إلي زوجتي الغالية

[عبدالمحسن الرحمه]

بسم الله الرحمن الرحيم


( مدخل )

ياصباح الخير في لحظة صباحك
يامساء الخير في لحظة مساك
افردي في جوّي الغالي جناحك
غردي باغصان حبي ياملاك
دامني قربك أحقق لك نجاحك
لو يضيع الوقت من شان فداك
لا لفاك الهم قلبي مستراحك
ماسكن بالقلب ياعمري سواك


( إلي زوجتي الغالية )


رسمت أنا لوحة غلاها بصدري
ألوانها حبي وشوقي كساها
هي لذة أيامي حياتي وعطري
قلبي لها موطن عساني فداها
قربت أنا دلة غلاها لجمري
في ليلة ٍقمرا يزين سماها
دنيت أنا فنجال حبي وتمري
صبيت من دلة غلاها حلاها
ركيت أنا كوعي أفكر بعمري
في حسنها سبحان منهو عطاها
كن المحاني وكر والشوق صقري
أهده ابحال اشتياقي نصاها
أنتجت لك مشهد مميز وحصري
قصة مودتنا بطلها غلاها
ياروعة إحساسه تغناه شعري
كله على شانك يلامس رضاها
يازين لقياها على جال نهري
نجلس وتاخذني سوالف معاها
حبي لها في داخل القلب عذري
حاير وتايه ياهلي في هواها
شبه الوله قرطاس والودّ حبري
أكتب لها جزل المعاني حواها
ناحت لك أشواقي مثل نوح قمري
في موطنك روحي تلاقي دواها
لبيه يا جوّ المحبين يغري
صرت المتيم ما تعدا حماها
مديت لك ياغلا المحبين جسري
من شان قلبي لا دعاها لقاها
واريت ضيقاتك*بعدهم بقبري
من خافقك واقول يقطع مداها
حبه يسامرني بسري وجهري
روحي تعذب أحسن الله عزاها
بانيت له في داخل الجوف قصري
راقي يناسب يا هلي مستواها
ياسرع وقتي مع غلا العمر يجري
حتى الليالي مسرعة في خطاها
بدري عليكم ياهلّ الحسد بدري
زرع الفتن محصولها في رحاها
في قربها دايم بمدّي و جزري
إي والله أسعى دايم*ٍ في رضاها


( مخرج )


رسمت احروفك الاربع بصدري والضلوع إضلال*
قلم إحساسي الدافي وحبي علبة ألواني
لاجاني لوعة أشواقك أصوت لك على الأطلال*
وأقول الله على حبك رعيته داخل أحضاني
أنا في مسرح أحلامك ألبي حلمكم بالحال
فداك الوقت ياعمري فداك القاصي والداني
مدامك يالغلا جنبي يزول الهم والغربال
يشاركني بلقياكم تحياتي وتحناني
فرشت ابساطي في أرضك وزهرك بالهوا ميال
نسايم زهرك الحلوه تعطر داخل أوطاني
*
*

[داعي الشوق]

صح لسانك عبدالمحسن

الله يديم الود و المحبه بينكم

و يخليها لك و يخليك لها

و طاب حالك يالشاعر [

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[شاكـر محمـد]

صح لسانك وجاد منطوقك
طيبه وجزله

معاني ساميه ووفاء من اهله
عسى الله لا يحرمكم من بعض
تقديري

[غازي الفكر]

الله الله الله
صح لسانك ولايسدن
مدخل روعه ومخرج روعه
جمال حسي وكتابي راقي
في قالب فني رائع لايجيده الا المتفنن
ابداع وخالقك ...لايبرح اناملك وفكرك وجمال حروفك
والوفاء جمل كل معانيها هيا كذا عادات المبدعين
لحضورهم نكهه ..ولكلماتهم متعه
تقديري واحترامي

[عبدالله الشويمان]

صح السانك يا اخ عبدالمحسن..

قصيده رائعه.بمدخلها ومخرجها.

والله يديم بينكم الموده.

لا هنت لا هنت

[بنت النور]

كلمات لها معنه رنان
صح لسـآان شآعرهآوإعتلى شـآاان كتبها
أبيآات في قمة الجمآاال
رآااق لي مـآتم طرحهـ بين السطوور
دوم على القووهـ يـآاارب
وودي..:"

[منيع]

شعور جميل وراقي في شريكة الحياة يغفل عنه الكثير
شكرا لك
تحياتي

[بنت النور]

الله يخليها لك ويعطيك العافيه
على الابداع صح بدنك
لاهنت
تحياتي

[ابراهيم غضيان الشراري]

صح الله لسانك والله يعطيك العافية يا عبد المحسن
تحياتي وتقديري