لــطيــــف الـــروح

[عادل بوبدر]

بسم الله أبدأ

يا لطيف الروح ما عاد نقبل منك شي=ما بقى عندي إستطاعة صدودك يا لطيف
بعد ما قضّـيت صيفك على شاطي و مي=وش بقى لي من هوى الوصل في فصل الخريف؟
تدري إني مغرم ٍ فيك والقلب الشجي=ما يدوّر لك بدايل ولا يبغي وصيف
كيف ترميني وانا اللي معلمك الرمي=من صوابك صخف قلبي ولو ماهو صخيف
لا تـبرّى والله إن منت من دمي بري=في شفاياك المداوى من الحال الكليف
إن حضرت يزين يومي و يفرح بي غدي=تخضر الساعات خضرة بساتين المصيف
أرتوي وأضمى و أعـوّد وأقول أبرتوي=من منابع حبك العذب يالحب العفيف
ولو تغيب ايام جدول حياتي ينتهي=ينحف الحال المشـقّى وأنا خلقه نحيف
أدري إني اللي عطيتك على ما تشتهي=أنجبرت بمايس العود و الدم الخفيف
وأدري إنك في العذارى تبيع و تشتري=لين خليت العواذل تضيف و تستضيف
وأدري إنك في الرعابيب لك طبع ٍ شقي=كل يوم ٍ لك مراسم ولك طبع ٍ و كيف
و أدري إن ما خلق مثلك شبيه ولا سمي=أول الترتيب من دون حلف ولا حليف
و أدري إنك في وصالي معك قلب ٍ جري=ما يهمه ريبة الناس و الوضع المخيف
وأدري إن حبك تغلغل وسط مجرى دمي=في تفاصيلي غدا لك معي صوره و طيف
سجّـل إعجاب الحبيب المـودّ المهتوي=وآلفك واصبح على حسب مطلوبك وليف

قلم عادل بوبدر

[منيع]

مبدع ورائع ومميز
شكرا لك
تحياتي

[عبدالله السويلم]

عادل

ابوبدر




صح لسااااااانك ملايين
جزاله وابدااااع بدون مجامله


معنى ومبنى واحساس


تحياتي لك
وبنتظار جديدك

[الطائر المهاجر]

للجزالة رونق خاص
ابداع × ابداع
صح لسانك وقلبك
ولاهان راسك
تحياتي

[الطامي]

عادل
صح السانك ملايين
ابداع لافض فوك
شكرا لك

[حرف وشعر]

نص غارق فى الجمال

بدر تقبل اعجابى

[هترل]

عادل
صح لسانك مدد بلا عدد
نص جميل بجمال حضورك لاهنت
تحياتي وتقديري

[محمدالحارثي]

قرأتها وأستمتعت بها كثيراً .. ابداع بلا حدود ..
صح كلك .. وصح لسانك مليون تقديري ..

[عبدالإله]

صح فكرك

صح بيانك

ودام حرفك ..

و صح السانك

[نجم الإبداع]

رائعه يابو بدر

صه لسانك ياشاعر

تقديري