مختارات زيد بن غيام

[الطائر المهاجر]

زيد بن غيام الجبلي ولد حوالي سنة 1305هـ وتوفي سنة 1367هـ على وجه التقريب من شعراء النبط المميزين الذين عاشوا حياة البادية وعايشوها وتعلقوا بها فأصبحت تدخل في تكوينهم الفكري فانعكست معايشتهم تلك على أشعارهم وأخيرا أراد انه يترك البداوة وينزل مع جماعته بالأرطاوية ويحضر مجالس الذكر ويقرأ القرآن مع من يقرأ ذلك الوقت على الشيخ العنقري التميمي لكن في سنة من السنين شاهد شديد البادية ورحيلهم واشتاق للبادية وممشاً مع الربيع والصيد المتوفر ذاك الوقت ولم يستطيع العيش بها فقد أخذه الحنين للصحراء وعاد لها فلم يرتح لسكن القرى ، وقدكان زيد بن غيام التميمي بالكويت وهناك صاحب دكان على الطريق المؤدي الى سوق البيع والشراء اسمه أحمد النجدي ويضع رجال البادية أغراضهم عنده ومن خلص من السوق قال وعدكم دكان أحمد النجدي الرجال والنساء وزيد بن غيام يسأل صاحب الدكان أحمد النجدي بأبيات.. قال:

يا أحمد مقطفت الزماليق ما جوك=ما شفت ما عنيت هو ما أحد جاك
ما شفت من قرنه به المسك مدلوك=زول الى منك تمقلته أحياك
لاجتك تمشي كن بأقدامها شوك=تاطا مثاني ثوبها يوم تنصاك
فالى اسفهلة واستمالتك بضحوك=فقرب حفافيرك أو وص بضحاياك

عندما زار أحد هجر البادية قال له واحد عسى ديرتنا جازت لك يا زويد قال:

عسى ديرتك تخطي من الوسم يا حجي = يجيها الجراد وجعل تخرث محاصيله
أيا فاطري من صوب غض النهد هجي = هجيج القطا اللي جافل من مقاييله
أنا لو بغيت أسلى هوى القلب وأسجي = وطيت المراح وذكرتني مداهيله

ملاحظة هامة
تبين ان هناك شاهر معاصر بنفس الإسم ، وقد يكون نتج عن ذلك وضع قصائد للشاعر المعاصر ضمن هذا الموضوع عن زيد بن غيام الجبلي المتوفي ، فمن لديه معرفة بما لكل منهما ، ارجو التوضيح

[الطائر المهاجر]

كان ابن سويط يعز الجبلان معزة خاصه ويحترم اي رجل من رجالها

مع ان علوى لامنها غزت على الظفير اول مايصبح الظفير هم الجبلان

وفي مرة من المرات كان جبلي نازل عند ابن سويط واتته مجموعه

من المطران واخذوا من نياق الظفير فشك ابن سويط بالجبلي الي عنده

بانه هو من اخبر عن مكان النياق للمطران فاخذ يلمح للجبلي

بانه ينوي غزوا مطير واسترداد حلاله فرجع الجبلي الى الصمان

وعندما سمع الشاعر زيد بن غيام من الاعنه عن نية ابن سويط غزو مطير

ارسل بقصيدة لابن سويط يقول فيها :

ياراكب مني الى جيت حمدان =سلم لابن ملوح ذرب اليميني
تسانه بغانا عند خبرا دغيمان = ؤقله ترانا دايم الطارفيني
اما درع في نزل هايف وجفران= ولا خطير في حدا النزلتيني
اما خذيت البوش والكيف لك زان= ولا عن الصابور ترجع يميني
يافاطري يوم البدو قوم لبدان = ترا الحيا قدام مير اتبعيني
اما نزلنا فيك في جو عرفان= ولا نزلنا بك حدا الكمعتيني
امنول كنا صداقه وجيران = وخرب صداقتنا علينا (حصيني )

فغزا ابن سويط على خبرا دغيمان وقتل اثنين من الخرابطه من الاعنه من الجبلان

وقتل فرس زيد ابن غيام واخذ نياق ابن غيام فسمع صوت اطلاق النار

الفارس محمد ابو شيبه من الاعنه والفارس غنيم بن شبلان من اليحيا

وقالوا اكيد صاير غزوا علينا وعندما ذهبوا لمصدر الصوت وجدوا

زيد ابن غيام عند فرسه المقتوله وقالهم السالفه

فلحق محمد ابو شيبه وغنيم ابن شبلان وجماعة اليحيا ابن سويط

وردوا نياق ابن غيام

وسالفة البيتين الأخيرين ان الشاعر زيد ابن غيام كان ناوي يشد من مكانه

واشار على جماعته الي وياه يشدون معه الى انهم رفضوا ذالك

حمود ابن غيام كان هو ودهام بن غيام عند نياقهم ولا عندهم احد

فاتى جيش من شمر غازي عليهم فهرب حمود بن غيام نظرا لكثرة الجيش

وهو ماعنده احد الى دهام وكان دهام صغيرا في العمر وشمر سوف يقتلونه

وعندما راى دهام عمه حمود هرب مسك حوار ناقة عمه حمود ؤهو يقعد ينخا عمه

يقول عمي يا عمي عامي ياراعي ذروه فرجع حمود بن غيام لنياقه

ودخل وسط النياق وقعد يرمي جيش شمر لين فك نياقه من جيش شمر

ويقال ان حصيني هو احد الجبلان الذين سببو هذه المعركة

[الطائر المهاجر]

