حبـر الرسالـه دمـع شـوق وحنيـنـي (صوتية)

[مشبب عبدالله القحطاني]

بسم الله الرحمن الرحيم

رجل يحرم أولاده من رؤية الأم لأنه لايحبها أو لأن بينهم مشاكل أو لأي سبب كان ابتعد الوالدان وضاع الأبناء الأب لايجعل أولاده يزورون أمهم ولايرونها والأم تتمنى رؤيتهم وتتقطع شوقا ً لهم هذه القصيدة هي قصة أحد أصدقائي وغيره الكثير فأبوه لم يسمح له برؤية أمه وعندما كبر أصبح يزور أمه ولكن دون علم أباه

فكتبت هذه الأبيات البسيطة لعل الله ينفع بها وهي من جديدي ولم تنشر من قبل.




وللتحميل أضغط هنا

بسـم الرحيـم أبـدا عسـى الله يعيـنـي = أرسل رساله صوب رجل ٍ فطينـي
برسـل نيابـه عـن قلـوب ٍ حزينـه = حبـر الرسالـه دمـع شـوق وحنيـنـي
فـيـهـا حـكـايـة أمـهــات ٍ كـثـيـره = يامطلقـه أو تحـت سـور ٍ رهيـنـي
محرومـةٍ مـن شوفـة ابـن وبنيـه = رجـل ٍ حرمهـا حضنهـم باليدينـي
سـبـة خـلافـات ٍ وسـبـة مـشـاكـل = ممنوعـة ٍ شـوفـة بـنـات وبنيـنـي
صـارت ترجـى كـل يـوم ٍ تشوفـي = ترجي تشـوف عيالهـا شـوف عينـي
تـروي ظمـاهـم لــو ثـوانـي بسيـطـه = حب وحنان أم ٍ وعطف ٍ وليني
الإبـــن مـشـتـاق ٍ وأمـــه تــــوده = والـبـنـت محـتـاجـه لأم ٍ تـعـيـنـي
الإبـن فـي حزنـه يـبـي حـضـن أمــه = وده يـقــبــل راســهـــا والـجـبـيـنــي
والـبـنـت مشـتـاقـه لأم ٍ حـنـونــه = أسـرارهــا عـنــد أمــهــا تستـبـيـنـي
حاجـة عيـال ٍ لأمهـم مثـل حـاجـة = عطشـان للمـا فـي نـهـار ٍ يبيـنـي
أو حاجة أرض ٍ يابسـه للمزونـي = غيـث ٍ مـن الله دايـم بـكـل حيـنـي
يابـو العيـال انصـف ولاتكـون ظـالـم = الظـلـم تحريـمـه بـشـرع ٍ وديـنـي
لمـلـم شملـهـم بـيــن فـتــره وفـتــره = خــل الـخـواطـر صـافـيـه ماتشـيـنـي
عـط كـل واحـد منـهـم الـحـق وافــي = تكسب رضـا طـول العمـر والسنينـي
هـذي رسالـه عـن قلـوب ٍ حزينـه = حبـر الرسالـه دمـع شـوق وحنيـنـي

كلمات أخوكم مشبب بن عبدالله القحطاني أسير الصمت


من لديه أي ملاحظة على القصيدة أو رأي أتمنى منه إبداءه أو مراسلتي على الخاص فأي إنتقاد يهمني جدا ً لأني أسعى لنشرها إن يسر الله في شريط فأتمنى أن لاتبخلوا علي بملاحظاتكم ولكم جزيل الشكر.

[سلطان العطاوي]

صح لسانك

أبيات راقيه كرقي حضورك
لا هنت

[سناعيس]

الاخ الفاضل مشبب القحطاني
صح لسانك ولله درك
هنا تكمن الرساله
وهنا قرأنا المضمون
ولا استطيع الا أن اقول
بيض الله وجهك

تحياتي

[عذب القوافي]

الجزل / مشبب عبدالله القحطاني

صح لسانك

قصيدة تعالج مشكلة قائمة في مجتمعنا

صحيت كلك يالغالي

ونتطلع لقصائد أخرى

تقديري ,,,,,,,,,,

[رفيعة الشان]

شاعرنا الأخ القحطاني
الله يواجرك فيما ذهبت اليه
قصيدة اجتماعية جميلةووافيه
فصح الله لسااانك مليوون مليوون

ولاااهنت

[داعي الشوق]

صح لسانك يالشاعر مشبب

و جزاك الله كل خير على ما قدمت

الشعر رسالة سامية

و أثبت ذلك

لاهنت و صح لسانك

مع التحية لك

،،،،،،،،،،،،

[عالي مستواها]

الشاعر / مشبب القحطاني


11111111111111111111لله عليك


روعه روووووووووووووووعه


صح لسا1111111111111111نك مليون ولا يكفون


حركت جروح وآلآم لا تندمل بهذه القصيده


يعطيك 1000العافيه


الله لا يحرمنا نزف قلمك الرائع


لك ودي ...ووردي

[حي الضمير]

قصيده رائعه ذات مضمون جميل
تلامس شغاف قلوب البعض من الاخوات المطلقات
وابدعت يالقحطاني ومدد صح لسااااااانك

[عبدالعزيز العمار]

الشاعر مشبب القحطاني /

صح لسانك وجاد بيانك ..

كتبت فأبدعت وأمتعت ..

تحياتي وتقديري ...

[عبدالله راشد الثويني]

صح لسانك يالغالي
وافيه من شاعر جزل وصوت رائع
تسلم يمناك والله لا يهينك
طامعين بجديدك