طعنة عدوٍ لك تعرفه وتدريه

[الطائر المهاجر]

طعنة عدوٍ لك تعرفه وتدريه = تبرى مع الأيام لو هي عميقه
وطعنة قريبٍ او صديقٍ تداريه= ما اظنها تبرى ولو هي عتيقه
فاخذ الحذر في وقت بانت مواريه= غيّر مبادي في نفوس الخليقه
ما عاد تدري صقرها من حباريه= وحتى غراب البين غيّر نعيقه
لا من سمعته تنخدع في محاريه= تحسبه ورقا باللحون الرقيقه
ورجلٍ بلا مبدأ ولا خاف باريه = عايش مجون وتايهٍ في طريقه
حتى ولو يعجبك لحنٍ يثاريه = بياع هرج وكل مكرٍ يحيقه
ودك على علباه بالنار تهريه = وتطرده ما يجلس معك لو دقيقه
مجلسه عار ومن يحاول يذريه = مثله خنا فاتركه يلحق صديقه
اضرب على الكايد ولا تجيب طاريه= ولا تخاف غير اللي خلق للخليقه
جلستك مع حرٍّ على الدين تشريه = ولا مجلس للبوم يغري بريقه

[عبدالله الشويمان]

الله الله عليك يا ابوعبدالله

صح السانك وعلا شانك يا القرم

كعادتك جزل وصاحب حكمه يا الغالي

دمت بخير وصحه وسلامه ولا هنت

[ابومياس]

جلستك مع حرٍّ على الدين تشريه
.....................ولا مجلس للبوم يغـري بريقـه

انا اشهد يابو عبدالله

جلسة الطيبين تنشرى ومجلس الخايبين ينباع

صح لسانك وبيض الله وجهك

كما عهدك حكيم

دمت بخير

[النهج المختلف]

الطائر المهاجر صح السانك ,,,,
ياسلام عليك يابوعبدالله أبدعت ,,,,
قصيدة جزلة من راس جزل ,,,,
لاهنت يالغالي والله يعطيك العافية ,,,,
تحياتي وتقديري ,,,,

[سناعيس]

الطائر المهاجر
جزالة متناهيه
ألف صح لسانك يالغالي
والله لايهينك

تحياتي

[سعيد الصاعدي]

الاخ الفاضل / الطائر المهاجر
صح لسانك لاهنت
جزل ياأبو عبدالله
لاجديد دائمااا متمكن
تحياتي وتقديري
أخــــــــــــوك
س / ص

[منيع]

ابيات رائعة ومعبرة
وانت من اهل الحكمة وبعد النظر
دمت موفقا ومسددا
بارك الله فيك
تحياتي وتقديري

[مروان الشيخ]

طعنة عدوٍ لـك تعرفـه وتدريـه
تبرى مع الأيام لو هـي عميقـه
وطعنة قريبٍ او صديـقٍ تدريـه
ما اظنها تبرى ولو هـي عتيقـه



قمة الشاعرية



دمت متألقا..... ابو عبدالله

[ماجد المهدي]

صح لسانك يابو عبدالله

قصيدة جزله ومعاني قوية صارمه

لا هنت

تحياتي

ماجد المهدي

[صعبة المنال]

المشاركة الأصلية كتبت بواسطة الطائر المهاجر

طعنة عدوٍ لك تعرفه وتدريه = تبرى مع الأيام لو هي عميقه
وطعنة قريبٍ او صديقٍ تدريه= ما اظنها تبرى ولو هي عتيقه
فاخذ الحذر في وقت بانت مواريه= غيّر مبادي في نفوس الخليقه
ما عاد تدري صقرها من حباريه= وحتى غراب البين غيّر نعيقه
لا من سمعته تنخدع في محاريه= تحسبه ورقا باللحون الرقيقه
ورجلٍ بلا مبدأ ولا خاف باريه = عايش مجون وتايهٍ في طريقه
حتى ولو يعجبك لحنٍ يثاريه = بياع هرج وكل مكرٍ يحيقه
ودك على علباه بالنار تهريه = وتطرده ما يجلس معك لو دقيقه
مجلسه عار ومن يحاول يذريه = مثله خنا فاتركه يلحق صديقه
درب النقاء دربي واعلّي صواريه= ومن كان دربه غير ماني رفيقه
اضرب على الكايد ولا جبت طاريه= ولا اخاف غير اللي خلق للخليقه
جلستك مع حرٍّ على الدين تشريه = ولا مجلس للبوم يغري بريقه

صح لسانك يا ابو عبدالله وعلا شانك

جزله وقوية


والطعون تزيد الرجال قوة وشدة


صعوووب