الايا وجودي وجد من لحقه =واهل الدين الأول كل طلابته لوّه
حدر له على هرشٍ عليل وفيه افروق=حدريم دار ما بها عرف اوسموه
قضيت الغرض ما عاد لي لازمٍ بالسوق =تبين شديد البدو والماخلي جوه
ونطحني غزال ضامر وعاتقه منتوق =تبلش بقلبي واطلبه منه تمروه
الايا حلي مدرهمٍ بأول المسيوق =خزيزة عقيد وخضبوها من الفوه
لعل العجايز صايختهن تجي من فوق = تبريت منها ميرلزمتني الخوّه

[الطائر المهاجر]

علوى منوّل اهل خيل يعنوني =واليوم صاروا بشق طويق بقاره
اللي يشيل الخشب واللي يحفروني =واللي على منكبه يشيل محفاره
وجدي على صاحبي عن ماقع الهوني =عن ماقع ما يجي به بس مع فاره
اللي الى أوحا الموذن قيل مجنوني = والجار ما حللوا مشيه على جاره
حلفت ما أجوز من دونه ومن دوني = يكود قصر الحساء ينزل على واره
واهل عنيزه على البصره يحلوني = والمجمعة تنتزح للسيف حدّاره

[الطائر المهاجر]

يـا الله يـا والــي الأمــر = يا مودع النفس عشاقه
سهـل صخـيـف العـمـر = اللي حديثه لنـا شفاقـه
ذبحنـي صخيـف العمـر = وانـا بعـد حالـي رقـاقـه
لها ريق احلى من التمر = اللي غموسه لبن ناقـه

[الطائر المهاجر]

سقوى سقاك من أول الوسم يا بير= يزي من الطيه الى حد مظماك
يزيك لو عنك اتقن المضاهير=اللي شرب هاف المعاليق من ماك
عديت راس اللي عنز راسه الطير=متمركي وأشوف ذولا وذولاك

[الطائر المهاجر]

حصل خلاف بين الشاعر زيد بن غيام الجبلي وزوجتة وعلى اثر ذالك تم الطلاق

بينهما وتزوجت من احد جماعتة ولما علم ابن غيام بذلك قال هذة القصيدة

وحينما سمعتها خرجت من بيت زوجها وحلفت ان لاتعود الية بعد قصيدة زيد

وتحقق لها ماارادت فطلقت وتزوجت من زيد ولم يفرقهما الا الموت

حداني عليها الغيظ والغيظ حد هلال =تطاما البحور وراح عن ديرتة جالي
الا ياغزيزة واحد مسبق خيـــال =والا ياقليلة جنس في عصرنا التالي
انشهد شهادة حق مايجرح الرجـال =ياكود كلمة تاتية من صاحب غـالي

[الطائر المهاجر]

يافاطري يوم البدو قوم لبدان=انا بشيرك بالفرح واتبعيني
امانسندبك على جو عرفان=والا نتحدربك على الكمعتيني
من عقب ما حنا من العام ظفران=خرب صداقتنا علينا حصيني
امنولا حنا نتعزز بحمدان=واثره على الغره عدوا بطيني
يا طارشا مني ليا جيت حمدان=ليا جيت ابن ملوح ذرب اليميني
كانه تمنى حرب علوي بالاكوان=يافي ولد ملوح ذرب السميني
ينصى السبوق ويلقى ابي القد مليان=ولازم تشوفه العين شوف رزيني
في ماقع مابه طوارف وفرقان=الا الظبى والا خوات القريني
اما درع في نزل هايف وجفران=والا خطيرن باحدى النزلتيني
اما على الفيصل مشيبة الاذهان=والا المحمد ميتمين الجنيني
وليا بغا نا يم خبراء دغيمان=قله ترانا دايم الطارفيني
اما خذا القطعان والكيف اله زان=والا عن الصابور يرجع يميني

[الطائر المهاجر]

يامل قلب عذبه كثر الأنواع=يبي الطمع مير الطمع يخلف الطوع
والله يالولا زرفلة شقح الأقطاع=وآقول اباخذ لي مع البدو قرطوع
لاصير في قصر لاروع ولاارتاع=لاهالك ظامي ولاميت جوع
مار البلا وان طاح بالصلب رماع=وشدوا له الجبلان مع بينة الشوع
تلقى لهم من عند ابا القد مرماع=ماعبروا في عرفج الشق مقطوع
حزم غدا لقليقلانه تمرياع=والرمث ينبت في مذاريه طالوع
في مربع وان جاه راع الغنم ضاع=تلقى الجوازي خنس فيه ورتوع
وأحب هد الطير والطرش منداع=شرق من المجذم شمال من الكوع
الى حصل صفق الحباري مع القاع=والله ماغبط اللي يصوع الذهب صوع

[الطائر المهاجر]

توما شافت غزير الزين عينـي=طارت الغدفه وشفت اللي تحتها
الجدايل فوق متنـه سبحتينـي=يا صباح الخير ياشوف طخمتها
بس عذروب الحبيب شارتينـي=مع سواد عيونها طول رقبتهـا
لعنبوك اخذي ذلولي وارحميني=عندكم تخلف و لا عند ورثتهـا
يا علي ما شفت حالي يا ضنيني=من هنوف شايت القلب شلعتهـا
ليتني ما شفت وضاح الجبينـي=يعلم الله يا علي حالـي خذتهـا
عين ريـم ذيروهـا مسلحيـني=قادت الغزلان و الريـم تبعتهـا
شافت القناص يدرق بالبطيـني=سمعت البارود بالخايع رمتهـا
شبه حمرا ربعـت بالقريتيـني=سلفت قدم المظاهيـر و تلتهـا