![]() |
رقم المشاركة : 1 | ||
|
أبو دباس . . . شاعر (( معروف مجهول )) عرفه الناس من خلال قصيدة واحدة له تناقلتها ألسن الرواة وحفظها الكثيرون إلاَّ أن شاعرها طواه النسيان وبقي مجهولاً . . . فمنهم من يقول أن اسمه ((محمد)) وآخرون يقولون أن اسمه ((راشد)) وهكذا بقي شاعرنا معروفاً بكنيته ((أبودباس)) مجهولاً اسمه وسبب معرفة الناس له بكنيته راجع لأنه أرسل قصيدته المشهورة إلى ولده ((دباس)) حينما رحل عنه وغاب طويلاً حوالي ثمان سنوات انقطعت فيها أخباره حسب ما ذكره الوالد بقصيدته المشهورة تلك
ياونة ونيتهـا مـن خـوى الـراس=من لاهـب بالكبـد مثـل السعيـره ونين من رجله غـدت تقـل مقـواس=ويون تالـي الليـل يشكـي الجبيـره وياحمس قلبي حمس بـن بمحمـاس=وياهشـم حالـي هشمهـا بالنجيـره وياوجد حالي يا مـلا وجـد غـراس=يوم اثمرت واشفا صفـا عنـه بيـره من ثمر قلبـي سـرا هجعـة النـاس=متنحـر درب عسـى فيـه خـيـره الله يفكـه مـن بـلا سـو الاتعـاس=ومن شـر عبثـات الليالـي يجيـره فى ديـرة تقطعـت عنـه الارمـاس=سبعيـن يـوم للركـايـب مسـيـره لاوالله إلاحـال مـن دونـه اليـاس=حـط البحـر والبـر دون الجزيـره علق سلـوان وراء العيـن والطـاس=وقلبي علـى فرقـاه تسمـع فريـره يالله ياللـي رد مـن عقـب مايـاس=يوسف على يعقوب وابصـر نظيـره ترد على أدباس يا محصـي النـاس=ياعالـم مـا بالخـفـا والسـريـره يادباس أنا بوصيك عن درب الادناس=ترى الـذي مثلـك يناظـر مسيـره عليك بالتقوى تـرى العـز يادبـاس=فى طاعة اللـي مـا ينجيـك غيـره هذي ثمان سنين من رحـت يادبـاس=لا رسالـه جتنـي ولا مـن بريـره يادباس من عقبك ترى البال محتـاس=وعليك دمـع العيـن حـرق نظيـره وعليك كنى فى دجـا الليـل حـراس=أصبح على حيلـي وعينـي سهيـره أصبح انا مابين طـاري وهوجـاس=وطـواري تطـري علينـا كثـيـره مثل الوحش قلبي على كـف حبـاس=يكفخ كمـا طيـر اسبوقـه قصيـره متحير من عيلـه البيـت يـا دبـاس=ارجى ثـواب الله وأخـاف المعيـره أخاف من حكي العداء ثـم الانجـاس=أهـل الحكايـا الطايلـه والقصيـره ويقال خلا عيلته عـن نـزا الـراس=أقفـا وخـلا عيلـه لـه اصغـيـره والا فنا يا بـوك قطـاع الارمـاس=مانيـب مثبـور أو رجلـي كسيـره أصلك لو دونك نبا حمـر الاطعـاس=الصلـب والصمـان دروب عسيـره مهالـك مـدارك مـا بهـا أونـاس=إلا الثعـل والبـوم تسمـع صفيـره لو كنت فى نزوى وديرة بنـي يـاس=أهـل المـوازى والوجيـه الغبيـره عبـادة الاصنـام شرابـة الـكـاس=الخمـر والتنبـاك فيهـا وغـيـره لاركب على وجنا من الهجن عرماس=فج النحـر يادبـاس حمـرا ظهيـره متروسه الفخذيـن مزبـورة الـراس=كن الخلاص اعيونهـا يـوم أديـره ياشبـه ربـد تخـفـق بـالاونـاس=وان رفعـت جنحانـهـا مستـذيـره تنشر من العوده على نـور الانفـاس=عند الفجـر والليـل مقفـي مريـره والعصر بالصمان تسمع لها اضراس=حبل الرسـن خطـر تبتـر جريـره ونهـار ثالـث بيـن حمـا الاوراس=وارأي