60 ليله , 60 ليله 60 ليه

[فهد حنس العتيبي]

حبيت بنتٍِ عذبتني بحبها= والقلب من سبة سنا الحب ذايب
يعلم بحبي بس ربي وربها= والناس ماتعلم بحر المصايب
هزت مشاعرنا وهزت عواطفي= واهتز عقلي واصبح اليوم رايب
تسكن بصدري وسط قلبي جلوسها= متربعه بنت ( الشيوخ ) النجايب
من اسرةٍ ماتنتمي في قبيلتي= أخاف من فهمٍ يجي القاف خايب
ونفسي معودها على مايعزها= واشوم عن بنت الردي المهايب
واليوم جاني ما كفاني وهزني = بأسباب من شبت علي الحرايب
احبها حبٍ سطا وسط ضامري = حبٍ تمركز وارتكز , كا النصايب
حبٍ تملكني و جدد مواجعي = حبٍ على قلبي اجروحه عطايب
تسوى اعيوني نور عيني ومهجتي = وتسوى الاحبه كلهم والقرايب
ما كنت احسب الحب يبلا به الفتى = كنت احسبن الحب عيبٍ امعايب
وعرفتها ياليتني ما عرفتها= شفت العجب من عرفها والعجايب
واليوم جالي فوق ستين ليله= تقطعت اخبار حلو الترايب
ستين ليله عشتها واحتريها= وستين ليله ذقت فيها العقايب
وستين ليله ما تهنيت بالكرا = وستين ليله خلت الشاب شايب
* ياطير تكفى ماتوصل ارسالتي = فيها عنا قلبي وفيها الغرايب
ياطير عجل فالمشاعر تفجرت = أخاف أموت بدون علم الحبايب
ياطير هاك أشواقنا وأرتفع بها = فوق الجبال الشاهقه والسحايب
اوصل حبيبتنا ((( افلانه !!! )) قصيدتي = وقل من فهد مبعوث فزعه ونايب
ان كانها هلت بها واعتنت بها = هذا دليل اني كسبت الكسايب
وان كانها صدت عن الوضع وانكفت = ياللاسف هذا دليل المصايب
وان كان هي هلت من العين دمعه = ياليتني معها واهل الذوايب
وان كانها ياطير مني تعجبت= فأنا ,, من اللي ماعليهم عجايب
وان كانها في دارها ما لقيتها = اصبحت من رحلة هذا الحب تايب

[داعي الشوق]

يالشاعر فهد

و صح لسآآآنك

معاني جميلة و القصيدة أجمل

تستاهل الميدالية الذهبية

[الطائر المهاجر]

الله....الله
عندما يكون الحب عذري عفيفا
يرتفع مقام صاحبه في عين
كل من يقرأ ... فلله درك من مبدع
فمن صفات الحب العذري المحافظة على سمعة الحبيب
يعلـم بحبـي بـس ربــي وربـهـا
والنـاس ماتعلـم بحـر المصـايـب
وابعاد القارئ عما قد يدل على هويته
مـن اسـرةٍ ماتنتمـي فـي قبيلـتـي
أخاف من فهـمٍ يجـي القـاف خايـب
وفي المقابل نرى ان للحبيب طريقته في التأكد من حب حبيبه له
فلا بأس ان يبتعد عنه ، ولكنه يراقبه ليعلم ردة الفعل
ستيـن ليلـه عشتـهـا واحتريـهـا
وستيـن ليلـه ذقـت فيهـا العقايـب
وستيـن ليلـه مـا تهنيـت بالـكـرا
وستيـن ليلـه خلـت الشـاب شايـب

وهذه هي ردة الفعل ... احباط متواصل يكتنفه حزن عميق
فيحاول المحب ان يستنجد ولو بالخيال بمن قد يساعده
* ياطيـر تكفـى ماتوصـل ارسالتـي
فيهـا عنـا قلبـي وفيهـا الغـرايـب
ياطيـر عجـل فالمشاعـر تفـجـرت
أخاف أمـوت بـدون علـم الحبايـب
ورغم ان الإحباط والحزن كان قويا فالمحب لم يندفع عاطفيا
ووضع لكل شئ حسابه
وقل من فهد مبعـوث فزعـه ونايـب
ان كانهـا هلـت بهـا واعتنـت بهـا
هـذا دليـل انـي كسبـت الكسـايـب
وان كانها صدت عن الوضـع وانكفـت
ياللاسـف هـذا دلـيـل المصـايـب
ومع كل هذه العواطف الجياشه تجاه الحبيب
إلا ان العقل ينبه المحب ، ويعطيه مؤشر لابد
من اخذه في الإعتبار
وان كانهـا فـي دارهـا مـا لقيتهـا
اصبحت من رحلة هـذا الحـب تايـب

صح لسانك وقلبك
حقيقة من اجمل ما قرأت مؤخرا
لاهنت
تحياتي

[نجم الإبداع]

الله الله

صح لسانك يافهد

نص وجداني راقي

ابدعت ياشاعر

لاهنت

تقبل مروري

وتقديري

[الطامي]

بن حنس
صح السانك
واصبر صبر غيرك الله يعينك
شكرا لك على الأبداع
لاهنت اخي

[الخنساء]

صح لسانك ولاهنت

ابيات رائعة ترجمت روعة المشاعر

سلمت ودمت بخير

[رفيعة الشان]

شاعرنا الأخ ابن حنس
قصيدة وجدانية جميلة
مليئة بالمشاعر
ومتميّزة كالعاده
فصح الله لسانك مليوون
ابدعت


ولاااهنت

[منيع]

ابداع وتميز وتألق
بارك الله فيك
تحياتي لكم

[زهرة اللوتس]

الله الله الله
الشاعر فهد بن حنس
ابدعت لله درك
جزلة من شاعر جزل
سلمت وسلم منطوقك
لاهنت وصح لسانك حتى ترضى
تحياتي
وتقديري

زهرة

[عبدالله مذكر العقيلي]

الله الله

لله درك يالشاعر الكبير

صح لسانك

وعلا شانك


سجل اعجابي




تحياتي لك