
وحظه الأقشر اللي مخاويه
مدى الحياة اللهم ياكافي
كل شطر قافية ..!

الحظ الأقشر

ياشقا ، قلب ٍ تحيّر = في هوى غرو ٍ يتله ّ
راعي العين الحنونه = اللي أشغلني بغرامه
قسمتي والحظ الأقشر= ساقت الرجل لمحله ّ
من بعد ، لدّة عيونه = وين قلبي والسلامة
في طريقه لا تهصّر = رأس ، ردفـه ما يقـله ّ
مشغل الناس بفنونه = مشيته صارت علامة
بالمبيسم موت ٍأحمر= يشفي العطشان غـله ّ
ونظمة اللولو سنونه = لاغنج لي بأبتسامة
ومن نظر للصدركبّر = روض للوسمي يعله ّ
مثل طلع التين لونه = والحجم بيضة حمامة
مطلق ٍمجدول ٍأشقر = فوق متنه ، يوم فله ّ
وغرة ٍ حفة جفونه = تنتثر، لأرخى ، لثامه
نور عيني لو تغير ّ = وسط قلبي مرتع ٍله ّ
بالحشا أرسى ركونه = وبالصدرعلا ّ مقامه
الغلا بالجوف يصهّر = قرص كبدي مستحله ّ
ساطيات ٍ بي طعونه = بالحشاء راكزسهامه
من عناه العين تسهر = دمعها ، دايم ، تهله ّ
مثل وبل ٍ في مزونه = لا تحدر من غـمامة
عقب ما وصله تعثر = صارت أعذاره ممله ّ
جدد بقلبي ، حزونه = بالتشرّه ، والملامة
كيف عقب الود قرر ّ = للهجر من غير زله ّ
عاذل ٍ قد حال دونه = ليتني أعـرف مرامه
لوشكيت الحال يظهر = ماخفاء للناس كله ّ
وكل علم ٍ يجهلونه = صار سلعة للنمامة
الهوى راعيه يخسر = لا تفارق هو، وخله ّ
مكسبه ذل ومهونة = وآخرالعشرة ، ندامة

مودتي لتواصلكم
محمد بن عمار

[ساهر الليل]

عجبي عليك يابن عماااار

راااااائعه ورايقه انت راعيها

صح لساانك ولاهان راسك

لي عوده وعودات ,,,,

تقبل تحياتي

[هترل]

ياشقـا ، قـلـب ٍ تحـيّـر
في هوى غرو ٍ يتلـه ّ
راعي العيـن الحنونـه
اللـي أشغلنـي بغرامـه
قسمتي والحظ الأقشر
ساقت الرجـل لمحلـه ّ
من بعـد ، لـدّة عيونـه
ويـن قلبـي والسلامـة


هالله الله
صح لسانك يابو عبدالعزيز ترليووونات
مبدع وممتع وجزل ومافيك حيله ..
كلها نبي نخطها لك لاهنت

تحياتي وتقديري

[منيع]

مبدع وجميل وابن عمار دائما غير
تسلم
تحياتي لكم

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير

[بنت النور]

صح لسانك
ولاهنت
تحية وتقدير

[داعي الشوق]

سلامتك يا بو عبدالعزيز و صح لسانك و طاب حالك و حظك

و لاهنت

وعساك سالم

------------

[الراقي]

صح السانك على هـــ الجميلــــة
رائع شعرا و حضورا

دام لنا ابداعك وتواجدك

وبيض الله وجهك

ولك ارق التحايا

[سعيد عوده الحويطي]

صح لسانك يابن عمار دايم تبحث عن الابداع والتميز وانت والله مبد ع مبدع. واخترت هذا البحر الذي كتبت عليه والقافيه التي تلفت الانتباه وتجعلك تقراء النص حتى نهايته بدون ملل تقبل احترامي وتقديري اخوكم ابو توفيق

[الـزلـزال]

محمد بن عمار

نص رائع وجميل
من شاعر عودنا على روعة حرفه الشعري دائمآ
أبدعت وأمتعت شاعرنا رعاك ووقاك الله
دمت ودام لنا حرفك
صح لسانك ملايين ملايين
ولك فائق تحياتي وتقديري