أمـك جعلهـا لـك سفـيـره ثـم أركـب ساقيـه تقلـب الـراس=تمشي بهلها فـى البحـور الغزيـره إلى مسكت الفيحاء بها الخير محتـاس=لولا الكفـر والشـرك يـاوي ديـره فيها الطبيق وراهي الخبـز يادبـاس=يقعد خـوى الـراس خنـه خميـره هى ديرة اللي باغـى كيفـة الـراس=ولا له حد همه مـن النـاس غيـره هيس بذرى الاجواد لصحاف لحـاس=يفـرح الـى نيـدى لذبـح العقيـره ذا ما قفك يادباس مـا فيـه نومـاس=يصلـح لقيـن مهنتـه طـق زيـره ترى الضراوي دون وأنت انشدالناس=راعيـه مـا يذكـر بخيـر وغيـره ماله سوى حذوا لحنك منـه واليـاس=والى انقطع خرجه فـلا لـه ذخيـره طلب المعيشه بالحراثـه والاجنـاس=المشتري والبيـع يوصـف وغيـره هم انهض العيرات مـع كـل فـراس=يـادبـاس دور خـيـر تستشـيـره جدك وعمانـك هـل العـز والبـاس=أهـل اللـوازم مكرميـن القصيـره يادباس ما يصبر على البق والحـاس=إلا الـذي مالـه بنـجـد عشـيـره واليوم يامـروي شبـا كـل عبـاس=أنـت يـا لطـام وجيـه المغـيـره عشرين عام كلها أرجيك يـا دبـاس=مثـل الغريـر اللـي تولـع بطيـره عد المناكـب هيلـع فـرخ قرنـاس=يمناه فـى لطـم الحبـاري شطيـره عانق خلوج روحت عقـب مـرواس=عنـد العصيـر لبيضهـا مستذيـره والليل جاه وحال من دونهـا اليـاس=روحه علـى فرقـاه فـرت فريـره يادباس أنـا يابـوك مانيـب بـلاس=ميـران عيـلات الرفاقـه كثـيـره جنبت وسط السوق وامشي مع الساس=وأخذ قليـل الحـق واتـرك كثيـره يا دباس لو جبت لى من دحب الاكياس=مختلفـه مــا بـيـن زر ونـيـره مالـي بهـا ياجعلـه بألـف قبـاس=ويعلهـا تذهـب ولـو هـي كثيـره يادباس قلبي كل مـا هـب نسنـاس=شرقيـة هبـت بقلـبـي سعـيـره والحال يافرز الوغى مسهـا البـاس=عليـك يـا ناطـح اوجيـه المغيـره وغصون قلبي يا فتى الجـود يبـاس=غـادي أنـا يابـوك كنـي هشيـره مـن شافنـي يقـول ذا فيـه لسـاس=واللـي بـرى حالـي إلهـي خبيـره لا وعلا من قبـل غـوال الانفـاس=وامفـارق الدنيـا يجينـا بشـيـره عسى يطق البـاب والنـاس غطـاس=ياوالـي القـدره عليـك اتعبـيـره وصلاة ربـي عـد ماهـب نسنـاس=على النبـي عـدة احقـوق المطيـة بالصوت وبعد ان تسلم دباس رسالت والده بعث اليه بقصيدة يخبره فيها بانه لايسمع الى تلك الشائعات وبأنه محافظا على المرجلة التي عوده عليه والدة وكذلك يبشره بانه قادم لمساعدته في محنته : فقال دباس هذه القصيده ردا على قصيدة والده
حي الجواب اللي لفانا من الرأس =جابه غلام ما توانا مسيره
أهلا هلا به عد ما حبك قرطاس =او ما كتب فوقه بيوت شطيره جواب من هو لي مود من الناس =ابوي ما يوصف حلي لغيره فرزا الوغى كنه على الوكر قرناس =قروم ربعه كلها تستشيره دليل عيرات لياهب نسناس =ثم ادلهم الجو ومابه ذخيره مهفي الغنم لأهل الركايب والأفراس= لا روحوا له لا عليهم قصيره راعي معاميل بها العبد جلاس= للبن يشري بالسنين العسيره هاذي بمركاها وهاذي بمحماس =وهاذي يصبه للوجيه السفيره وخلاف ذا يا