{ وين احلا فيك }>> قصيدة في رهجاء السكر :)

[مبروك بن ماضي]

أحبتي : السلام عليكم ورحمة الله وبركاته
السكر داء العصر وصل عندي بالامس 406 شفاني الله ولا أبتلاكم وحيث ان الموقف يتطلب شي من الفكاهة والراحه النفسية جاءت هذة القصيدة شبه الفكاهية والتي أتمنى ان تحوز على اعجابكم ولاتسوني من دعاءكم 00
وتقبلوا تحياتي ومحبتي

	( ويـــن الــحــلا فــيــك )!!! ******************** إليا متى وانـت يالسكـر معيـي تـروح من جيتني صار لك أكثرمن اربـع سنيـن *** كنت أحسبك حلو مثل أسمك وطبعك سموح واثريك غادر وماترحـم ومذهبـك شيـن *** وين الحلا فيك وانت اللي معاك الجـروح يبطي شفاها وتسبـب فـي (الغرغريـن) *** وين الحلا فيك واخطـارك كثيـره تلـوح وتسبب الضغط والجلطـه واذى الكليتيـن *** وين الحلا فيك0حل عنـي وفـارق وروح عز الله انك على صحتـي مانتـه بأميـن *** قلي تسببت فـي إتـلاف كـم ألـف روح كم آدمي مـن سبايـب قسٍوتـك ميتيـن *** مفروض أسميك( بالعلقم) وافضفض وابوح واهجوك دايم ولا.أفتـكّ مِنّـك إليييـن00 *** 00انك تعيد إنتشارك وتعلن ابكل وضـوح مغادرة جسمي اللي كـان قبلـك سميـن *** كُبرت عليّه ثيابي / وصار ريحـي يفـوح بخلطات الاعشاب والحلبـه وبالانسوليـن *** كل من وصف لي علاجٍ اعتبرته نصـوح والله وحده هـو الشافـي وهـو المعيـن *** والحمـد لله بالايمـان يبقـى الطـمـوح حاضر وتتجـدد الآمـال فـي كـل حيـن *** والآدمـي بالأمـل يقـدر يشيّـد صـروح شريطة ألا يظل في سجـن يأسـه رهيـن ************** أخـوكـم ومحبـكـم / بــن مـاضـي

[الريم]

سلامتك الف سلامه شاعرنا القدير/مبروك بن ماضي

ما تشوف شر وربي يشفييك ويعطيك العافيه وجميع مرضى المسلميين

وصح لسااانك على القصيده الحلووه

[الغريب]

ماتشوف شر

الله يحفظنا ويحفظ المسلمين من داء العصر

مبروك بن ماضي اسأل الله ان يمن عليك بالشفاء العاجل

وصح لسانك

بعدين يخوي خفف من المفاطيح وامش

لاباس

[الشريف الشرّقي]

السكر ياسكر مرض بسيط وخطير في نفس الوقت .. فيه واحد من الربع اكتشفت مؤخرا انه مصاب بالسكر رغم اني اعرفه من سنين وقلت له : لك معانا سنين ما لاحظنا عليك شي ‍؟ قال - الله يعافيه - : أنا ماعمري خفت من السكر ولافكرت فيه .. حمية على شوي رياضة والأمور ماشيه
صح لسانك أخي الكريم .. وأسأل الله العظيم رب العرش العظيم ان يشفيك ويشفي مرضانا ومرضى المسلمين .

[سناعيس]

مبروك بن ماضي

صح لسانك
قصيدة في هجاء ألد الخصوم للشعب السعودي
الا وهو داء السكري شفاك الله واخواننا الملسلمين منه

تحياتي

[ابو زياد]

اخوي مبروك ماتشوف شر ان شاء الله
تكفير واجر ومثوبه
صح لسانك على هذا البوح المؤثر
ما ترى باس يالغالي

[نجم الإبداع]

مبروك

سلامتك

وتمنياتي بالشفاء لكل مصاب بهذا الدعاء

وصح لسانك وعلا شانك



تحياتي واحترامي

الغالي اخي مبروك بن ماضي

لا بأس عليك .... منّ الله عليك بالشفاء والصحة الدائمة

ورزقك الاجر والمثوبه


صح قلبك وفكرك

قصيدة رائعه ...


اعجابي بلا حدود


وتقبل احترامي وتقديري

[ضاامية الود]

المشاركة الأصلية كتبت بواسطة مبروك بن ماضي

أحبتي : السلام عليكم ورحمة الله وبركاته
السكر داء العصر وصل عندي بالامس 406 شفاني الله ولا أبتلاكم وحيث ان الموقف يتطلب شي من الفكاهة والراحه النفسية جاءت هذة القصيدة شبه الفكاهية والتي أتمنى ان تحوز على اعجابكم ولاتسوني من دعاءكم 00
وتقبلوا تحياتي ومحبتي

مبروك بن ماضي

اااااااااالله عليك يا شاعرنا

لاتعقيب على حروف شاعر مثلك


صح لسانك وقلبك وحروف قلمك


تقبل مني خالص التقدير والحترام

[منيع]

لاالف لاباس عليك شاعرنا الكبير/ مبروك بن ماضي
لا والطب مالقى له الا اسم(( السكري)) يعني حلو
وهو مثل ماقلت علقم مفروض يسمونه(( العلقمي))