محاورة من الشات

[الطائر المهاجر]

المهاجر=
الا يامرحبا باللي حضر واللي لفانا يبتسم للشات = يبي علم الرجال وملعبه بالقاف يحميها
سناعيس=
هلا بك طير ياطاير وهات اللي معك بالذات=نبي علمك نبي حلمك نبي عاليها واطيها
احمد الراشد=
ترفق يالخوي بالعود واصبر عليه لحظات =يجيك مشرعن قاف الحصافه لشاطيها
فلاح=
سرى ياعود ليلك وانت واقف تنثر الهوشات= وانا وقعت والي برطمت مانا مسميها
المهاجر=
انا ماهمني ذيبٍ عوى في نيته نيات= انا شفي بريم مرني والقلب هاويها
لمحته والعصر يذن وتابعته على الخطوات= واثاري خطوتي تسبق وهو بالرمش يخطيها
نظرني نظرة فيها سهام الموت بالنظرات= وقال اللي تبا قلي فانا الطرقات ممشيها
فلاح=
اهب ياعود يالي ينتظر للبنت في اللفات = وانا ياكيف اقول العود مره مايسويها
سناعيس=
اجل ياصاحبي صلى بمسجدكم على غرات=وهو مايدري انك تلخسه والعين مغويها
المهاجر=
انا مانيب مثلك امشي بدربي على الختلات = حصيني لابس ثوب الزهاده خادع فيها
فلاح=
هلا يالعامريه تنتظر سنعوس بالكت كات = وتاهت بالدروب وماخفت عني مراميها
المهاجر=
احب الزين وانطر له فبعض الزين به آيات= ومن لاحب للمزيون فنفسه والبلى فيها
مدام اني وسيم وفي من يوسف بعض سيمات= فلاني مثل كشرة واحد وابليس مغويها
فلاح=
عجب ياعود من فعلك ولفاتك في الحارات= مراهق عقب سن الياس والسرعه معديها
سناعيس=
انا أمشي عدل دايم ولا أمشي بكشافات= ماني مثلك اطيح وخطوتي ما أقدر أعديها
المهاجر=
عصاتك دوم قدامك ضرير وخايف الزلات= ومن شاف الكروش اللي تسابقك بخطاويها
فلاح=
تروني ماقصدت الي يفكر فيه راعي القات= ولا لي بالذي حلل مرامي فيه كاويها
المهاجر=
مدامك عارفٍ للقات فخزن سيّد الاغات=ودرب الراس لاتنظر طريقٍ وانت باديها
سناعيس=
عصاك اللي تقول عنها ترى اللي سامها مامات=اذا تقدر تزود السوم والا منك ابشريها
فلاح=
علامك ياحمد الراشد تصب القاز عالخفرات= ترى مانته بعارف مقصدي يا طامرن فيها
المهاجر=
اشوفك مثل عسعوسن لقى نفسه مع الوردات= وقامن يهربن منه فريحه بان خافيها
ماجد مهدي=
ألا جاكم ابن مهدي يبيع ويشتري بالشات = ترى عنده قفص كايف وابو عابد بحاويها
فلاح=
انا ياعود مستغرب لمن حلل ودز الزات= يبي يشبع وبطنه بات ليل الهم طاويها
المهاجر=
احطك في قفص وارميك في بحرٍ من الاموات= تشوف النشر من قرشٍ سنونها ما تداويها
وانا بايعك يامطوف ببلاش ما ابي ريالات= عساي القى زبون لك ولايبحث خوافيها
يكفي حطه السنعوس والماموث ابو شنبات= بفرن يصلخ لجلده وكرشه ما يخليها
سناعيس=
انا ما همني من يشري السلعه من البالات=انا اشري سلعة تصنع ومصنعها صنع ليها
مروان الشيخ=
اشوف اناس مجتمعه عسى ما فاتني مافات=وبعض الخلق مصيوبه وماتخفى مواريها
سناعيس=
وانا ياصاحبي بعتك بمجاني وعليك ابيات=تخلي من شراك يفكر ببيعك بتاليها
علي العتيبي=
والا يالربع وشفيكم ترا مافات طبعاً مات = تعالوا نطرح الفكره على ماصة دعاويها
ماجد مهدي=
مهاجر المصيبه انك ابد ما فيك ابد ميزات = وظهرك انعوج لا والعصا انته مخاويها
فلاح=
الا يانعنبوا هالاتصالات اثرها كسرات = تخلي الناس عقبي تلتهم نفسي وتكويها
سناعيس=
انا لك شاهد وأبصم لك بعشره من البصمات=كلامك صح ياماجد وان اشهد دوم هاريها

[العيناء العامريه]

صح لسان شعرائنا

و يعطيك العافيه يا المهاجر ما قصرت

[الطامي]

الله عليكم فطاحل
رديات سريعه
طيبة من طيبين
لاهانت روسكم ودمت سالمين

[ابوعبدالرحمن القريشي]

صح لسانكم جميع

وبيض الله وجيهكم

دمتم بحب

[ابومياس]

ذي متى صارت

والله اقرأ والضحكة مصاحبة لكل بيت

بس ليش كلكم على العود

صح لسان كل واحد فيكم وبيض الله وجيهكم

[نجم الإبداع]

تسلم يابو عبدالله على النقل

صح لسانك ولسان اخواننا الشعراء

لاهنت

فائق الاحترام

تسلمون على الرديه الجميله

وصح لسان كل من شارك

تحياتي

[صنداح الزلامى]

صحت السلنت شعراينا الكرام التي اقموا هذا الحفة في ليلة...........


مباركة تجمع كلن من الشعراء الكبار الطائر المهاجر سناعيس احمد




الراشد فلاح بن منشارمروان الشيح ماجد المهدي ....... هنا نقول وفق الله الجميع وعلى امل ان شالله ان نلقاهم في احتفاليات اخرى ......تحياتي

للجميع ............... دمتم بخير

[البتار]

لك الشكر
على ما فاض به قلمك
تحياتي

[المتابع]

الف شكر
على ماجاد به قلمك
تحياتي الطيبه