هنيك بمهنتك يازين الاوصافي

[سعيد عوده الحويطي]

اقدم لكم هذه القصيدة التي تعبر عن نفسها وارجو ان تحوز على رضاكم .

سلام ياللي رعيتها تباريها=هنيك بمهنتك يازين الاوصافي
احسد رعيتك على مثلك واهنيها=انا اشهد ان وقفتك في جنبها كافي
تتبع لصوتك وقولة حي تكفيها=لانها وفيه معك وانته لها وافي
ذكرتني في سنين كنت ناسيها=دقت هجوس الخفوق وبيح الخافي
ذكرتني بالبداوه يوم انا فيها=الارض تحتي فراش والسما لحافي
وذكرتني بيوت في الصحرى مبانيها=من الشعر صنعها بهدوم ورفافي
وذكرتني يوم بالوقده ندفيها=وابوابها مشرعه للي يجي لافي
فخر البداوه ونعشقها ونغليها=هي الذرى والدفى مشتى ومصيافي
وذكرتني بالغنم يوم كنت راعيها=ارفع لها الصوت وهي قدمي وبخلافي
اسرح بها الصبح والمغرب اضويها=اتبع بها العشب بين الروض ودفافي
اتبع هواها وللقفره اوديها=اركض وراها سعيدا والقدم حافي
وهمومنا يوم نبعدها وندنيها=في يومنا اللي نعيشه والله الكافي
حتى لوازم عربنا يوم نقضيها=بالكاش ماهي على فيزه وصرافي
واليوم دنيا كفانا الله بلاويها=كل يوم تعرض لنا من همها اصنافي
وايامنا اللي مضت ياحلو ماضيها=ذكرى جميله تمر احلام واطيافي

[منيع]

مبدع وجميل والحنين للماضي وتذكرة من صفات الاوفياء
شكرا لك
تحياتي

[الطائر المهاجر]

والــــيـــــوم دنـــــيـــــا كـــفـــانــــا الله بـــلاويـــهــــا= يوم تعرض لنا مـن همهـا اصنافـي

ماعاد ندري بناتجها وتاليها = بحرٍ يخبي لنا حيتان واصدافي
وحنا به اسماك محدٍ صار يحميها= ياكل بها القرش عن قصد وسرافي

صح لسانك مليار ولا تكفي
لاهنت
تحياتي

[سعيد عوده الحويطي]

الله الله يادكتور والله ماقلته كان على بالي ولكن خشت التطويل ولكن انت صغتها بطريقه افضل تحياتي واحترامي لشخصكم الكريم

[عبدالله السويلم]

الله الله

صح لسانك ملايين

جزله ووافيه

ابدعت وامتعت لافض فوك

تحياتي لك

[الراقي]

صح السانك مداد
كتبت فأبدعت
دمت بود ياجزل

[داعي الشوق]

صح لسانك يا بو توفيق

تصوير رائع للماضي الجميل و اصالته

صح لسانك و طاب حالك

ولاهنت

[بنت النور]

صح لسانك وعتلى شانك
ابدعت وامتعت
لاهنت
تحياتي

[عبدالمحسن الرحمه]

شاعرنا سعيد لا فضفوك وامات حاسدوك على هذا الابداع صح الله السانك ودي لك طال عمرك

[نجم الإبداع]

صح لسانك ياسعيد

مصافحه رائعه

لاهنت