راكب فوق عرماس =مأمونة من نقوة الهجن عيره حمرا وهي في سنها وقم الأسداس= متوسط لا فاطر ولا هي صغيره ماهي لحوج راكبه بالعصا قاس= حرم عليها غير شيل النقيره والخرج هو وبيوت قيل بقرطاس =مع مزهب الأيام ما هي كثيره وفوقه غلام منوته قطع الأرماس= لو هو بليل ما تغير نظيره وليا لفيت الدار فا جهر با لأحساس =وبلغ سلامي كل ذيك العشيره واختص أبوي اللي نفل جملة الناس =وخصه بعلم وقل تراني بشيره لا يا نجي العرض يا بوي لاباس= كان تشتكي الضيم فأنا أسيره وان سايلك عني تراني بنوماس =وانا أحمد اللي ما توسلت غيره المدح لو يشرى شريناه بأكياس =بأموالنا نرخص ندور الستيره مطرق افرنجي مضاريبه الراس =ومصلبخ جبته عساني ذخيره من صنع نصراني مشروبه الكأس= يذكر ورى جاوه بعيد مسيره أبغيه للي حادينك على الساس =أهل النمايم والحكايا الكثيره ربع نووا فيك الردا والتخساس= مهبول يا اللي قال غايب عشيره علي دين لودع الجمع ينحاس = لطين العشير يقوم يلعن عشيره ان ما سكنا الدار من غير هوجاس =والا نعاف الدار ونور غيره كله لعينا كلمة قلت يا دباس= تشكي وانا دوني بحور غزيره خذلك يمين الشرع قطاع الأنفاس =انه فلا جتني علوم بصيره لا نيب جاني منك حبر بقرطاس= لأيضا ولا جتني علوم سفيره وان كان تشكي الضيق يا بوي لاباس =جاك الفرج يا بوي هو والبريره يا بوي أنا مارحت لكيفة الرأس =مع ذا ولاني في سفاه او غيره يا مسندي يا بوي شوف اوكد الناس =ثم انشد قل ويش هو في مسيره ان كان ما يفرح صديقك بنوماس =تحرم علينا اللي نهوده صغيره مدلول مجهول زها زين الألباس= بنت الذي يثني ليا جت كسيره طار يقول اظهر وطار بجلاس =قمت أشرب التنباك واثره نكيره أبغي عسى الله يبرد القلب يا ناس =من لا هب شبت بقلبي سعيره و الا فانا يابوي قطاع الأرماس= أصبر على الشده لو هي عسيره ومن كان له غايب فلا يقطع الياس =ان قدر الله جاب علمه بشيره |
||
![]() |
![]() |
رقم المشاركة : 2 | ||
|
مشكور استاذي والله يعافيك ويبيض الله وجهك جهد مشكور |
||
![]() |
![]() |
رقم المشاركة : 3 | ||
|
عليك بالتقوى تـرى العـز يادبـاس**** في طاعة اللـي مـا ينجيـك غيـره |
||
![]() |
![]() |
رقم المشاركة : 4 | ||
|
قصة رائعة من موروثنا الذي نفتخر به ومن دلائل القصيدة ان دبا س في عمان والله اعلم |
||
![]() |
![]() |
رقم المشاركة : 5 | ||
|
والشواهد يالسؤل |
||
![]() |
![]() |
رقم المشاركة : 6 | ||
|
أبو عبدالله |
||
![]() |
![]() |
رقم المشاركة : 7 | ||
|
قصيده خالده الى ان يشاء الله |
||
![]() |
![]() |
رقم المشاركة : 8 | ||
|
يعطيك العافية |
||
![]() |
![]() |
رقم المشاركة : 9 | ||
|
القصه رااااائعه معك يابو عبدالله جعلك تسلم |
||
![]() |
![]() |
رقم المشاركة : 10 | ||
|
قصيده و قصه قمه فى التشويق و الإبداع
لإختيار غايه فى الذوق و الروعه دمت و سلمت و غنمت |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|