انتقاد

[عيدالماجد]

لاانتقدت الوضع قالولك تدارا= اندمج بالمجتمع عيش الحضاره
عيش عمرك بالهنا افرح وغني= والابكره اتقول ضيعته خساره
العمر ذا كنز ماتقدر تعوضه= فاز اللي كان بالدنيا شعاره
الحياه حلوه على قولة فريد = وعالجروح الماضيات ارخي الستاره
مايفيدك غير نسيان المتاعب= يالله سير انروح للفرحه زياره
قلت لاوالله ذا ماهو بطبعي= وش بلاكم ماتعرفون العباره
صار حلمك ياعربي انك اتهاجر= وكم مبدع للاسف غادر دياره
صرنا اجساد بلا روح ومعنى= نفتقر للطيب ونحب الاثاره
وننتظر باكر عساه يكون افضل= كلما اقبل دجا نبكي نهاره
احنا اهل العلم اصحاب المراجع= احنا اللي ارضنا للعز مناره
احنا اصل الكون والدنيا بااسرها = واحنا احفاد الصناديد الغيارى
شاهده الايام للي طوعوها =علموا حتى الزمن ياخذ قراره
مو صحيح اللي اشوفه ياجماعه= والله اني احترق حسره ومراره
تلعب الاعداء فينا مادرينا =بااغلب النيران سبتها شراره
وش بلانا كل شي فينا تساوى= لين شفنا الوقت عدانا قطاره
مابقى بالكون حد الاسبقنا =واحنا عالانغام نقضيها سهارى
مانشك خيط في ابره صدقوني= الا ومن الغرب تاتينا استشاره
مااعتقد باقي امل اننا انتقدم =واللبيب الحر يفهم من اشاره

مع تحياتي وتمنياتي ان تحوز القصيده على اعجابكم والله الموفق تحياتي

[الطائر المهاجر]

صح لسانك وبيض الله وجهك
على هالجزلة من ضمير يقظ
صار حلمك ياعربي انـك اتهاجـر=وكم مبدع للاسـف غـادر ديـاره
إلا منهو قابلٍ ما كان صاير= مؤمنٍ بالنصر لو طال انتظاره
لاهنت يالغالي
تحياتي الطيبة

[عيدالماجد]

هذا من طيبك اخوي عثمان تسلم على هذا الشعور الطيب يعطيك الف عافيه

[الطائر المهاجر]

انت ذكرتني بعدما خلصت الدكتوراه في امريكا 1982
عرضوا علي الوظيفة في نفس الجامعة ، ورفضت
فعندما يؤمن الإنسان بأهمية تواجده ويحاول ان يفعل
شيئا وحسب ما يتاح له فهذا المطلب الوطني حتى ولو
ضحى بمصلحته الخاصه.

[عيدالماجد]

نعم اخ عثمان يجب ان نتجاوز انفسنا في سبيل مصلحة المجتمع والوطن

[سناعيس]

عيد الماجد

صح لسانك
قصيدة جزله ورائعه

تحياتي

[عيدالماجد]

لك التحيه والتقدير ويعطيك الف عافيه

[يوسف الشقران]

والله مادري شقول


بس صح لسانك وفكرك وقلمك وكلك


صعب اوفيك حقك علي هالابداع

( وعلى فكره ابداع ماقولها لاي واحد )

تقديري لك

[عيدالماجد]

تسلم اخوي ابو عيسى والله انت المبدع بهالكلام الحلو شكرا لك مليون

[نجم الإبداع]

الله الله


صح لسانك ياعيد

نص واقعي وافكار راقيه

لاهنت

تقبل مروري
وودي