لقيت الناس مامنهم سلامه-الكرونا

[الطائر المهاجر]

لقيت الناس ما منهم سلامه = يجي منهم كورونا او ملامه
فخلك مبعد من شان تسلم = ولا تقرّب لاحد والبس كمامه
واذا من شفت من كحكح وعاطس= فانحش عنه لا تلقط سقامه
واذا شفت اللذي يحاول يقرّب= فابعد عنه مترين وقامه
واذا جاك اللذي بالوجه يمدح= ترى بالظهر يصوب لك سهامه
واذا من جاك من يبغى هروجك= يلفقها ويزودها بكلامه
يتكسب لا لقى من يشتريها = ويصيدونك مثل صيد الحمامه
فحنا في زمن حب المصالح= يبيعك من يدور بك مرامه
فنادر ما تجد خلٍ وفيٍ= صديق صادق فيه الشهامه
فقرشك هو صديقك ما يتعذر= اذا منك بغيته بالعتامه

[منيع]

صحيح تسلم يادكتور
تحياتي لكم

[نجم الإبداع]

صح لسانك يبو عبدالله

تحياتي وتقديري

[داعي الشوق]

صح لسانك وانت بمكانك

الله يهونها على المسلمين ولاهنت

ومن خاف سلم

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا اخي نجم الابداع
على كريم المتابعه
لاهنت
تحياتي

[سهيل الشمري]

فحـنـا فــي زمــن حــب المـصـالـح
يبـيـعـك مـــن يـــدور بــــك مــرامــه


الله أكبر

حكيم وبليغ يالغالي

حفظك المولى

[الطامي]

صح السانك
ابدعت وأجدت
لاهنت بو عبدالله

[الطائر المهاجر]

شكرا اخي داعي
على كريم المتابعه
لاهنت
تحياتي

[الصمت الثائر]

صيح لسانك يالطائر المهاجر
مبدع أبو عبدالله
تحيتين وشجر