وصية العلطبيس وكنوز الاحابيش

[ماجد الزيد]

السلام عليكم ورحمة الله وبركاته
اخواني جائني اتصال من شخص يسئلني عن حدث وقع قبل مايقارب 1500 عام وله شواهد مرئية كنت ممن وفقهم الله ان لم اكن الوحيد الذي شاهدها فاخبرته عن المكان والزمان بطريقتي .ارجوا ان تغوصوا في العمق طويلا جداً , علما بأني لا احبذ هذا النوع من الغموض في الشعر فالشعر رسالة ولكن هذه القصيدة هي عبارة عن لغز

للحفظ

سقيت السم من كفّن مخضب نقش هندية=سقيت ارويت لين اعميت وقطع عرقي التاجي
سقتني من بنات الجن ولابي طب او كيّه=بكوز(ن)من قواريرن ممرد لف من عاجي
علي دارت كؤوس الحسد في زمن الضلاليه=عظيم(ن)من بني خالد لي مهاتف لي مناجي
يجيني من بني سالم ثلاث الاف سرديّه=واهديهم واداويهم واعديهم عن التاجي
يهيج الجن ويّا الحن واهديهم بقافيّه=بكل لحن(ن)بديع ادن للاجيال منهاجي
عجز عنّي ابن لاحظ مقيم بدار رمحيّه=رماح وشويت(ن)هاجت وانا للقاف صناجي
بذو الفقار بالورسوب بالمجذوب ايديّه=اشيل احيل صبح وليل وبحري بالسفن هاجي
ولامن شلت بذراعي صمصامه يمانيه=ضربت الارض وفيها عض ابليس(ن)على الصاجي
يصيح يصيح دمّه بيح من رشقت سهاميّه=ينيح ينيح قام ايبيح في همّه على الشاجي
تعدى الخط يومه شط ثم اشتط للهيّه=ولكن له شواظ(ن)من حرور النار اجاجي
حبكته سبك سبكته حبك خطّن عك بلاويّه=عرك ابليس فر دلعيس فرّة فرخ الازراجي
ونا ماني على قول الشعر شفقان او ليه=خطو شعر(ن)مراسيله على لساني وينفاجي
الى من يعرف المغزى بصدرها عقابيه=علي تارد قبل خمس(ن)بفك الحرف من اجي
من الجوبة الى نجران قدها للجنوبيه=غرب مارب مسيرة يوم تحت انقاض عراجي
بصرواح(ن)وبانيها سبائين له اوريّه=ملك عارب عرب يعرب ابن يشجب عريراجي
تحت تابوت(ن)لمكرب سبأ باني الخريبيه=مفاتيح(ن)لصخر(ن)في حمادة غزو حجاجي
ببير العسكر القبلي قبل ظهران يمنيّه=بها رجل(ن)على قمّة جبل برجاي الافراجي
يشوف الغرب صبح مغرب مايلتد شماليه=ولا شرقي ولا قبلي بناه الاشرم الكاجي
به حربصيص غالي انفيس وعلطبيس وماسيه=فلا يقدر على حمل الصناديق الف هداجي
قفو بذاك العقنقل وقفة المرتاب عصريّه=وشوفوا عفلق(ن)تنظر لعفنقس خفرفاجي
شرحنا شرح حد الترح في قافن هزيجيّه=جهلها جاهل(ن) محدودة افكارة بالاسياجي
لذو عقل(ن)لبيب إهداء للحانك سروريّه=ونا لي موعد(ن)برجاه فيه ابراي وعلاجي
الا يامعبر الرؤيا خذ التأويل خطيّه=مشافة علم ماهي حلم وشاهدها بقرطاجي
كما رسم(ن)بانطونيوس عمدان(ن)رومانيّه=عليها سالفتنا الّي بنقب بذاك الارتاجي
وكم من جاهل(ن)يحسب سوالفنا عروضيه=سطور الخالدي رسم(ن) لفك الفك تحتاجي

[الطائر المهاجر]

وملحمة اخرى من ملاحم صاحب الصمصامه
يطلسمها كما يريد ويروي من خلالها ماقد لايريد الغير
كل ما اقوله
صح لسانك واعتلى شأنك
ولا هان رأسك الشاعر العلم والمستشار الفاضل / ماجد الزيد
مع أطيب تحياتي

صح لسان ولا هان
انت واللي قالها

[يوسف الشقران]

شاعرنا المختلف بابداعاته
المتميز حتى بطلاسمه

( بصراحه عجزت افهم المقصود )

لكن شدتني الكثير من الصور والرسوماات في هذه الرائعه


دمت مبدعا

[عبدالرحمن الصباح]

صح السانك وعلا شانك تقبل ودي وتقديري

[الخنساء]

صح لسانك اخي الشاعر ماجد

لاهان راسك قصيدة رائعة

سلمت وسلم شعرك

دمت بخير

[سعود النداح]

اخوي ماجد الزيد

لله در الابداع

قصيده رائعه وغموض اروع وان اشهد انك شاعر فذ

تقبل مروري واعجابي

صح لسانك ياالغالى
والله لا يهينك على هالقصيدة الطيبة
تحياتي وتقديري

[ابومياس]

هنا طلاسم بيانية

ومعنى هذه الطلاسم مع شاعرنا الرائع

ماجد حمد الزيد
مستشارنا العزيز

لا اقول الا صح لسانك ووسلم راسك

دمت بخير وعافية

[ابو أنس]

في الحقيقة استمتعت بصعوبتها وطلاسمها واعجازها
وان كنت لاأدعي فهمها...
ولكنها تنم عن مقدرة فذه لشاعر متمكن صعب المراس
ان اقول عنها جميله فهو قليل في حقها ولكنها مبدعه
من شاعر مبدع
لك كل الشكر