دونه جبال الحجاز ونجد الاخوان

[نجم الإبداع]

لاضاق صدري ذكرت النار والجنه=واناظر الكون فيه ايات الايماني
واناظر اهل الزمن بالمال منجنه=في دين الاسلام يتبع فكر نصراني
عصر الفتن والجلكسي صار له رنه=وعابد المال لابس ثوب كتاني
كنه في الخلد عايش والهوى ضنه=مايخرج الحق من ماله للاوطاني
والموت مترصد ابن ادم ولكنه =ينسى ان له يوم ويكفن بالاكفاني
والمشكله من تعالي فارس وحنه=والغرب لاوكلو شيعي وكلداني
يبغون مكه ويثرب واضمروا الشنه=لاهل العمايم رسول الفين شيطاني
والروس والصين واليابان مقتنه =ماباقي الا الجبل يظهر للاعياني
من ناظر الشام واحماله يروعنه=الين ثارت من النيران لبناني
وديار الانبار والموصل يلوعنه=صاح العريفي وجاوب صوت عماني
تكالبن الامم كلن على فنه =وشعب الجزيره على الموال حيراني
حتى اليهودي بهرمجدون من زنه=والملحمه شافها القاصي مع الداني
اشاهد الوضع واتلي فالحشا ونه=وش حلل البيت للمشرك والايراني
من دونه الله جليل الملك ماجنه=يدمّر جيوش تنوي البيت دمراني
يخسى النصارى وفارس مايطبنه=دونه رجال الحجاز ونجد الاخواني
ودونه هل السنه وقت الضيق يحمنه=من كيد فارس وكيد الروم والجاني
يالله طلبتك تديم الامن للسنه=واخرب عروش الفساد ورف بالانساني

[عادل بوبدر]

تشرفت أن أكون اول من عانق هذه الرائعة
حطيت يدك على الجرح
الله يحمينا ويحفظنا
صح لسانك

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[عبدالمحسن الرحمه]

صح الله السانك اي والله الناس لاهية
عن آخرتها الله يرحمنا برحمته
دائماً تروينا من الجزل المميز

[ساهر الليل]

صح لسانك يانجم

جزله من راس جزل

لاهنت ياشاعر

تحياتي وودي

[حرف وشعر]

ياسلام ياسلام يابو محمد. قصيده تطرب وتنومس الرأس

صح منطوقك يانجم

[داعي الشوق]

جزله يا بو محمد

قصيدة ذات معنى غيور

الله يحمي بلاد العرب و المسلمين من كل مكروه

و صح لسانك مدد

ولاهنت

[عبدالله السويلم]

صح لسانك يابومحمد
جزل ومافيك حيله


تحياتي لك

[نجم الإبداع]

المشاركة الأصلية كتبت بواسطة عادل بوبدر

تشرفت أن أكون اول من عانق هذه الرائعة
حطيت يدك على الجرح
الله يحمينا ويحفظنا
صح لسانك

صح بدنك وشكرا لشرف مرورك شاعرنا

لاعدمتك

[الراقي]

صح السـانك ومنطوقك الجزل الوف الملايين

ربي يرعاك يا جزل