الا ياطير ياللي في سما نجد اكسر الجنحان.....توجه لم دار اللي قسا وقته وجافاني.@@

[ابراهيم بن سعد]

السلام عليكم ورحمة الله وبركاته ومساكم الله بالخير جميعا وبارك الله لكم بالعشر الاواخر من رمضان وتقبل الله منا ومنكم صالح الاعمال..

اتمنى ان ينال هذا البوح استحسان ذائقتكم الادبية ولكم خالص الود...

اقاسي لوعة الفرقا من الهجران والحرمان=بلا ذنب(ن) جنيته قرر المحبوب ينساني
قــسا فالحـــــكم لكني اعده لي من الاخوان = معه عذره ولكني اباابقى دايم اعـــــــاني
صحيح ان الموادع صعب خص ان كان للخلان=تكسّر عبرتي والدمع يجري فوق الاوجاني
من الصدمة تزلزل كل ضلع(ن) شامخ البنيان=وانا من بعد ماقرر يروح انهد بنياني
انا ماانساه يوم انه سقى بستاني العطشان=ولكن بعده ابتذبل جميع زهور بستاني
وانا ماانساه يوم انه ضحك في ثغره الفتان=يشوقني ليامنه كتب عذبات الالحاني
وانا ماانساه يوم انه يصارحني بسر(ن) كان=وحلفت السر مايظهر ولاينطق به لساني
صحيح انه تركني ماترك حتى لي العنوان=ولكن حبه بقلبي فلا يوزن بميزاني
انا ماكان ودي ذي نهايتها لاعز انسان=ولكن القدر يحكم ونرضى الحكم لو كاني
سقى الله دار محبوبي بهمال(ن) من الامزان=ولو يقسى علي اقبل وانا مانيب زعلاني
الا ياطير ياللي في سما نجد اكسر الجنحان=توجه لم دار اللي قسا وقته وجافاني
وقل له مستحيل انه يجي في خانة النسيان=عسى ربي يوفقه ويحفظه وين ماكاني
انا ودعته الله والولي ربي عظيم الشان=حماه الله من الاخطار وايضا الرب يحماني
ابيع الروح له فدوة ولو يطلب من الاثمان=واقول ارجوك لاترحل كفاني منك ماجاني
عسانا نلتقي في جنة(ن) ينعم بها الولدان=عسى ربي يحقق رغبتي والقى من ابكاني
وهذي قصتي وضحتها لو مالها عنوان=ولكن اللبيب اللي يعرف بدون عنواني

[حي الضمير]

صح لسانك يابراهـيم

قصيده جزلة من راس قرم

[الأموره]

صح لسانك ملايين

سلم بوحك و دام نبصك يالشاعر ،،

الف شكر لك ،،

دمت برعاية الخالق ،،

[الطائر المهاجر]

هلا بك اخي الكريم
لابد من روابط النشر السابقة
واسمك الصريح كاملا .
خاصة وانك ذكرت بأنك تنشر بعدة اسماء
شكرا لحسن تفهمك
مع أطيب تحياتي

[ابومياس]

ابراهيم بن سعد

اهلا وسهلا بك اخي الكريم

وحياك الله

نص راقي وجزل

صح لسانك ودام حرفك

دمت بخير

اعتذر عن تدخلي بتنسيق النص

[الطامي]

ابراهيم بن سعد
لاهنت يالغالي
وصح السانك

[الخنساء]

صحيح ان الموادع صعب خص ان كان للخلان
تكسّر عبرتي والدمع يجري فـوق الاوجانـي
من الصدمة تزلزل كل ضلع(ن) شامخ البنيان
وانا من بعـد ماقـرر يـروح انهـد بنيانـي
انا ماانساه يوم انه سقى بستانـي العطشـان
ولكن بعده ابتذبـل جميـع زهـور بستانـي
وانا ماانساه يوم انه ضحك في ثغـره الفتـان
يشوقنـي ليامنـه كتـب عذبـات الالحانـي
وانا ماانساه يوم انه يصارحني بسر(ن) كـان
وحلفت السر مايظهر ولاينطـق بـه لسانـي


صح لسانك اخي الشاعر ابراهيم
لاهان راسك قصيدة رائعة
سلمت وسلم شعرك
دمت بخير

[ابراهيم عبدالحميد]

إبداع و تألق بين السطور
بكلمات رائعه عزفت على أوتار قلوبنا
و معانى هامت بنا فى لحظات من النشوى و الشجون
سلمت يداك أخى المبدع و دمت لنا

[عبدالرحمن الصباح]

هلابك اخوي وصح السانك وعلا شانك رائعه من شاعر مبدع

[عبدالعزيز العقيدي]

يا سلامي عليك
يا ابو ابو خليل


انا ودعته الله والولي ربـي عظيـم الشـان
حماه الله من الاخطار وايضا الـرب يحمانـي
ابيع الروح له فدوة ولو يطلب مـن الاثمـان
واقول ارجوك لاترحل كفانـي منـك ماجانـي
عسانا نلتقي في جنة(ن) ينعم بهـا الولـدان
عسى ربي يحقق رغبتي والقى مـن ابكانـي
وهذي قصتي وضحتهـا لـو مالهـا عنـوان
ولكن اللبيب اللـي يعـرف بـدون عنوانـي


رائع تقبل مروري
مع اجمل تحياتي لك