من اجمل ماقرأت وسمعت ؟؟؟؟ تابعوها

[الطامي]

يطول الطريق وحزن فرقا الوليف يطول=اضيع أدروب الخلق واقف على دربـه
أحبه وحبه غير والحـول يتبـع حـول=ولاحال محتال العـذل فـي سمـا حبـه
تمكن مكانه ماكنِ صدق عرض وطـول=ولاطال قلبي غيـر شخصـه ولاطبـه
غلاه يتخالف في الحنايـا وسبـب دول=يناشب اعروق القلب ويفكـك النشبـه
الا اقبل يعم الصمت وابلش وانا مذهول=وانـا قبـل عرفـه لااتلعثـم ولااسبّـه
الا اقبل عسفت القول لكن ياويش أقول=اودع كلامي شرق وارحل مـع غربـه
أعزّم على الترحيب لاأقبل زريف الطول=واذا لد بعيون الوحش ضاعت الحسبـه
دقيـق المعنـق لامتيـنِ ولا مسلـول=مضمّر خصر باالمختصر طلتـه نكبـه
اذا طب وسط المول يجمع شتات المول=ولايلتفـت ومقـرّد الخلـق تبلشـبـه
ركادة عقل ماهو برجـه ولا مسطـول=يقفي ضعيف النفس يعجز على كسبـه
ستيرِ ولا له صوت يحفظ مقام زحـول=مع كل مؤقـف يرتفـع باالغـلا رتبـه
أغيّب معه لااقفى ويرحل مع المجهـول=يلوح بيمنى الشوق واستقبـل الغربـه
الا اقفى يصول الحزن في خافقي ويجول=مثل حزن من حظه قعد له علـى ركبـه
أعزم على التسيار واركد وانا المسؤول=لو انها على قلبي ماوقفـت مـن نبـه
أسوج القدم وادوج واجلس وانا مشغول=وأوقّف واهوجس واتوجد علـى قربـه
حدتني سلوم القوم والديـن والمعقـول=وقوي العزوم يرده الخوف مـن ربـه

الشاعر / علي ال جميله المري

[حوريه]

شاعرنا الراقي والغالي... الطامي

صح لسانك ولسان شاعرها علي

لانملك أمام هذا النص الشعري الجزل

غير الاعراب عن مشاعر الاعجاب المتجدد بماتنقله يمينك

أدامك الله بهذة الشاعرية الفذه ودمت بخير حال

حـــوريـــه

[الطامي]

حوريه
صح بدنك اختي
ولي الشرف بمروك لاهنتي
وكلك ذوق على التعليق الأجمل

[ياسر عبدالرحمن الخالدي]

ذائقة ثمينة


يسلم راسك يالطامي وصح لسان شاعرها

[الطامي]

اخو شما
صح بدنك اخي
وشكرا لك علىى المرور والتعليق الطيب
لاهنت عيني

[صعبة المنال]

نقل متميز
صعووب

[الطامي]

صعووب
شكرا لمرورك
لاهنتي

[داعي الشوق]

نقل جميل

و القصيدة جميلة كذلك

يعطيك العافية

مع التحية لك

،،،،،،،،،،،،،،،،،،،

[الطامي]

داعي
شكرا لمرروك
لاهنت

[عالي مستواها]

صح صح لسانه ،،

قصديه رائع شامخه بما حوته ،،،

نقل رائع ،،

يعطيك العافيه ،،