ياحمود لاتقرب هدير الموج

[فواز الغسلان]

ياحـمـود لاتـقـرب هـديـر الـموج=جاشي طفح مـثــل الـبحـر لاهـاج
وامسى يـبوج ارض الـقـوافي بوج=يـدخـل ولا يـنـشـد عـن المخـراج
اسـرع مـن الـلـي بالهـدد مزعوج=ويـنـثــر ثـنــادي صـيـدتـه لا راج
كـفـه الـيـا ســاج الحـبـاري سـوج=مثل اللـهـيــب بـقــاذف الـمـيـراج
ويـنـبـع مع هموم الزمـن مـمـزوج=والـيـا طـفـح يصـبـح مـثـل هـداج
والا كـثـر ياجــوج مــع مـاجــوج=ونـربــط رعـايـاهــا بحـبـر الزاج
كـنـه بـجــدران الحـشـى مـنـسوج=من فـضـل رب الـطـور والمعراج
للـقـاف بـريـاض الـقـصيـد بـروج=كـسـيـتـهـا مـن نـقــوة الــديـبــاج
واليا وقـف بعـض العرب محروج=وباب الـقــوافـي ركــب الـمــزلاج
مـاادوج بسـروح الـعـرب مـاادوج=ولـي مـنـهـجـي والـنـاس له منهاج
اقـلـب لـواهـيـب الحــروف ثـلـوج=واوضـي ديـاجـيـر الـمـثـل بسراج
وارسل مـن جـيـوش الـقـوافي فـوج=يـقــدر يـسـدد حــاجــة الـمحـتـاج
وافـتـح مـن المـخـزن ثـلاث دروج=وانـثـر مـن اصناف القصيد ازواج
وان كان حـرف الـقـافـيـه مطعـوج=نطـرق صـفـايـح حـرفـهـا المنعاج
فـيـهـا خـتـوم الـصـنـع والمـنـتـوج=وتـسـري مـع الـعالـم بدون ازعاج
مع مـنـهـج الـقـاضي وابن هجهوج=ولــذة قـصـيـد عـبـيـد والـمـجـمـاج
وان صـغـتـها في مـبـسـم العـمهوج=هـمــس اللـيــال وبـدرهــا الــوهـاج
حــمــرٍ شـفــايـفــهــا بـلــيـــا روج=وخــده غــدى يوضـي بـلا مـكـيــاج
فـيـهـا حـلـى مـبـســم ولـيـن هـروج=عـنـقــاء هــنــوفٍ جــادلٍ مــغـنـاج
الـرمـش مـن كـحـل الـحــلا مدعوج=يـرمــي صـواريـم الـعــرب بـسـهاج
اللـي رمــت حـالــي بـدرب الـعــوج=وشـبــت عـلــى كبدي لهـيـب الصاج
قــالــوا ديـار اهــل الـغــرام مــروج=تـحــت الــوســوم وبـرقــهــا لـعــاج
تـمـلا مـن اوقــات الـغـــرام خــروج=كـنـك عـلــى شـاطـي بـحـر قـرطـاج
وقـطـعـت فـي شـمـس المـقـيـظ فجوج=بـيــن الـغــبــون ولـسـعــة الـكــربـاج

[داعي الشوق]

يالشاعر الرائع فواز الغسلان

و صح لسانك حتى ترضى



قصيدة قمة في الروعة و الجمال

كما أنت دائماً

سلمت ويسلم بنانك يالقرم

و صح لسانك مع التقدير

دمت بخير

و صحة وسلامه

[الطامي]

الغسلان
صح السانك ملايين
جزلة من جزل
لاهنت

[نفحات حساسة]

صح السانك فواز
واعتلى شانك ..ولاهنت اخوى
قصيده رائعه بما تحويها من معانى
سلمت ودام حرفك..
تحياتى لك وتقديرى..

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[الـزلـزال]

فواز الغسلان
قصيده رائعه ومميزه
ولا جديد سوى الأبداع الذي يتلوه أبداع
أسعدني تواجدي بين حروفك شاعرنا
صح لسانك ملايين ملايين
ولك فائق تحياتي وتقديري

[مبروك بن ماضي]

الاخ الفاضل الشاعر / فواز الغسلان
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[احمد الكثيري]

صح لسانك ملاايين على هذا الروعه والجمال
لك تقديري

[حي الضمير]

صح لسانك وعلا شانك يافواز
شاعر كبير ونجم
وقصيده رائعه وابدعت يامميز
أجزل التحايا والاحترام

[حوريه]

شاعرنا فواز
بوح في قمة الروعه والجمال
من شاعر لا ياتينا إلا بكل مميز وعذب
صح لسانك لايييييييين ودام حرفك

.