يسعد صباحك

[سمّار]

يسعد صباحك ..وش هو الصبح لولاك=اصلاً ولا به صبح لولاك ياشمس
انتي صباح الخير..ياضئ الافلاك=انتي صباح الورد..يالعطر يالهمس
اقراك حرف اقراك..وآقول ما احلاك=وارسمك رسمه في خيالي لها رمس
لو قلت لك شفتك من ارجلك لاعلاك=اصلاً تصدق؟ قد تشرّفت بك لمس
وقابلتك انت..وشفت لهفتك تملاك=وسلّمت كلّك شوق بحْواسّك الخمس
وانا ارتميت بوجد في حضن نجلاك=حتى ارتشفتك وارتويتك ظمأ عمس
يا سيدي ما اغلاك ما اغلاك ما اغلاك=لولا صباحك صار هاليوم من امس
صدقني اشتاقك ولا عادني اسلاك=وآحمس قلبي من مفارقك..وآحمس

[داعي الشوق]

واحمس ...

مسكين يا بوهاشم

و صح لساااانك يالشاعر

و مافيك حيله يا مبدع

ولاهنت

[منيع]

مبدع وجميل
دام حرفك وهمسك
تحياتي

[فارس القوافي]

وآحمس

محمد غنيٌُّ مسّلف غاني

الله الله يابو هاشم

صح لسانك ولاهنت

يعطيك العافية

دمت بخير

[الخنساء]

صح لسانك مليوووووووون ولايكفووووون

قصيدة جزلة من شاعر متمكن

سلمت ودام حرفك

[كظيم]

الله الله الله

صح لسـانك يالسمـّار
قصيده جزلـه ووافيــه
ابدعت في تصويرهـا وحبكهـا
لله درك يابعــدي
تقبلني وتقبل اعجابي ومروري المتواضع لاهنت
ودي وتقديري

[سعيد عوده الحويطي]

صح لسانك ابن هاشم. رائعة جدا الصور الشعريه الجميله التي جعلتها كلها صباح مشرق يدعو الى التفاؤل تقبل تحياتي واحترامي. *

[عمر ال شيبي]

صح لسانك لا هنت
الله يعينك ويجيب لك ما تمنا

[حنان الكون]

جزله من شاعر جزل ومتمكن
تقبل تحياتي
ومروري
المتواضع

[عبدالمحسن الرحمه]

المشاركة الأصلية كتبت بواسطة سمّار

يسعد صباحك ..وش هو الصبح لولاك=اصلاً ولا به صبح لولاك ياشمس
انتي صباح الخير..ياضئ الافلاك=انتي صباح الورد..يالعطر يالهمس
اقراك حرف اقراك..وآقول ما احلاك=وارسمك رسمه في خيالي لها رمس
لو قلت لك شفتك من ارجلك لاعلاك=اصلاً تصدق؟ قد تشرّفت بك لمس
وقابلتك انت..وشفت لهفتك تملاك=وسلّمت كلّك شوق بحْواسّك الخمس
وانا ارتميت بوجد في حضن نجلاك=حتى ارتشفتك وارتويتك ظمأ عمس
يا سيدي ما اغلاك ما اغلاك ما اغلاك=لولا صباحك صار هاليوم من امس
صدقني اشتاقك ولا عادني اسلاك=وآحمس قلبي من مفارقك..وآحمس

ياسلام عليك أبدعتراقت لي كثيرا بارك الله فيك وافي قلمك